Доллар жана сом купюралары. Иллюстративдик сүрөт

Райым Матраимовдон башкалар бюджетке канча акча которгону айтылды

1294
(жаңыланган 13:05 15.01.2021)
Бул эсепке экономикалык мунапысты колдонгон ишкерлер, коррупциялык ишин мойнуна алгандар жана жөнөкөй жарандар өз ыктыяры менен акча которот.

БИШКЕК, 15-янв. — Sputnik. Республикалык бюджетти колдоо максатында ачылган бирдиктүү депозиттик эсепке 1 миллиард 547 миллион сом келип түштү. Бул тууралуу Борбордук казынанын директору Марлен Амандыков Sputnik Кыргызстанда өткөн маалымат жыйында билдирди.

Бул эсепке экономикалык мунапысты колдонуп жаткан ишкерлер жана бюджетти колдоо ниетин билдирген жарандар өз ыктыяры менен акча которот. Ошондой эле коррупция менен күрөшүүдөн түшкөн каражат дагы салынат.

Заместитель министра и директор центрального казначейства Марлен Амандыков на брифинге в пресс-центре Sputnik Кыргызстан
© Sputnik / Табылды Кадырбеков
Борбордук казынанын директору Марлен Амандыков
"Укук коргоо органдары тарабынан өндүрүлүп жаткан каражаттар да ушул эсепке келип түшөт. Бүгүнкү күндө 1 миллиард 547 миллион сом чогулду. Анын ичинен 1,4 миллиард сому Бажы кызматынын төрагасынын мурдагы орун басары Райым Матраимов которгон каражат", — деди Амандыков.

Белгилей кетсек, УКМК Райым Матраимовду коррупцияга айыптап кармап, кийин ал эки миллиард сом төлөөгө макул болгонун негиз кылып үй камагына чыгарылган. Андан соң 1,4 миллиард сомду накталай, калган 600 миллион сомуна бир соода борбору, тогуз батирин өткөрүп берген.

1294
Белгилер:
каражат, Райымбек Матраимов, бюджет, Акча которуулар, эсеп
Тема боюнча
Министрлик 2-3 жылда тышкы карызды толук төлөө үчүн кайдан акча табарын айтты
Райым Матраимовдун өкүл баласы канча акча төлөп үй камагына чыкканы айтылды
Транспорт министрлигинин статс-катчысы 2,5 млн. сом төлөп абактан чыкты
Саламаттык сактоо министрлигинин штаттан тышкаркы башкы фармакологу Жылдыз Жумагулова

Жумагулова: онкологияга чалдыккандарга кан тапшырып жардам кылса болот

7
Саламаттык сактоо министрлигинин штаттан тышкаркы башкы фармакологу Жылдыз Жумагулова онкологиялык илдетке чалдыккандарга жылдап дарыланууга туура келерин белгиледи.

Онкологияга чалдыккандар дары-дармек, медициналык жабдуу алуу үчүн каржылык жана кан донорлорунун жардамына муктаж. Бул тууралуу Жылдыз Жумагулова Sputnik Кыргызстан радиосунда маек куруп жатып билдирди.

Жумагулова: онкологияга чалдыккандарга кан тапшырып жардам кылса болот

Анын айтымында, онкологияга чалдыккандар үчүн өкмөт тарабынан каржы бөлүнөт, бирок ал жетишсиз.

"Кыргызстандын фармацевтикалык рыногу чакан болгондуктан көп компаниялар акыркы чыккан дарыларды алып келүүгө кызыкдар эмес. Башка ооруларга салыштырмалуу онкологияга чалдыккандар жылдап дарыланат. Ошондуктан бир жылга ченеп алынган дарылар кээде жетишсиз болуп калат. Мындан тышкары, медициналык жабдууларга дагы муктаждык күч. Мына ушул көйгөйлөрдү чечүү үчүн элдин көмөгү зарыл. Мисалы, балага диагноз коюлганда ата-энеге психологиялык дагы көмөк керек. Анткени муну кабыл алуу абдан оор болот. Ошондой эле тромбоциттик масса менен камсыздоонун наркы дагы жогору. Анткени ал он чакты донордун канынан даярдалат. Ошондуктан мүмкүнчүлүгү барлар онкологиялык илдетке чалдыккандарга деп кан тапшырса, бул дагы бир адамдын өмүрүн сактаганга жардам болот. Мындан тышкары, өлкөдө полиативдик көмөк дагы жөнгө салынган эмес. Аталган дартка чалдыккандар толук кандуу сакайбай калган учурлар кездешет. Онкологиялык илдетте чыдатпаган оору болот. Аны басаңдатуу үчүн наркотикалык багыттагы дарылар жазылат. Аны рецептсиз жок алуу мүмкүн эмес. Айрым медиктер муну жазып бербей койгон учурлар кездешет. Мына ушул багыттагы көмөктү дагы жолго салуу зарылдыгы бар", — деди Жумагулова.

Ошондой эле ал онкологиялык ооруга чалдыккандар табыптарга барып, дарыгерлерге кеч кайрылып калган учурлар да болуп жатканын кошумчалады.

Белгилей кетсек, Sputnik Кыргызстан радиосу онкологиялык илдетке кабылган балдарга жардам берүү максатында башталган алгачкы ири радиомарафонго катышты. Чогулган каражат долбоордун алкагында оорулууларга жана аларды дарылап жаткан дарыгерлерге жумшалат.

Подкасттын толук вариантын видеодон көрүңүз:

 

7
Тема боюнча
Арзыкулов: онкологиялык ооруга кабылган балдарга ар бир адам жардам бере алат
COVID-19 вакцинасын алган улгайган адам. Архив

Кубалык адистер "омикронго" каршы вакцина иштеп чыга баштады

7
(жаңыланган 11:23 01.12.2021)
Буга чейин ДССУ шашылыш отурум өткөрүп, анын жыйынтыгы менен коронавирустун Түштүк Африкада пайда болгон жаңы вариантын классификациялоо чечимин кабыл алган. B.1.1.529 жаңы штаммы грек тамгасы менен "омикрон" деп аталган.

БИШКЕК, 1-дек. — Sputnik. Кубадагы BioCubaFarma биотехнологиялык компаниялардын тобу коронавирустун "омикрон" деп аталган жаңы штаммы жукканда кандай болуп жаткандыгы боюнча отчётторду тыгыз карап чыгып, ага каршы атайын вакцина иштеп чыгууда. Бул тууралуу РИА Новости жазды.

Агенттик жогорудагы маалыматты холдингдин президенти Эдуардо Мартинестин айткандарына таянып билдирген.

"Омикрон" деп аталган жаңы штамм жукканда кандай болорун көңүл коюп байкап жатабыз. Ага каршы атайын вакцинаны иштеп чыгуудабыз, аны тез арада жасайбыз. Эми башкысы, күчтөндүргөн дозасын кошкондо эмдөө иштерине көз салуу керек жана COVID-19га байланыштуу санитардык чараларды сактоо өтө маанилүү", — деп жазган Мартинес өзүнүн Twitter блогуна.

Буга чейин Дүйнөлүк саламаттык сактоо уюму шашылыш отурум өткөрүп, анын жыйынтыгы менен коронавирустун Түштүк Африкада пайда болуп, тынчсыздандырып жаткан жаңы вариантын классификациялоо чечимин кабыл алган. B.1.1.529 жаңы штаммы грек тамгасы менен "омикрон" деп аталган. Медицина боюнча дүйнөлүк ассоциациянын төрагасы Франк Ульрих Монтгомери "омикрон" кооптуулугу менен Эбола вирусу же "дельта" штаммы сыяктуу болуп кетиши мүмкүн деп түйшөлгөнүн айтты.

Маалыматтарга караганда, Кубада коронавирустун жаңы тибине каршы элдин 82,2 пайызы эмделген. Ал жакта 2 жаштан өйдөгүлөрдүн саны 9,19 миллион киши дешти.

Кубанын окумуштуулары COVID-19га каршы төтр вакцина эсептеп чыгышкан. Финли вакцина институту иштеп чыккан эки препараттан (Soberana 01 жана Soberana 02) сырткары, Гендик инженерия жана CIGB биотехнологиялар борбору эки вакцинаны изилдеп жатат. Алар — тамчылатма Mambisa жана инъекциялык Abdala. Баштапкы Soberana 01 жана Soberana 02 көп санда чыгарылып, жапырт эмдөөгө колдонуу стадиясында турат.

7
Белгилер:
Куба, Дүйнөлүк саламаттыкты сактоо уюму, 'омикрон' штаммы, коронавирус, вакцина
Тема:
Дүйнөгө жайылган коронавирус
Тема боюнча
"Омикрон" штаммынан коргонуунун жападан жалгыз жолу айтылды
Кыргызстанга кирүүдө 1-декабрдан тарта ПЧР-тест талап кылынат
Казакстан өлкөгө кирүү эрежесин катаалдаштырып, чектөө киргизет
Флаги Кыргызстана и Турции во время официального визита президента КР

УКМК: Түркия Кыргызстанда мамлекеттик төңкөрүш жасоого даярдык көргөн эмес

0
Мамлекеттик комитет тышкы саясий күчтөрдүн өлкө ишине кийлигишүүгө жол берилбей турганын белгиледи.

БИШКЕК, 1-дек. — Sputnik. Улуттук коопсуздук боюнча мамлекеттик комитет Түркиянын Кыргызстанда төңкөрүш жасоого даярдап жатканы ачыкталды деген маалыматты төгүндөп билдирүү таратты.

Буга чейин интернет айдыңында жана айрым чет өлкөлүк ЖМКларда жеке булактарына таянуу менен Бишкекте Түркиянын катышуусу менен мамлекеттик төңкөрүш даярдалганы тууралуу кабарлар жарыяланып кеткен.

"Маалымат чындыкка дал келбейт", — дешти УКМКдан.

Комитет бир дагы чет мамлекет Кыргызстандын ички саясий ишине кийлигише албай турганын расмий билдирди. Андан тушары, мындай аракеттерге УКМК жол бербей турганы айтылды.

0
Белгилер:
Түркия, Кыргызстан, УКМК, мамлекеттик төңкөрүш, саясат