Көк-Жар конушу. Архивдик сүрөт

Мэрия: шаардын түштүгүнө парк, Көк-Жар конушуна мектеп курулат

(жаңыланган 12:59 15.01.2021)
Эки долбоор тең Азербайжандын каражатына ишке ашмакчы, ал эми мэрия жер участогун бөлүп берген.

БИШКЕК, 15-янв. — Sputnik. Бишкек шаарынын мэринин милдетин аткаруучу Балбак Түлөбаев Азербайжандын Кыргызстандагы элчиси Гидаят Оруджев менен кезикти. Бул тууралуу муниципалитеттин маалымат кызматы кабарлады. 

И.о. градоначальника Бишкека Балбак Тулебаев встретился с чрезвычайным и полномочным послом Азербайджанской Республики в КР Гидаятом Худуш оглы Оруджевым.
© пресс-служба мэрии города Бишкек
Бишкек шаарынын мэринин милдетин аткаруучу Балбак Түлөбаев Азербайжандын Кыргызстандагы элчиси Гидаят Оруджев менен кезикти

Тараптар шаардын түштүк бөлүгүнө парк, ал эми Көк-Жар конушуна 550 орундуу мектеп курууну сүйлөшүшкөн.

Аянты 5,5 гектар болгон паркта фонтан, декоративдүү бассейндер, ачык амфитеатр, беседка жана балдар аянтчасы болот.

Белгилей кетсек, эки долбоор тең Азербайжандын каражатына ишке ашмакчы, ал эми мэрия жер тилкесин бөлүп берген.

Мындан тышкары, шаардын түштүк тарабында, тагыраагы, Дайыр Асанов атындагы паркта бул өлкө каржылаган дагы бир коомдук жай курулары айтылды.

Балбак Түлөбаев шаардын инфраструктурасын жакшыртууга салым кошуп жатканы үчүн Азербайжан элчисине ыраазычылык билдирип, мындан аркы кызматташтык алаканын өсүшүнө ишеним арткан.

Белгилер:
курулуш, мектеп, парк, мэрия, элчи, Балбак Түлөбаев, Азербайжан, Бишкек
Тема боюнча
Балбак Түлөбаев Ак-Өргөнүн 5 гектар жерине парк салына турганын айтты
Бишкекте каралбай калган жерде чакан парк пайда болот. Эскиз
Будапешт шаарында Чыңгыз Айтматов атындагы парк пайда болду. Сүрөт
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россиянын 11 аскер адамы КР президентинин энчилүү кол сааты менен сыйланды

(жаңыланган 23:29 19.04.2021)
Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

БИШКЕК, 19-апр.— Sputnik. Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды. Бул тууралуу өлкө башчынын маалымат кызматы кабарлады.

Церемония вручения именных часов президента Кыргызстана Садыра Жапарова 11 российским военнослужащим на авиабазе Кант
© Пресс-служба президента КР
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

Саат тапшыруу аземи "Кант" авиабазасында болуп, анда Кыргызстандын Коргоо министрлигинин жетекчилиги жана Коопсуздук кеңешинин катчылыгынын кызматкерлери болгон.

Машыгууга эки миңге жакын адам катышып, 100гө жакын автомобиль, сооттолгон жана атайын техника, 20га чейинки артиллериялык система, ошондой эле 10дой авиациялык техника тартылган. 

Белгилер:
сыйлык, Садыр Жапаров, президент, Аскер, саат, Россия, Кыргызстан
Тема боюнча
Элди эвакуациялап, Төрткүлдү кайтарышат. Кыргызстандагы машыгуунун видеосу
Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди

Ошто балдардын жугуштуу илдеттер ооруканасынын жаңы имараты эшигин ачты. Сүрөт

(жаңыланган 21:43 19.04.2021)
100 орунга ылайыкташкан жаңы оорукананын курулушу бир жыл ичинде бүткөн. Ал эми эски имараты толугу менен оңдолгон.

БИШКЕК, 19-апр.— Sputnik. Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди. Бул тууралуу мэриянын маалымат кызматы кабарлады.

Ага ылайык, жаңы оорукананын ачылыш аземине саламаттык сактоо жана социалдык өнүктүрүү министри Алымкадыр Бейшеналиев, Ош шаарынын вице-мэри Эмиль Шадыханов катышкан. Иш-чарада министр дарыгерлердин айлык акылары көтөрүлө тургандыгын белгилеген.

  • Новая городская детская инфекционная больница на 100 мест в городе Ош
    Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди
    © Фото / пресс-служба мэрии города Ош
  • Новая городская детская инфекционная больница на 100 мест в городе Ош
    Ага ылайык, жаңы оорукананын ачылыш аземине саламаттык сактоо жана социалдык өнүктүрүү министри Алымкадыр Бейшеналиев, Ош шаарынын вице-мэри Эмиль Шадыханов катышкан.
    © Фото / пресс-служба мэрии города Ош
  • Министр здравоохранения Алымкадыр Бейшеналиев и руководители городской мэрии Оша осматривают новую детскую инфекционную больницу
    Иш-чарада министр дарыгерлердин айлык акылары көтөрүлө тургандыгын белгилеген.
    © Фото / пресс-служба мэрии города Ош
  • Новая городская детская инфекционная больница на 100 мест в городе Ош
    Ал эми вице-мэр Эмиль Шадыханов былтыркы жылдагы каталыктарды кетирбеш үчүн шаар мэриясы болгон күч аракетин жумшап, жугуштуу илдет боюнча түшүндүрүү жана алдын алуу иш-чараларын көрүп жаткандыгын кошумчалаган.
    © Фото / пресс-служба мэрии города Ош
1 / 4
© Фото / пресс-служба мэрии города Ош
Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди

Ал эми вице-мэр Эмиль Шадыханов былтыркы жылдагы каталыктарды кетирбеш үчүн шаар мэриясы болгон күч аракетин жумшап, жугуштуу илдет боюнча түшүндүрүү жана алдын алуу иш-чараларын көрүп жаткандыгын кошумчалаган.

100 орунга ылайыкташкан оорукананын курулушу бир жыл ичинде бүткөнү айтылды. Ал эми медициналык мекеменин эски имараты толугу менен капиталдык оңдоп-түзөөдөн өткөнү маалым болду.

Белгилер:
азем, ачылыш, министр, оорукана, Ош, Кыргызстан
Тема боюнча
Алай районунда 60 орундуу жугуштуу илдеттер ооруканасы ачылды. Сүрөт