Бишкек шаарынын мэринин милдетин аткаруучу Балбак Түлөбаев Ак-Өргө жаңы конушунун кыдыруу учурунда

Балбак Түлөбаев Ак-Өргөнүн 5 гектар жерине парк салына турганын айтты

198
(жаңыланган 18:23 14.01.2021)
Мэрдин милдетин аткаруучу ордо калаада эң узун бульвар пайда болорун жана Ош базарына 900 орундуу муниципалдык базар курула турганын да жазган.

БИШКЕК, 14-янв. — Sputnik. Бишкек шаарынын мэринин милдетин аткаруучу Балбак Түлөбаев Ак-Өргө жаңы конушунун беш гектар жерине парк салына турганын Facebook баракчасы аркылуу билдирди.

"Бүгүн шаарды кыдырдык. Жыйынтыгында Ак Өргө жаңы конушундагы беш гектар жерге парк салабыз. Ошол эле конушта калктын аярлуу катмарынын өкүлдөрүнө жатакана жана бала бакча курабыз. Бишкекте эң узун бульвар пайда болот. Мындан сырткары, Ош базарына 900 орундуу муниципалдык базар курулат", — деп жазган Түлөбаев.

Мэрдин милдетин аткаруучу бул курулуш иштери качан башталарын так айткан эмес.

198
Белгилер:
базар, парк, Бишкек мэриясы, Бишкек, Балбак Түлөбаев
Тема боюнча
Башың жетпесе, кийлигишпе. Түлөбаев монорельс боюнча сын айткандарга жооп берди
Түлөбаев Бишкекке чоң бульвар салына турганын айтып, видеосун көрсөттү
Лаборатория кызматкери иш учурунда. Архив

Россияда COVID-19ду бир саатта аныктай турган тест-система жасалды

12
(жаңыланган 11:03 16.01.2021)
Россиялык окумуштуулар жугуу жагынан күчтүүрөөк деп айтылып жаткан жаңы штаммдарды тез аныктоону максат кылууда.

БИШКЕК, 16-янв. — Sputnik. Роспотребнадзор мекемесинин Эпидемиология институту COVID-19ду 60-90 мүнөттүн ичинде аныктап берчү тест-система иштеп чыкты. Бул тууралуу аталган институттун директору Василий Акимкиндин сөзүнө таянып РИА Новости жазды.

"Биз вирусту аныктоо убактысын үч-төрт эсеге кыскарта алдык. Мунун негизинде тест-система иштеп чыктык. Эффективдүүлүгү жагынан кадимки ПЦР-тесттерден калышпайт. Жакынкы күндөрү аны COVID-19дун Улуу Британияда табылган жаңы штаммын аныктап көрүү үчүн жөнөтөбүз", — деди Акимкин.

Окумуштуулар жугуу жагынан күчтүүрөөк деп айтылып жаткан жаңы штаммдарды тез аныктоону максат кылууда.

Ошондой эле адистер жаңы тест-система вирустун мутация болгонун же болбогонун дагы так көрсөтүп берерин кошумчалашты.

12
Белгилер:
тест, коронавирус, Россия
Тема:
Дүйнөгө жайылган коронавирус
Тема боюнча
Кыргызстанда дагы бир менчик лабораторияга ПЦР-тест жүргүзүүгө уруксат берилди
Финпол ПЦР-тесттин жасалма жыйынтыгын саткан кылмыштуу топту кармады. Сүрөт
Россияда COVID-19га каршы массалык эмдөө башталат
Коррупция беренеси менен шектелип Жогорку Кеңештин депутаты Дүйшөн Төрөкулов кармалды

Учактан кишенделип түштү. Депутат Төрөкуловдун кармалган видеосу

170
(жаңыланган 11:12 16.01.2021)
Улуттук коопсуздук мамлекеттик комитети Жогорку Кеңештин депутаты Дүйшөн Төрөкуловду кармаган видеосун жарыялады.

БИШКЕК, 16-янв. — Sputnik. Эл өкүлү коррупцияга шектелип колго түшүрүлгөн. Ал 15-январь күнү Ош шаарынан кармалып, Бишкекке алып келинген. Кадрдан колуна кишен салынган депутатты атайын кызматтын куралчан аскерлери учактан түшүрүп, андан соң УКМКнын имаратына алып кирип кеткенин көрүүгө болот. 

Биринчи май райондук сотунун чечими менен депутат Төрөкулов эки айга УКМКнын тергөө абагына камалган.

Белгилей кетсек, Дүйшөн Төрөкулов Жогорку Кеңеште "Бир Бол" фракциясынан депутат. Октябрдагы башаламандык учурунда Ош шаардык мэриясын басып алып, өзүн-өзү мэр деп жарыялап эки күн отурган.

170
Белгилер:
кармоо, УКМК, шайлоо, депутат, Дүйшөн Төрөкулов
Тема боюнча
УКМК депутат Дүйшөн Төрөкуловду желкелеген бойдон кармап кетти. Сүрөт
Автомат такап, баса калып... Спецназ кримтөбөл "Алтуханы" кармаган видео
Белгилүү режиссёр, КР эл артисти Артыкбай Сүйүндүков. Архив

Кыргызстандык режиссёр Индиядагы кинофестивалда мыкты аталды

0
(жаңыланган 11:27 16.01.2021)
Фестивалдын алкагында өткөн сынакка Кыргызстандын атынан Сүйүндүковдун "Шамбала" тасмасы катышкан. Жыйынтыгында кыргызстандык режиссёр мыкты деп табылды.

БИШКЕК, 16-янв. — Sputnik. Белгилүү режиссёр, КР эл артисти Артыкбай Сүйүндүков XXVI Калькутта эл аралык кинофестивалында (Индия) "Мыкты режиссёр" наамына ээ болду. Бул тууралуу "Кыргызфильм" маалымдады.

1995-жылдан бери өткөрүлүп келе жаткан кинофестиваль адатта 10-17-ноябрь күндөрү болчу. Бирок пандемияга байланыштуу ал январга жылдырылып, бул ирет онлайын форматта өткөрүлдү.

Фестивалдын алкагында өткөн сынакка Кыргызстандын атынан Сүйүндүковдун "Шамбала" тасмасы катышкан. Жыйынтыгында кыргызстандык режиссёр мыкты деп табылды.

Толук метраждуу "Шамбала" тасмасы Чыңгыз Айтматовдун "Ак кеме" повестинин негизинде тартылган. Буга чейин россиялык "Киношок" фестивалында эки сыйлыкка татыган.

0
Белгилер:
Артыкпай Сүйүндүков, сыйлык, Индия, Кыргызстан
Тема боюнча
Сүйүндүковдун "Шамбала" тасмасы Россияда эки сыйлыкка татыды
Сүйүндүков: "Шамбала" — 40 жылдан бери пландап келе жаткан тасмам