Шам. Архив

Эртең Бишкектин бир катар аймагында жарык өчөт. График

110
(жаңыланган 19:17 21.01.2021)
Энергетиктер жума күнү айрым трансформатордук көмөк чордондорго автоматты орнотуу, электр линияларына тоскоолдук кылган бак-дарактардын бутагын кесүү менен алектенишет.

БИШКЕК, 21-янв. — Sputnik. Бишкекте 23 көчөдө электр жарыгы өчүрүлүшү күтүлүүдө. Бул тууралуу "Түндүк электр" ишканасынын сайтында айтылат.

Бул күнү адистер айрым трансформатордук көмөк чордондорго автоматты орнотуу, электр линияларына тоскоолдук кылган ба-дарактардын бутагын кесүү, профилактикалык жана башка жумуштарды жүргүзүшөт.

Жарык берүү үзгүлтүккө учурай турган аймактар:

  • 08:30дан 12:00гө чейин — Фатьянов көчөсү;
  • 09:00дөн 13:00гө чейин №88 орто мектеби;
  • 09:00дөн 16:00гө чейин Нарв көчөсүндө (№62Б, 62Г, 62Д турак үйлөрү);
  • 09:00дөн 17:00гө чейин Малдыбаев көчөсүндө (№2 турак үйү);
  • 09:30дан 14:00гө чейин Аламүдүн-1 кичи районунда (№16-21, 29, 29а, 30 турак үйлөрү);
  • 09:30дан 17:00гө чейин Медеров, Бектенов, Скрябин көчөлөрүндө, Днепропетровск, Бий кууш көчөлөрүндө жана Ялта, Пархоменко, Жалил жана Садовая көчөлөрүндө;
  • 09:30дан 18:00гө чейин Ак-Ордо конушунда (Гагарин көчөсү жана Бар-Булак);
  • 10:00дөн 17:00гө чейин Табачная, Ибраимов жана Күрөңкеев көчөлөрүндө;
  • 10:30дан 12:00гө чейин Чехов жана Кулатов көчөлөрүндө;
  • 13:00дөн 15:00гө чейин Ош жана Ашхабад көчөлөрүндө;
  • 13:00дөн 16:30га чейин 4-кичи районунда (8, 30а, 43, 44, 46-49, 46/1 турак үйлөрү);
  • 13:00дөн 17:00гө чейин Тыныстанов жана Токтогул көчөлөрүнүн кесилиштеринде.
110
Белгилер:
Бишкек, электр жарыгы
Тема боюнча
Бишкек ТЭЦи газга өтсө, жылуулук менен жарык канча эсе кымбаттайт

Брюс Лини туураган Нурмухаммед өзгөчө өнөрү менен рекорд койду. Видео

32
(жаңыланган 18:20 01.03.2021)
Брюс Линин ыкмаларын дал өзүндөй жасаган кыргызстандык жеткинчек Нурмухаммед Ташмаматов Россиянын Биринчи каналы уюштурган "Я почти знаменит" долбооруна катышты. Ал нунчакты колдонуп, өнөрүн тартуулады.

Кыргызстандык бала бир мүнөттүн ичинде теннис столунун үстүндө нунчак менен 49 ирет топту тосуп кайра урган. Рекорддун видеосу Interrecord эл аралык агенттигинин YouTube-каналына жарыяланды.

Interrecord — рекорддорду каттоого алган эл аралык агенттик. Алар 10 жаштагы кыргыз баланын рекордун расмий түрдө каттоого алган. Бул боюнча сертификатты Ташмаматовго агенттиктин директору Влад Капыло тапшырган.

"Я почти знаменит" долбоору Биринчи каналда (Россия) жыл жаңырганда башталган. Анда катышуучулар телекөрүүчүлөргө элде жок өнөрлөрүн көрсөтөт. Ар бирине мүмкүнчүлүк берилип, аларды үч адамдан турган калыстар тобу баалайт.

Ар бир тандоо турунда 11 катышуучу финалга чыгуу үчүн таймашат. Программанын баш байгеси — үч миллион рубль.

Белгилей кетсек, Брюс Лини туурап, анын ыкмаларын жасаган кыргызстандык бала буга чейин Биринчи каналдын "Лучше всех" долбооруна да катышкан.

32
Белгилер:
Нурмухаммед Ташмаматов, видео, өнөр, теннис, рекорд, жеткинчек, Россия, Кыргызстан
Тема боюнча
Кыргызстандык кыз "Лучше всех" шоусунда спорттун өзгөчө түрүн көрсөттү. Видео
Тазалык ишкананын кызматкери Мадина Токобаева апасы менен жолду тазалап жатканда BMW үлгүсүндөгү машинанын айдоочусу аны сүзүп, из жашырып кеткен.

Бишкекте таңда унаа коюп, ооруканага түшкөн "Тазалыкчынын" абалы айтылды

17
(жаңыланган 18:19 01.03.2021)
Бир нече күн мурун ишкананын кызматкери Мадина Токобаева апасы менен жолду тазалап жатканда BMW үлгүсүндөгү машинанын айдоочусу аны сүзүп, из жашырып кеткен.

БИШКЕК, 1-мар. — Sputnik. Бишкек шаарынын мэринин милдетин аткаруучу Бактыбек Кудайбергенов жана вице-мэр Жамалбек Ырсалиев жол кырсыгына кабылган "Тазалык" муниципалдык ишканасынын кызматкеринин абалын билди. Бул тууралуу мэриянын маалымат кызматы кабарлады.

Билдирмеге ылайык, бир нече күн мурун таңкы саат 6:30да ишкананын кызматкери Мадина Токобаева апасы Жылдыз Орозалиева менен Каралаев жана Сүйөркулов көчөлөрүнүн кесилишиндеги жолду тазалап жатышкан.

"Эки кызматкер тең өңү чагылышып турган атайын жилеттерди кийгени менен Каралаев көчөсү менен түштүк-чыгыш тараптан катуу ылдамдыкта келе жаткан BMW үлгүсүндөгү кара түстөгү унаа Мадина Токобаеваны сүзүп кеткен. Ал бети-башы канжалап, эс-учун жоготуп жатып калган. Энеси айдоочунун унаасынын номерин караганга жетишкен эмес, ал из жашырып кеткен", — деп айтылат маалыматта.

Токобаева Тез жардам кызматынын унаасында эсине келген, учурда Бишкек шаардык травматология жана ортопедия илим-изилдөө борборунда дарыланууда. Мээси чайкалып, буту сынып, көзү-башы көгөрүп, шишигени белгилүү болду. 

Исполняющий обязанности мэра Бактыбек Кудайбергенов навестил работницу муниципального предприятия Тазалык, пострадавшую в результате наезда
© пресс-служба мэрии города Бишкек
Бишкек шаарынын мэринин милдетин аткаруучу Бактыбек Кудайбергенов жана вице-мэр Жамалбек Ырсалиев жол кырсыгына кабылган "Тазалык" муниципалдык ишканасынын кызматкеринин абалын билди
"Бүгүн мэрдин милдетин аткаруучу Бактыбек Кудайбергенов жана вице-мэр Жамалбек Ырсалиев ооруканага келип кызматкердин абалын билип кетти. Кыздын абалы бир аз жакшырып, өз алдынча отуруп калды", — деп жазылган билдирмеде.

Мэрия кошумчалагандай, жол кырсыгынан кийин айдоочунун тууганы делген Фархад аттуу адам Токобаеванын дарылануусуна жардам бергени айтылган. Рулда 17 жаштагы бала болгон. Жол кырсыгынын себеби аныкталып жатат.

Ошондой эле "Тазалыктын" кызматкерлери камсыздандырылганы, ишкана материалдык жардам көрсөткөнү белгиленди.

17
Белгилер:
мэр, жол кырсык, кызматкер, МП "Тазалык", Бишкек
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкектин чок ортосунда тайгаланган автоунаа арыкка түшүп кетти. Видео
Бишкекте Subaru түркүктү сүзүп, ал унаанын үстүнө кулаган. Кырсыктын видеосу