Видеобайкоо камерасы. Архив

Финпол: Балыкчыга камера орнотууда 3 млн. сом сол чөнтөккө солонгон

97
(жаңыланган 10:32 20.01.2021)
Учурда бул ишке кызмат адамдарынын катыштыгы аныкталып, келтирилген зыяндын ордун толтуруу чаралары көрүлүп жатат.

БИШКЕК, 20-янв. — Sputnik. "Балыкчы шаарына видео байкоону орнотуу" долбоорун ишке ашырууда кызматкерлердин жумуштун наркын жасалма жогорулатуу менен мамлекетке үч миллион сомго жакын зыян келтиргени аныкталды. Бул тууралуу Экономикалык кылмыштарга каршы күрөшүү кызматы билдирди.

Маалыматка ылайык, Ысык-Көл облусун өнүктүрүү фондун башкаруу боюнча дирекциясы менен "Н.С" ЖЧКсынын ортосунда 2018-жылы аталган долбоорду ишке ашыруу үчүн 10 миллион сомго жакын суммада келишим түзүлгөн.

"Бул объект боюнча аппараттык-программалык комплекстер 7 миллион сомго жакын суммага сатып алынган, бирок аткарылган жумуштардын актысында наркы эки миллионго көбөйтүлүп эсептелген. Ошондой эле кошумча нарк салыгы кошулуп көрсөтүлөт. Бирок ал компания жумуш тапшырылган учурда салыктын ушул түрүн төлөгөн эмес. Мыйзамсыз иш-аракеттердин кесепетинен мамлекеттин бюджетине ири суммада, үч миллион сомго жакын зыян келтирилген", — деп айтылат маалыматта.

Финпол учурда бул ишке кызматкерлердин катыштыгы аныкталып, келтирилген зыяндын ордун толтуруу чаралары көрүлүп жатканын белгилейт.

97
Белгилер:
долбоор, камера, каражат, финансы полициясы
Тема боюнча
Финпол ПЦР-тесттин жасалма жыйынтыгын саткан кылмыштуу топту кармады. Сүрөт
Бишкекте мөөнөтү өткөн конфет-печенье сакталган дагы бир кампа табылды. Видео
600 миң доллар пайда көргөн. Финпол алдамчылыкка шектелген адамды кармады
Партктагы гүлдөр. Архив

Бейшембиге карата аба ырайы

12
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

12
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео
Кишенчен киши. Архив

Бизнесмен Жалил Атамбаев кармалып, камакка алынды

688
(жаңыланган 19:15 03.03.2021)
Шектүү мамлекеттик кызматта турганда мыйзамсыз негизде байыган деп УКМКнын тергөө абагына камакка алынды.

БИШКЕК, 3-мар. — Sputnik. Мыйзамсыз баюу фактысы боюнча Жалил Атамбаев кармалды. Бул тууралуу УКМКдан билдиришти.

Маалыматка караганда, ички иштер органдарынын мурунку кызматкери Атамбаевге каршы козголгон бир катар кылмыш иштери боюнча, анын ичинде мамлекеттик кызматта турганда мыйзамсыз баюу фактысы тууралуу тергөө иштери жүрүп жатат.

"Ички иштер органдарынын мурдагы кызматкери болуп саналган Жалил Атамбаев олуттуу финансылык ресурстарга ээ болуп, кымбат баалуу кыймылсыз мүлктү өзүнүн жакын туугандарынын атына каттатып алган", — деп айтылат маалыматта.

Шектүү Кылмыш-жаза кодексинин 323-беренесинин 2-бөлүмүнүн 2-пункту ("Мыйзамсыз баюу") боюнча кармалып, УКМКнын тергөө абагына киргизилди.

688
Белгилер:
бизнесмен, камак, мыйзамсыз, Жалил Атамбаев
Тема боюнча
Жеке клиниканын башкы дарыгери Матраимовдун абалы начар экенин айтты
УКМК ЖК депутаты Абжалиевди мыйзамсыз байыган деп иш козгоду