Вице-премьердин милдетин аткаруучу Эльвира Сурабалдиева

Сурабалдиева: өкмөт быйыл амбициялуу социалдык пландарды ишке ашырат

(жаңыланган 16:29 27.01.2021)
Былтыр пандемияга байланыштуу көптөгөн эл аралык турнирлер жылдырылып жана аймактардагы иш-чаралар токтотулганы белгиленди.

БИШКЕК, 27-янв. — Sputnik. Вице-премьердин милдетин аткаруучу Эльвира Сурабалдиева Жаштар иши, дене тарбия жана спорт агенттигинин коллегиялык кеңешмесине катышты. Бул тууралуу өкмөттүн маалымат кызматы билдирди.

Сурабалдиева COVID-19 пандемиясы спорт тармагына да жагымсыз кесепеттерин тийгизгенин белгилеп, көптөгөн эл аралык турнирлер 2021-жылга жылдырылып жана аймактардагы миңдеген иш-чаралар, спорттук мектептердин иши токтотулганын айтты.

"Пандемияга карабастан, биздин спортчулар күрөш боюнча Дүйнөлүк кубоктон мыкты натыйжа көрсөтө алды. Калк арасында спорт менен машыгууну жайылтуу агенттиктин артыкчылыктуу багыттарынын бири болуусу тийиш. Бул маселе өзгөчө пандемия мезгилинде абдан маанилүү. Быйыл кыргыз өкмөтү өз алдына бир катар маанилүү милдеттерди койду. Тактап айтканда, 2021-жыл мамлекеттик органдар тарабынан социалдык багыттагы амбициялуу пландарды жана милдеттерди ишке ашыруу жылы болот", — деди Сурабалдиева.

Ошондой эле ал Токио (Япония) шаарында өтүүчү олимпиадалык жана параолимпиадалык оюндарга жана IV Көчмөндөр оюндарына спортчулардын даярдыгына көңүл буруу, допингге каршы туруу иштерин улантуу керектигин белгилеген.

Коллегиялык кеңешменин жыйынтыгы менен волонтёрдук ишти колдоого багытталган тийиштүү ченемдик-укуктук актыларды иштеп чыгуу, жаштар иши боюнча кеңештин ишин жандандыруу боюнча бир катар тапшырмалар берилди.

Белгилер:
даярдык, олимпиада, кеңеш, Эльвира Сурабалдиева, спорт
Тема боюнча
Ысык-Көл марафону Олимпиадага лицензия берүүчү мелдештердин тизмесине кирди
Кыргызстандын балбан кыздары кезектеги окуу-машыгууга киришти
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты