Медициналык кызматкер. Архив

Ким оорушу мүмкүн? Иммунолог коронавирустун жазындагы жаңы толкунуна баа берди

297
(жаңыланган 09:43 15.01.2021)
Адистин айтымында, жаз өзүнүн өктөмүн кылат. Жаркырап тийген күн, тагыраагы, ультрафиолет нуру вирусту өлтүрөт.

БИШКЕК, 15-янв. — Sputnik. Коронавирустун жаңы чыккан учурлары жазында кайталанбайт, ал мезгилде калктын иммунитети жетиштүү деңгээлде туруктуу болуп калат. Андан сырткары, күндүн жылышы өзүнүн таасирин берет. Бул тууралуу РИА Новости медицина илимдеринин доктору, иммунолог-дарыгер, өзгөчө кооптуу инфекциялар боюнча адис Владислав Жемчуговго шилтеме кылып жазды.

"Жазында жаңы толкун (коронавирустун) болбойт. Иммундук катмарлар вирус кирбегендей болуп калыптанат. Кимдер оорушу мүмкүн? Жаңылар. Эмне үчүн кытайлыктар коркуп жатышат? Аларда аз киши ооруду, ал эми эл көп. Эгерде ал жактан кайрадан каптаса, бир топ эле катуу болот", — деди Жемчугов.

Андан сырткары, жаз өзүнүн өктөмүн кылат. Жаркырап тийген күн, тагыраагы, ультрафиолет нуру вирусту өлтүрөт.

Жемчугов буга чейин РИА Новостиге Россияда коронавирустун жуккан учурларынын төмөндөшү дагы эки аптага созуларын айткан. Анын айтымында, суук аба ырайы коронавирус үчүн анча деле жакшы эмес, көчөдө ал азыр дээрлик тарабайт.

Адис абалга "британиялык штаммдын" таралышы деле анча таасирин бербейт деген ишенимин билдирген.

Өз учурунда биология илимдеринин доктору, вирусолог Алексей Аграновский суук аба вирустун таралышын азайтып же көбөйтүп жибербей тургандыгын, себеби инфекция негизинен сыртта эмес, жабык жерде жуга тургандыгын айткан.

Муну менен катар эле ал жылуу абада вирус алсырай тургандыгын кошумчалаган.

297
Белгилер:
жугуу, толкун, жаз, коронавирус, Россия
Тема:
Дүйнөгө жайылган коронавирус (1323)
Тема боюнча
COVID жуктургандар дагы деле Бишкек менен Чүйдө көп. Жаңы статистика
Норвегияда Американын Pfizer вакцинасын алган 23 киши көз жумду
ӨКМ кызматкери Дордой базарында чыккан өрт учурунда

15 саат болду. "Дордойдо" кездеме саткан дүкөндөгү өрт толук өчө элек. Сүрөт

215
(жаңыланган 12:28 07.03.2021)
Тилсиз жоо кечээ 20:30дар чамасында чыккан. Дүкөндүн жалпы аянты 450 чарчы метрди түзсө, болжол менен жарым бөлүгү күйгөн.

БИШКЕК, 7-мар. — Sputnik. Кечээ кечинде Свердлов районуна караштуу "Дордой" базарында чыккан өрт азыркыга чейин өчө электигин ӨКМ билдирди.

Кечээ 20:30дар чамасында жайгашкан "Дордойдогу" "Алтын-Тоо" базарындагы текстиль материалдарын саткан дүкөндөн өрт чыккан.

  • Кечээ кечинде Свердлов районуна караштуу Дордой базарында чыккан өрт азыркыга чейин өчө электигин ӨКМ билдирди
    Кечээ кечинде Свердлов районуна караштуу "Дордой" базарында чыккан өрт азыркыга чейин өчө электигин ӨКМ билдирди
    © Фото / пресс-служба МЧС КР
  • Кечээ 20:30дар чамасында жайгашкан Дордойдогу Алтын-Тоо базарындагы текстиль материалдарын саткан дүкөндөн өрт чыккан
    Кечээ 20:30дар чамасында жайгашкан "Дордойдогу" "Алтын-Тоо" базарындагы текстиль материалдарын саткан дүкөндөн өрт чыккан
    © Фото / пресс-служба МЧС КР
  • Кырсык болгон жерге ӨКМден төрт өрт өчүрүүчү бригада, Бишкек шаардык куткаруу кызматтары тарабынан беш куткаруучу, штаб жана Кризистик кырдаалдарда башкаруу борборунун ыкчам тобу, ИИМден төрт экипаж жана Тез жардам кызматынан бир бригада тартылган. Өрт саат 00:01де чектөөгө алынган
    Кырсык болгон жерге ӨКМден төрт өрт өчүрүүчү бригада, Бишкек шаардык куткаруу кызматтары тарабынан беш куткаруучу, штаб жана Кризистик кырдаалдарда башкаруу борборунун ыкчам тобу, ИИМден төрт экипаж жана Тез жардам кызматынан бир бригада тартылган. Өрт саат 00:01де чектөөгө алынган
    © Фото / пресс-служба МЧС КР
1 / 3
© Фото / пресс-служба МЧС КР
Кечээ кечинде Свердлов районуна караштуу "Дордой" базарында чыккан өрт азыркыга чейин өчө электигин ӨКМ билдирди

Кырсык болгон жерге ӨКМден төрт өрт өчүрүүчү бригада, Бишкек шаардык куткаруу кызматтары тарабынан беш куткаруучу, штаб жана Кризистик кырдаалдарда башкаруу борборунун ыкчам тобу, ИИМден төрт экипаж жана Тез жардам кызматынан бир бригада тартылган. Өрт саат 00:01де чектөөгө алынган.

"Дүкөндүн жалпы аянты 450 чарчы метрди түзсө, анын ичинен болжол менен 200 чарчы метри күйгөн. Азыр өрт толугу менен өчө элек. Адатта текстиль материалдары кеч өчөт", — деп айтылат маалыматта.

Учурда эки өрт өчүрүүчү бөлүм кызмат кылып жатат. Өрттүн келип чыгуу себеби жана келтирилген материалдык чыгымдар такталууда.

215
Белгилер:
базар, дүкөн, өрт, ӨКМ, "Дордой" базары
Тема боюнча
Кара-Суу районунда бир мектеп толугу менен күйүп кетти. Сүрөт
Колледжтеги өтүп жаткан сабак. Архив

Билим сапатын жакшыртуу керек. Колледж мугалимдери окутула баштады

23
(жаңыланган 11:41 07.03.2021)
Окутуучулардын тажрыйбасын тереңдетүү "Секторду өнүктүрүү программасы: инклюзивдүү өнүгүү үчүн көндүмдөр" долбоорунун алкагында өтүп жатат.

БИШКЕК, 7-мар. — Sputnik. Башталгыч жана орто кесиптик билим берүү системасынын мугалимдеринин квалификациясын жогорулатууга багытталган окутуулар башталды. Бул тууралуу Билим берүү жана илим министрлигинин маалымат кызматы кабарлады.

Тренингдер "Секторду өнүктүрүү программасы: инклюзивдүү өнүгүү үчүн көндүмдөр" долбоорунун алкагында өтүп жатат.

Алгач Кыргызстан эл аралык университетинин Политехникалык колледжинин мугалимдерине билим берүүдө компетенттүүлүктү ишке ашыруунун ыкмасы боюнча окутуу өткөрүлгөн.

Анда мугалимдерге окутуу модулдарын түзүү жана өткөрүү боюнча керектүү маалыматтар берилип, модулдук билим берүүнүн өзгөчөлүктөрүн түшүндүрүшкөн.

23
Белгилер:
мугалим, колледж, билим, тренинг, Билим берүү жана илим министрлиги, Кыргызстан
Тема боюнча
Батракеева: ЖРТга катталгандан кийин телефон номерди өзгөрткөнгө болбойт
Бишкекте 1-апрелден тарта бардык класстын окуучулары мектепке бара баштайт
ЖККУ мүчө-мамлекеттердин желектери. Архив

Жаңы куралдар коркунуч жаратууда. ЖККУга мүчө-мамлекеттер билдирүү таратты

0
(жаңыланган 12:31 07.03.2021)
ЖККУга мүчө-мамлекеттер абалды мындан ары көзөмөлдөөгө үндөп, зарыл болгон сунуштарды иштеп чыгууга чакырды. БУУнун Генералдык Ассамблеясы кабыл алган үч жылдык резолюциясын колдой тургандыктарын билдиришти.

БИШКЕК, 7-мар. — Sputnik. Жааматтык коопсуздук келишим уюмуна (ЖККУ) мүчө болгон мамлекеттер "Массалык жок кылуучу куралдардын жаңы түрлөрүн жана ошондой куралдардын жаңы системаларын өндүрүү жана иштеп чыгууну тыюу салуу жөнүндө" бирдиктүү билдирүүнү кабыл алышты.

"Аталган уюмга мүчө болгон мамлекеттер мындай маанилүү документтерди макулдашуу учурдун талабы экендигин белгилешет. Анткени эл аралык жана аймактык коопсуздук үчүн учурда жаңы чакырыктар пайда болууда. Алардын арасында массалык жок кылуучу куралдардын жаңы түрлөрүнүн пайда болушу, түрдүү курал-жарактардын космос мейкиндигинде жүрүүсү, маалыматтык жана коммуникациялык технологиялардын деструктивдүү багытта колдонулушу, коркунучтуу куралдардын террордук топ же уюмдардын колуна тийип калганы да бар. Андан сырткары, илимий-техникалык прогресстин аркасында трансулуттук корпорация, мамлекеттик эмес субъектилердин ролу да жогорулоодо. Мунун баары жыйынтыктуу чечимдерди кабыл алып, Бириккен Улуттар Уюмунун системасындагы тармактык органдар жана Куралсыздандыруу боюнча конфреренция менен өз убагында иш-аракеттерди биргеликте көрүүгө мажбур кылууда", — деп жазылат билдирүүдө.

ЖККУнун мүчөлөрү абалды мындан ары көзөмөлдөөгө үндөп зарыл болгон сунуштарды иштеп чыгууга чакырат жана буга чейин БУУнун Генералдык Ассамблеясы кабыл алган үч жылдык резолюциясын колдойт.

0
Белгилер:
билдирүү, курал-жарак, ЖККУ
Тема боюнча
ЖККУ машыгууларынын зарылдыгы. Быйылкыга эмнелер пландалган?
Кыргызстандын армиясы россиялык С-300 системасын алмай болду
ЖККУ саммитинде маанилүү документтерге кол коюлду. Тизме