Алтай, жалаа, сурак. Мончодо өспүрүмдү зордуктоо видеосу боюнча жаңы жагдайлар айтылды

© Sputnik / Антон ДенисовМончо. Архив
Мончо. Архив - Sputnik Кыргызстан
Жазылуу
Жашы жете элек өспүрүмдү зордуктоого байланышкан видео социалдык тармактарда тараган. Жапа чеккен адам кыргызча сүйлөп жаткандыктан, социалдык тармактын колдонуучулары ал кыргызстандык деп айтышкан.
БИШКЕК, 26-янв. — Sputnik. Мончодо жашы жете элек өспүрүмдү зордуктаган окуя Алтай Республикасынын Кош-Агач районунда болгон. Бул тууралуу ИИМдин маалымат кызматы кабарлады.
Буга чейин жашы жете элек өспүрүмдү зордуктоого байланышкан видео социалдык тармактарда тараган. Жапа чеккен адам кыргызча сүйлөп жаткандыктан, социалдык тармактын колдонуучулары ал кыргызстандык деп айтышкан.
Министрлик социалдык тармакта тараган видео боюнча башка өлкөгө сурам жөнөткөн.
"Бүгүн жооп келди. Белгилүү болгондой, 2020-жылдын 29-июль күнү Алтай Республикасынын ИИМ кызматкерлери WhatsApp мессенджеринде белгисиз балага күч колдонуп, сексуалдык мүнөздөгү аракеттерди жасап жаткан жаш жигиттин видеосу тарап жатканын байкаган. Натыйжада 2019-жылдын август айында Кош-Агач районунун Кош-Агач айылында жашы жете элек "Р" башка кичирээк бала "К"ны зордуктаганы аныкталган", — деп айтылат маалыматта.
Вице-премьер-министр Эльвира Сурабалдиева. Архив - Sputnik Кыргызстан
Сурабалдиева педофилдер тууралуу маалымат база түзүүнү сунуштады
Жогорудагы факты боюнча Алтай Республикасынын Тергөө комитетинин тергөө башкармалыгынын Улаган райондор аралык тергөө бөлүмү былтыр 29-июль күнү Россия Федерациясынын Кылмыш-жаза кодексинин 132-беренеси ("Жашы жете элекке карата жасалган күч колдонуу менен сексуалдык мүнөздөгү аракеттер") боюнча кылмыш ишин козгогон.
Ыкчам-иликтөө иш-чараларын жүргүзүү учурунда жашы жете элек "Р" кармалган.
2020-жылдын 31-декабрь күнү айыптоо корутундусу менен кылмыш иши Кош-Агач райондук сотуна жиберилген.

Кыргызстандагы иш

"Видео Кыргызстанда тартылган деген маалымат болгондуктан ролик социалдык тармактын бардыгына тарап кеткен. Натыйжада ИИМдин Экстремизмге жана мыйзамсыз миграцияга каршы аракеттенүү боюнча кызматы Facebook жана Instagram социалдык тармагында 51 тайпадан жана блогерлердин баракчаларынан аталган видеону өчүрүү боюнча тиешелүү иш-чараларды жүргүздү", — деген маалымат таратты ИИМ.
Ошондой эле зордуктады деген адамдын сүрөтү да жайылып кеткен. Текшерүү иштеринин натыйжасында сүрөттөгү жаран Бишкек шаарынын Ленин районунун тургуну Б.А. экендиги жана анын аталган окуяга эч кандай тиешеси жоктугу аныкталган.
ИИМден Экстремизмге жана мыйзамсыз миграцияга каршы иштөө кызматынын кибер коркунучтарга каршы күрөшүү бөлүмү маалыматты ким тараткандыгын табуу боюнча жүргүзүлгөн ыкчам иштердин натыйжасында шектүү кармалганын айтышты.
Кыз. Архив - Sputnik Кыргызстан
Кордолгон 13 жаштагы өспүрүм. Кыздын ата-энеси облустук сотко кайрылды
"Сүрөт коюп кылмышты ушул жасаган деген жалган маалымат тараткан Чүй облусунун 16 жаштагы тургуну Т.Ж. экендиги аныкталып, тергөө кызматына жеткирилди. Учурда аталган факт боюнча тергөө иш-чаралары жүргүзүлүүдө", — деп айтылат маалыматта.
Аталган факт Бишкек шаарынын Ленин РИИБнин Кылмыш жана жоруктардын бирдиктүү реестрине Жазык кодексинин 186-беренеси менен ("Жекече жашоонун кол тийбестигин бузуу") катталган.
Ички иштер министрлиги кылмыш жасалгандыгы жөнүндөгү жалган маалымат жайылткандар Жазык кодексинин 344-беренесине ылайык кылмыш жоопкерчилигине тартыла тургандыгын эскертти.
"Кыргыз Республикасынын Мыйзамын билбегендик жарандарды кылмыш жоопкерчилигинен бошотпойт", — деп айтылат билдирүүдө.
Андан сырткары, элди социалдык тармактар жана интернет аркылуу чагымчыл маалыматтарды таратпоону суранып, такталбаган жалган маалыматтарды жайылтпоого чакырган.
Жаңылыктар түрмөгү
0