Үй-бүлө жаңы курулган үйдүн батирин карап жатышат. Архив

Ипотеканы мөөнөтүнөн эрте кайтаруу: артыкчылыгы, кыйынчылыгы жана кеңештер

Турак жайга ээ болуунун бирден-бир жолу ипотека экенин кулагыбыз көп чалат, анан албетте, көпчүлүк андан эрте кутулууга ашыгат. Насыяны мөөнөтүнөн мурда туура төлөөдө эмнелерди так билүү абзел жана кандай кыйынчылыктар бар экенин биздин макаладан окуңуздар.

Үстүндө үйү болгону — адамдын бутуна бекем турганынын маанилүү көрсөткүчтөрүнүн бири. Бирок азыркы маяналар менен там-таштуу болууга тыйын топтоо үчүн бир нече жыл талап кылынат. Ошондуктан көп учурда чатырлуу болуу үчүн ипотека жалгыз жол катары кабылданат. Албетте, эсептей келгенде үстөгү жүрөк үшүн алып, банк кошуп берген каражаттын жүз пайызы чыгып калат. Бирок бир нече жылга бөлүп, акырындап төлөөгө болот.

Мөөнөтүнөн эрте төгүүнүн артыкчылыгы жана кемчилиги

Эрте кутулуунун толук жана жарымын төлөө сыяктуу эки жолу бар. Турак жайдын наркы жогору экенин эске алып, экинчи жолун карайлы. Интернетте бул теманын тегерегиндеги материалдар арбын, биз урунттуу учурларын талдап көрөлү:

  • ашыкча төлөмдүн көлөмүн кыскартат, анткени биринчи төлөмдөр көбүнесе пайыздардан, ал эми негизги карыздын үлүшүнө аз бөлүгү гана туура келет. Демек, мөөнөтүнөн эрте төлөм банкка төгүлгөн ашыкча төлөмдү кыйла азайтат;
  • мындай төлөм сизди келечекте кирешесиз калуудан сактайт. Кокус башта белгиленген мөөнөткө чейин кирешеңиз төмөндөп кетсе, төлөөгө келгенде оор болушу мүмкүн. Ал эми карызыңызды мөөнөтүнөн эрте жаап койсоңуз, кирешеңиз азайып кетсе да сизди анчалык кыйноого салбайт;
  • батир сиздин менчигиңизге өтөт. Насыя толук жабылганча турак жай сизге таандык эмес, ал банкка күрөө катары коюлат. Сиз аны сатып же алмаша албайсыз, ошондуктан банкка болгон карызыңыздан эртерээк кутулуу өзүңүзгө жакшы.

Көрүп тургандай, олуттуу артыкчылыктары бар. Ал эми каржылык эксперттер бир кемчилигин белгилешет. Инфляциядан улам төлөмдүн көлөмү иш жүзүндө төмөндөйт. Башкача айтканда, шарттуу түрдө азыркы 15 миң сомдун төлөө жөндөмү ушундай эле сумманын он жылдан кийинки абалына караганда жогору. 2011-жылдагы бааларды эле эстеп койгонуңуз жетиштүү.

Мужчина считает доллары США. Архивное фото
© AFP 2021 / Nguyen Huy Kham
Ашыкча төлөмдүн көлөмүн кыскартат, анткени биринчи төлөмдөр көбүнесе пайыздардан, ал эми негизги карыздын үлүшүнө аз бөлүгү гана туура келет. Демек, мөөнөтүнөн эрте төлөм банкка төгүлгөн ашыкча төлөмдү кыйла азайтат

Кыргызстандагы ипотека шарттары

Биздин өлкөдө ипотеканын мамлекеттик жана коммерциялык болгон эки түрү бар.

Мамлекеттик ипотека өз кезегинде ар кыл багыттарга ээ (мамлекеттик ипотекалык компаниянын сайтынан бул тууралуу кененирээк окуй аласыз):

  • даяр турак жайды сатып алуу — бул мамлекеттик жана муниципалдык мекемелердин кызматкерлери үчүн. 15 жылга дейре берилет, чени – 6-8 пайыз, баштапкы төлөм — үй наркынын 10-30 пайызы. Насыянын эң жогорку суммасы — 3 миллион сомго чейин;
  • турак жайды жеке курууга — бул мамлекеттик жана муниципалдык мекемелердин кызматкерлери үчүн. 15 жылга чейин, 6-10 пайыз менен берилет. Баштапкы төгүм — турак жайдын наркынын 20 пайызы. Насыянын эң жогорку суммасы — 3 миллион сомго дейре;
  • Бишкек жана Оштогу даяр үй — ушул шаарларда жалданып же ишкерлик жүргүзгөндөр үчүн. 15 жылга чейин 14 пайыз менен берилип, баштапкы төгүм турак жай наркынын 20 пайызын түзөт. Насыянын эң жогорку суммасы — 3 миллион сомго чейин;
  • КР аймактарында жаңы үй сатып алуу — кирешеси орто жана төмөн, Бишкек менен Оштун сыртында жалданып же ишкерлик жүргүзгөн жарандарга 15 жылга чейин 10 пайыз менен берилет. Баштапкы төлөм — турак жай наркынын 20 пайызы. Насыянын эң жогорку суммасы — ипотеканы алган күнкү 24 миң еврого барабар;
  • КР аймактарында мурда курулуп, реконструкцияланган үйдү сатып алуу — кирешеси төмөн жана орто, Бишкек менен Ош калааларынан сырткаркы жерлерде жашап, жалданып же ишкердик жүргүзгөн жарандар үчүн. 15 жылга дейре 10 пайыз менен берилет, баштапкы төгүм — турак жай наркынын 20 пайызы. Насыянын эң жогорку суммасы — ипотека алган күнкү 24 миң еврого барабар;
  • аймактарда турак жай куруу — кирешеси төмөн жана орто, Бишкек менен Ош калааларынан сырткаркы жерлерде жашап, жалданып же ишкердик жүргүзгөн жарандар үчүн. 15 жылга дейре 10 пайыз менен берилет, баштапкы төгүм — турак жай наркынын 20 пайызы. Насыянын эң жогорку суммасы — ипотека алган күнкү 24 миң еврого барабар;
  • кийин сатып алуу укугу менен турак жай ижаралоо (азырынча Нарында гана иштөөдө) — мамлекеттик же муниципалдык бюджеттен каржыланган уюмда жалданып иштеген жарандар үчүн. 15 жылга чейин 6 пайыздык чен менен берилет. Насыянын эң жогорку суммасы — бир чарчы метрине 40 миң сомго чейин.

Улуттук банктын ээлигиндеги банктардын биринде 7,5 пайыздык чен менен социалдык ипотека бар экенин белгилей кетели. Коммерциялык банктардын башкаларынын өз ипотекалары, албетте, жогору. Сом түрүндө ал 17 да, 20 да пайызды түзөт, ал эми чет элдик валютада азыраак. Банктын комиссиясы да болушу мүмкүн, бул насыянын наркын дагы арттырат.

Сомовые купюры на столе
© Sputnik / Табылды Кадырбеков
Даяр турак жайды сатып алуу — бул мамлекеттик жана муниципалдык мекемелердин кызматкерлери үчүн. 15 жылга дейре берилет, чени – 6-8 пайыз, баштапкы төлөм — үй наркынын 10-30 пайызы. Насыянын эң жогорку суммасы — 3 миллион сомго чейин

Кыргызстанда ипотеканы мөөнөтүнөн мурда төлөөнүн шарты кандай

Улуттук банктан насыяны жарым-жартылай эрте жабуунун минималдык суммасы мыйзамда каралбаганын маалымдашты. Жарандык кодексте насыя алуучу насыянын түрүнө, пайдалануу мөөнөтүнө жана суммасына карабастан, каалаган убагында эрте кутулууга акылуу.

Ошондой эле Улуттук банктын актыларында да кардар насыяны айып санкцияларын (комиссия же башка төгүм) төлөбөстөн мөөнөтүнөн мурун төлөөгө укуктуу экени айтылат. Бирок маанилүү бир шарт коюлат, кардар банкты бул ниетин 30 календарлык күн мурун кабардар кылууга тийиш.

Насыяны эрте жабуудагы кыйынчылык жана эске алчу жагдайлар

Мамлекеттик ипотекалык компаниянын басма сөз кызматынан билдиришкендей, мындай насыяны мөөнөтүнөн мурда төлөөдө сумма эки айлык төгүмдөн кем эмес болушу шарт.

Аталган компаниянын башчысы Элмира Абжапарова себебин түшүндүрдү.

Председатель правления ОАО ГИК Элмира Абжапарова на брифинге в пресс-центре Sputnik Кыргызстан.
© Sputnik / Жоомарт Ураимов
Мамлекеттик ипотекалык компаниянын башчысы Элмира Абжапарова
"Төгүмдөрдүн графигин өзгөртүү банктын жана Мамлекеттик ипотекалык компаниянын кызматкерлерин түйшүккө салат, анткени биз дагы карап, түзөтөбүз. Негизинен ипотекалык насыялар банк үчүн да, Мамлекеттик ипотекалык компания үчүн да анчалык рентабелдүү эмес. Биздин компаниянын пайдасы (маржа) жылдык 0,1 пайызды түзөт", — деди Абжапарова.

Чынында мамлекеттик ипотека боюнча шарттар айырмаланат. Айрым банктардагылар бир айлык төгүмгө барабар сумма "мөөнөтүнөн мурун төлөөгө" жетишерлик болсо, кээде чек жок экени белгилүү болду.

Коммерциялык ипотекада мөөнөтүнөн мурда кутулуунун ар кандай шарттары бар, алар көп учурда мамлекеттик ипотекага окшош. Айрым банктарда кеминде эки жолку төгүмдү төлөө керек. Бирок кандай болгон учурда да мөөнөтүнөн эрте төлөөнүн шарттарын ипотекалык келишимди түзүүдөн мурун билип алуу туура. Анткени бюджетти жана анын эрте төгүүгө жумшалчу бөлүгүн да пландап алган жакшы.

Банктардын кээ биринде коммерциялык ипотеканы эрте жабууга комиссиялар каралган, ар жактын өз шарттары бар: кай бир жерде 1 пайыз, кээсинде төгүлгөн сумманын 5 пайызын түзөт. Бирок ошондой болсо да, мөөнөтүнөн мурда төлөө жөнүндө 30 күн мурун арыз жазып коюу абзел, ошондо айып төгүүдөн качууга болот.

Девушка в отделении Райффайзенбанка в Москве.
© Sputnik / Валерий Мельников
Бир катар банктарда мунун зарылдыгы жок, бирок сумманы төккөн соң насыялык адиске кайрылып, бул ниетиңизди билдирүүңүз зарыл. Антпесе, мөөнөтүнөн мурда төлөө өз убагында кадимки төгүмдөй жоюлуп, эч кандай деле үнөмдөө болбойт. Кандай болсо да насыялык адистерден алдын ала сурап койгон оң, алардын жообун угууга жумшаган эки-үч мүнөт сизге акчаңызды да үнөмдөп, нервиңизди да сактоого мүмкүндүк берет

Бир катар банктарда мунун зарылдыгы жок, бирок сумманы төккөн соң насыялык адиске кайрылып, бул ниетиңизди билдирүүңүз зарыл. Антпесе, мөөнөтүнөн мурда төлөө өз убагында кадимки төгүмдөй жоюлуп, эч кандай деле үнөмдөө болбойт. Кандай болсо да насыялык адистерден алдын ала сурап койгон оң, алардын жообун угууга жумшаган эки-үч мүнөт сизге акчаңызды да үнөмдөп, нервиңизди да сактоого мүмкүндүк берет.

Дүйнөдө да насыяны мөөнөтүнөн эрте жарым-жартылай төлөөнүн эки: ар айлык төгүм жана мөөнөттү кыскартуу тутуму бар. Экинчи варианты кардарлар үчүн пайдалуу. Мисалга мамлекеттик ипотеканы алалы. 15 жылга 6 пайыздык ченде 2 миллион сомду алдыңыз дейли. Ар айлык төгүм 16,9 миң сомду түзөт.

Андан ары мөөнөтүндө төгүүдө ашыкча төлөм кандай болорун ар бир вариантка жараша көрсөтөлү.

Мөөнөтүнөн эрте эки айлык төгүм (33,8 миң) насыя алгандан жарым жылдан кийин бир ирет төгүлдү дейли. Интернетте жайнаган ипотекалык калькуляторлордун бирин пайдаланып көрөлү.

Үстөк-төлөм көлөмдөрү:

  • белгиленген убактагы төгүм — 1 миллион 37,3 миң;
  • ар айлык төгүмдү кыскартуу менен —1 миллион 20,8 миң (16,5 миң үнөмдөлөт);
  • мөөнөттү кыскартуу менен — 991,3 миң (үнөмдөө дээрлик 46 миңди түзөт, насыя мөөнөтү төрт айга кыскарат).

Башкача айтканда, мөөнөтүн кыскартуу — эң пайдалуу жол, бирок бир катар банктарда юридикалык татаалдыктардан улам бул процесс машакаттуу.

"Насыя мөөнөтү кыскарган учурда кайрадан Мамлекеттик каттоо кызматы жана нотариуска кошумча келишимдерди түзүү жана насыя боюнча өзгөртүүлөрдү киргизүү үчүн кайрылуу абзел. Башкача айтканда, келишимдердеги шарттарды өзгөртүү боюнча кошумча чыгымдарды, тагыраагы, мамлекеттик алымдарды сиз төлөйсүз", — дешти өлкөдөгү банктардын биринен. Болжол менен ушундай эле маалыматты башка банктагылар да беришти.

Посетители в отделении Райффайзенбанка в Москве.
© Sputnik / Валерий Мельников
"Насыя мөөнөтү кыскарган учурда кайрадан Мамлекеттик каттоо кызматы жана нотариуска кошумча келишимдерди түзүү жана насыя боюнча өзгөртүүлөрдү киргизүү үчүн кайрылуу абзел. Башкача айтканда, келишимдердеги шарттарды өзгөртүү боюнча кошумча чыгымдарды, тагыраагы, мамлекеттик алымдарды сиз төлөйсүз", — дешти өлкөдөгү банктардын биринен. Болжол менен ушундай эле маалыматты башка банктагылар да беришти

"Банктын кызматкерлери кардардын төлөө жөндөмүн кайрадан талдайт. Оң чечим чыккан учурда мамлекеттик органдарда тийиштүү документтерди тариздөө боюнча кошумча чыгымдарды кардар өз мойнуна алат, анткени арест коюу мөөнөтү өзгөрөт", — деп түшүндүрүшөт каржылык мекемедегилер. Кеп мамлекеттик да, коммерциялык да ипотека жөнүндө.

Мамлекеттик ипотекалык компаниясынын жетекчиси Элмира Абжапарова да мөөнөттү кыскартуу кардар үчүн пайдалуу экенин тастыктайт, бирок азыркы шарттарда кайра каттоого убакыт да, каражат да талап кылынат.

Председатель правления ОАО ГИК Элмира Абжапарова на брифинге в пресс-центре Sputnik Кыргызстан.
© Sputnik / Жоомарт Ураимов
Мамлекеттик ипотекалык компаниясынын жетекчиси Элмира Абжапарова
"Каттоо үчүн биздин кардарларга өзгөчө тариф белгиленсе дейбиз. Кантсе да бизге кайрылгандар — бул жеңилдик берилген категория, ал эми алар башкалар менен катар төлөп келишет. Бир келишимге орточо 2,5 миң сом (мамлекеттик алым жана нотариус чыгымдарына) кетет. Мунун баары мыйзамдуу, анткен менен кардарлар үчүн кыйла олуттуу сумма. Бир жыл аралыгында муну ишке ашырабыз деген үмүттөбүз, адамдар абдан кыйналып турганын көрүп турабыз", — деди Абжапарова.

Айрым банктагылар мамлекеттик органдарга барып жүрбөстөн, насыялык келишимдеги өзгөртүүлөр деле жетиштүү болорун белгилешет.

Дагы бир урунттуу учуру — мөөнөтүнөн эрте төгүүнүн насыя убагынын башында алда канча пайдалуулугу. Кайра калькуляторду карап, ар башка жылдагы биздин насыянын эки айлык төгүмдү (33,8 миң) бир төлөө вариантын мисалга алалы:

  1. Жарым жылдан соң — 16,5 миң сомду сарамжалдай аласыз.
  2. 5 жылдан кийин — 11 153 сомго үнөмдөлөт.
  3. 10 жыл өткөн соң — 5 338 сом үнөмдөйсүз.

Мөөнөтүнөн мурун насыяны жабуу боюнча Улуттук банктын кеңештери

Өлкөнүн башкы банкы буларды сунуштайт

Здание Национального банка Кыргызской Республики
© Sputnik / Табылды Кадырбеков
Кыргыз Республикасынын Улуттук банкы
  • айып пул төлөбөш үчүн мөөнөтүнөн мурда төгүү боюнча 30 күн мурун маалымдоо зарыл;
  • эрте төгүүнүн ыкмаларын жана кыйынчылыктарды изилдеп чыккан оң. Мөөнөтүнөн мурун төгүүдө карыз алуучу өзүнүн каржылык мүмкүнчүлүктөрүн баалап, кайсы убак ага пайдалуу экенин чечип алганы дурус. Атап айтсак, учурундагы чыгымдарды төмөндөтүү үчүн насыяны пайдалануу жана ар айдагы төлөмдөрдүн суммасын азайтууга жалпы төгүмдөрдү кыскартуу керек. Адатта эрте төгүүнүн бир нече ыкмасы пайдаланылат: ипотекалык насыянын мөөнөтүн, айлык төгүмдү азайтуу жана мөөнөт менен төлөмдүн аралаш варианты;
  • каржылык мүмкүнчүлүктөрдү туура баалоо зарыл. Мөөнөтүнөн мурун төлөө көбүнесе карыз алуучунун каржылык мүмкүнчүлүгүн туура баалоосу жана ипотекалык насыянын шарттарына (төгүм графигинин түрүнө) жараша. Ошондуктан мөөнөтүнөн эрте төгүү чечимин кабыл алууда карыз алуучу жакынкы бир нече жылга пландарды эске алуу менен ошол учурдагы каржылык абалын туура баалоо керек;
  • мөөнөтүнөн мурда төлөөнү тастыктоо. Мындай төгүм жүргүзүлгөн соң карыз алуучу бул аракетин тастыктаган документтеринин тууралыгына (төлөм графиги өзгөртүлгөн ипотека боюнча келишимге кошумча макулдашуулар, дүмүрчөктөр, банктын калдык туурасындагы расмий каттары жана башкалар) көңүл буруу. Аларды ипотекалык насыя толук жабылганча сактоо керек.

Жалпысынан КР Улуттук банкы карыз алуучу өзү насыя алган коммерциялык банкка кайрылып, мөөнөтүнөн эрте төлөө боюнча толук маалымат алууну сунуштайт.

Белгилер:
төлөө, карыз, кредит, турак-жай, эсептик үстөк пайыз, ипотекалык насыя, Улуттук банк
Тема боюнча
Кыргызстанда ислам принциптери менен ипотека берүү пландалууда
Мамлекеттик ипотека боюнча коюмдар азайтылабы? МИКтин жообу
Үй-жайы бар кыргызстандыктар деле 20 жылга жеңилдетилген ипотека ала алышат
Саламаттык сактоо жана социалдык өнүктүрүү министри Алымкадыр Бейшеналиев. Архив

Министр уу коргошун боюнча: президент экөөбүз кайнатмасын даярдап жатабыз

(жаңыланган 12:54 16.04.2021)
Кечээ президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан.

БИШКЕК, 16-апр. — Sputnik. Учурда социалдык тармактарда уу коргошун деп айтылып, коронавируска каршы дары катары активдүү талкууланып жаткан "Ысык-Көл тамыры" аталышындагы чөптүн кайнатмасы республика боюнча бардык ооруканаларда коронавируска кабылгандарга берилип жатат. Бул тууралуу Sputnik агенттигине саламаттык сактоо жана социалдык өнүктүрүү министри Алымкадыр Бейшеналиев билдирди.

Кабарчы ага социалдык тармактарда коронавируска каршы президент Садыр Жапаров сунуштаган дары делип активдүү талкууланып жаткан "Ысык-Көл тамыры" ден соолукка канчалык пайда же зыян алып келерин билүү үчүн кайрылган.

"Ал Кыргызстан боюнча бардык ооруканаларда берилип жатат. Дозасын президент өзү аныктап, өзү кайнатып жатат мени менен бирге. Бүгүн саат 13.00дө интервью берем, ошол жерден баарын айтам", — деди министр.

Ошондой эле ал президент абакта жаткан кезде бул "дарыны" сунуштаганын кошумчалады.

"Жапаров Жээнбековго кайрылып, ал укпай койгондо мага "сен дарылап көр" деп айткан. Мен туугандарымды дарылагам. Бүгүн журналисттерге кантип ичиш керектигин көрсөтөм. Ошол жерде өлбөгөнүмдү көрөсүңөр. Анткени мен министр катары жоопкерчиликти өз мойнума алышым керек", — деди ал.

Кыргызстандын президенти Садыр Жапаров дарыгерлер менен жолугушуу учурунда
© Пресс-служба президента КР / Султан Досалиев
Мындан тышкары, министр кыргыздар бул кайнатма менен беш кылым мурда эле дарыланып жүргөнүн айтты. 

Буга чейин президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй социалдык тармактагы баракчасына он-чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.

Дүйнөлүк саламаттык сактоо уюмунун Кыргызстандагы өкүлчүлүгүнүн башчысы Назира Артыкованын Kaktus Media порталына билдиргенине караганда, "Ысык-Көл тамырынын" кайнатмасы менен коронавирусту дарыласа болот деп ойлоо туура эмес.

Журналисттин сөз болуп жаткан кайнатма менен коронавирустан арылса болобу деген суроосуна ал "Мүмкүн эмес. Бардык жерде илимий далил керек" деп жооп берди.

Кыргызстанда 2007-жылдан тарта 2018-жылга чейин жергиликтүү ЖМКлар "Ысык-Көл тамырынын" кайнатмасына ууланып көз жумгандар көп болгонун жазышкан.

Белгилер:
коронавирус, Алымкадыр Бейшеналиев, Садыр Жапаров, Кыргызстан
Тема боюнча
Жапаров "кызыл зонада" дарыланып жаткандарга барып кабар алды. Видео
Боом капчыгайы. Архив

Боомдо таш кулатылып, жол жабылат. График

(жаңыланган 12:12 16.04.2021)
19-апрелден 23-апрелге чейин күндүзгү маалда поезд жана автоунаалардын өтүшүнө чектөө киргизилери айтылды.

БИШКЕК, 16-апр. — Sputnik. Бишкек — Нарын — Торугарт жолундагы Боом капчыгайында таштарды атайылап кулатуу иштери жүргүзүлөт. Бул тууралуу "Кыргыз темир жолу" ишканасынан маалымдашты.

Буга байланыштуу 19-апрелден 23-апрелге чейин күндүзгү маалда поезд жана автоунаалардын өтүшүнө чектөө киргизилери айтылды.

Таш кулатуу иштери Бишкек — Нарын — Торугарт унаа жолунун 129-чакырымындагы Жел-Арык аймагында жана Каямат-Куркол станциясынын аймагында (жолдун 131-чакырымында) жүрөт.

Ишкана айдоочуларды сапарга чыгууда маршрутту алдын ала пландап алууга чакырды.

Белгилер:
Кыргыз темир жолу, таш, Боом капчыгайы
Тема боюнча
Күн жылып Бишкек — Ош жолундагы оңдоо иштери жанданды. Сүрөт

АКШ Афганистандагы талибандарга чечимин кандайча түшүндүрөт. Чоо-жайы видеодо

(жаңыланган 12:26 16.04.2021)
Афганистандын эли Байдендин америкалык аскерлерди чыгарып кетүү чечимине нааразы. АКШ президенти жоокерлердин "үйгө кайтуусуна" мезгил жеткенин айтты.

АКШ 20 жылдан бери талибдер менен эпке келип, өлкөдө тынчтык орнотуу оюн ишке ашыра алган жок. Америкалык жоокерлер качан Афганистандан толук чыгып кетет? Согушкерлерге эмнени түшүндүрүп, кырдаалды кантип жолго салып кете алат. Суроолорго жоопту видеодон көрүңүз.

Белгилер:
армия, чечим, Жо Байден, жоокер, Аскер, согуш, Талибан, Афганистан, АКШ
Тема боюнча
"Азиянын жүрөгүн дарылоо". Кыргызстан Афганистанга эмнеге жардам бериши керек