Кароосуз калган Балыкчы шаарынын автобекети

Мэр тамтыгы чыккан "Балыкчы" автобекетин мамлекетке кайтарууну сунуштады. Сүрөт

4073
(жаңыланган 22:20 28.01.2021)
Шаар башчысы автобекеттеги көптөгөн мүчүлүштүктөргө күбө болуп, адегенде эле ажаткананын тыңгылыктуу жасалбагандыгын мисал келтирди.

БИШКЕК, 28-янв. — Sputnik. Балыкчы шаарынын мэринин милдетин аткаруучу Азамат Арнабек уулу калаадагы автобекет кароосуз калганын айтып, мамлекетке өткөрүп алуу сунушун киргизди. Бул туурасында аймактык кабарчы билдирди.

Мэр тиешелүү муниципалдык кызматтардын жетекчилери менен биргеликте "Балыкчы" автобекетинин иштөө шарты менен таанышып чыккан.

Ал жакта эл ташып иштеген айдоочулар менчикке өтүп кеткен автобекеттин такыр каралбай калгандыгын, жадагалса бир дагы таштанды салуучу челектин жоктугун айтышты. Мындан улам таштандылар туш келди жатканын көрүүгө болот. Ошондой эле автоунааларын ыңгайлаштырып токтотууга эч бир шарт түзүлбөгөнүн билдиришти.

  • Вид на автовокзал города Балыкчи, который в удручающем состоянии
    Балыкчы шаарынын мэринин милдетин аткаруучу Азамат Арнабек уулу калаадагы автобекет кароосуз калганын айтып, мамлекетке өткөрүп алуу сунушун киргизди.
    © Фото / пресс-служба мэрии города Балыкчи
  • Вид на автовокзал города Балыкчи, который в удручающем состоянии
    Мэр тиешелүү муниципалдык кызматтардын жетекчилери менен биргеликте "Балыкчы" автобекетинин иштөө шарты менен таанышып чыккан.
    © Фото / пресс-служба мэрии города Балыкчи
  • Вид на автовокзал города Балыкчи, который в удручающем состоянии
    Ал жакта эл ташып иштеген айдоочулар менчикке өтүп кеткен автобекеттин такыр каралбай калгандыгын, жада калса бир дагы таштанды салуучу челектин жоктугун айтышты.
    © Фото / пресс-служба мэрии города Балыкчи
1 / 3
© Фото / пресс-служба мэрии города Балыкчи
Балыкчы шаарынын мэринин милдетин аткаруучу Азамат Арнабек уулу калаадагы автобекет кароосуз калганын айтып, мамлекетке өткөрүп алуу сунушун киргизди.

Шаар башчысы автобекетти кыдыруу учурунда көптөгөн мүчүлүштүктөргө күбө болуп, адегенде эле ажаткананын тыңгылыктуу жасалбагандыгын мисал келтирди.

"Автобекеттин ичи-сыртынан бери иретке келтирилип, оңдоп-түздөлүп, айланасы таза турушу керек. Күтүү залы да болушу зарыл. Ушундай көп жерлерди, ишканаларды менчиктеп алгандар жакшы иштетсин же болбосо мамлекетке өткөрүп беришсин", — деди мэр.

2007-жылы Мамлекеттик мүлк фонду автобекетти менчикке берүү боюнча аукцион өткөрүп, жыйынтыгында Сүйүнбек Байгорозов 2 073 000 сомго сатып алган. Учурда автобекеттин аянты 1,71 гектарды түзөт, анын ичине 30га чукул павильон коюлган.

Буга чейин Байгорозовго Балыкчы шаардык мэриясы тарабынан автобекетти иретке келтирүү тууралуу эскертүү каттары жиберилсе дагы эч бир жыйынтык чыккан эмес.

Аймактык кабарчы Байгорозов менен байланышкан. Ал бекеттин айланасын көрктөндүрүүгө камынып жатканын билдирди.

"19-январь күнү мэр менен жолугуп макулдаштык, автобекеттин алдындагы павильондор алынат. Ошондой эле автобекетте косметикалык ремонт жасалат. Автобекеттин тегерегиндеги имараттар чоочун. Ары жакта, күн батыш тарабында устундары шаңырайып турган курулуштар башка бирөөнүкү, бери жакта аңырайып турган имарат да мага таандык эмес", — деди Байгорозов.

Ошондой эле ал 2016-жылы автобекетти жубайы Нуржамал Алаковага белек катары өткөрүп бергендиги маалым болду.

4073
Белгилер:
автоунаа, мэр, оңдоо, Балыкчы, автобекет
Тема боюнча
Кыргыз өкмөтү Казакстанга электровоз поезддерин каттатууга камынууда. Долбоор
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

138
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

138
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы

Тактаны чачырата тепти. Асман менен баскан балдардын кызыктуу видеосу

134
(жаңыланган 20:29 20.06.2021)
АКШ менен Түштүк Кореянын тхэквондочуларынан куралган топ популярдуу болгон America"s Got Talent сынагынын көрүүчүлөрү менен калыстарын абдан таасирлентти.

Алардын суктанткан номери YouTube каналга жүктөлгөн. 

Аталган балдар-кыздар Олимпиадага чакырылып, бирок коронавирустун айынан болгон өзгөрүүлөрдөн улам ага катыша албай калганы айтылган. Дүйнөлүк деңгээлдеги иш-чарага катыша албай калган спортчулар азыркы сынакка катышып көрүүнү чечкен.

"Бизди Олимпиадага чакырышкан, бирок пандемиядан улам оюнду өткөрүү мөөнөтү жылып кетип, ага катышууга мүмкүнчүлүк болбой калды", — деген топтун лидери.

Эки өлкөнүн таланттуу, шамдагай спортчуларынын бул шоу-номери көргөн адамды кайдыгер калтырбайт. Алардын бир нече метр бийиктикке секирип баратып, жолунан кездешкен такталарды бир нече бөлүккө чачырата тепкенин көрүүгө болот.

Андан сырткары балдар-кыздар кызыктуу бийлерди, акробаттык чеберчиликтерин көрсөткөн.

Спортчулардын талантына таасирленген калыстар тобунун мүчөсү, теле алып баруучу Терри Крюс дароо эле финалга жолдомо берген алтын баскычты басып, залды да, тхэквондочуларды да бактылуу кылган.

America's Got Talent — теледолбоору ар кыл таланттарды өзүнө чакырган кызыктуу шоу. Анын байге фонду миллион доллар.

134
Тема боюнча
Укмуш номер болуптур! Атайдын бий тобу Кытайдагы сынакта финалга чыкты. Видео