Жолукчан аял ыйлап жатат. Архив

КРде зордук-зомбулукка кабылган аялдар көбүнчө кайда кайрылат. Статистика

147
(жаңыланган 09:33 29.01.2021)
Кыргызстанда аялдарга карата кылмыштардын саны өсүүдө. Мисалы, 2019-жылы кыз-келиндер жабыр тарткан 4,4 миң кылмыш иши катталып, мурунку жылга салыштырмалуу 14 пайызга көбөйгөн.

БИШКЕК, 29-янв. — Sputnik. Кыргызстанда үй-бүлөлүк зомбулуктан жабыркагандардын көпчүлүгү кризистик борборлорго кайрылышат. Бул тууралуу Улуттук статистика комитети жазды.

"Өлкөдө үй-бүлөлүк зомбулуктан жабыркагандардын көпчүлүгү кризистик борборлорго жана сейрек учурларда гана башка мекемелерге кайрылышат. Мисалы, 2019-жылы кризистик борборлорго 6 687 адам кайрылса, алардын 90 пайызы аялдар болгон", — деп айтылат билдирүүдө.

Негизи Кыргызстанда аялдарга карата кылмыштардын саны өсүүдө. Мисалы, 2019-жылы кыз-келиндер жабыр тарткан 4,4 миң кылмыш иши катталып, мурунку жылга салыштырмалуу 14 пайызга көбөйгөн.

Айрыкча адам уурдоо (2,3 эсеге), зордуктоо (2,1 эсеге) жана адам сатууга (2 эсеге) байланыштуу кылмыштар күч алууда.

Кризистик борборлорго кайрылгандардын үчтөн бирин 18-34 жаштагы кыз-келиндер түзөт.

147
Белгилер:
статистика, зомбулук, аял, Кыргызстан
Тема боюнча
Баланы сексуалдык зомбулуктан кантип коргоо керек. ИИМдин эрежелери
БУУ Тоңдогу 13 жашар кыздын зордукталышы боюнча үн катты
Баткендеги кыргыз-тажик чек арасындагы айылдарга Тажикстан тараптын куралдуу кол салуусунан каза болгон Ражаббай Эгембердиевдин иниси Момун Эгембердиев

Агамдын сөөгү куйкаланып, күлү калыптыр. Максат айылындагы трагедиянын чоо-жайы

23
(жаңыланган 19:07 13.05.2021)
Баткендеги кыргыз-тажик чек арасындагы айылдарга Тажикстан тараптын куралдуу кол салуусунан өрттөлгөн Максат айылындагы үйлөрдүн биринен жергиликтүү тургун Ражаббай Эгембердиевдин күйүп калган сөөгү табылган. Бул тууралуу Sputnik Кыргызстан жазган.

Ошол коогалаңдуу күндөрү биздин журналистке максаттыктар трагедия 2-майда болгонун айтып беришкен.

Sputnik агенттиги маркум Ражаббай Эгембердиевдин бир тууган иниси Момун Эгембердиевди таап, сүйлөштү. Окуянын чоо-жайын төмөнкүчө айтып берди.

Маркумдун иниси 45 жашта. Момун Эгембердиев куралдуу кол салуу учурунда агасын жоготуп, эки күн бою издеген. 2-май күнү агасынын күйүп калган сөөгүн өзү жашаган үйүнөн тапкан.

Сожженный дом кыргызстанца Ражаббая Эгембердиева, погибшего во время вооруженного конфликта на границе Кыргызстана и Таджикистана
© Sputnik / Зульфия Тургунова
Гибель кыргызстанца Ражаббая Эгембердиева во время вооруженного конфликта на границе

Учурда Лейлек районундагы Максат айылынын жашоочусу 53 жаштагы маркум Ражаббай Эгембердиевге куран окутууга келгендердин аягы суюла элек. Бир кезде барга каниет кылып, жай турмушту башынан кечирип жаткан бүлөнүн бүгүн минтип, турак жайы гана талкаланбастан, башчысын жоготуп, жакындары сай-сөөгү сыздап, кан жутуп турган кези.

Агасынын сөөгүн иниси Момун Эгембердиев тапкан. Ал бир тууганын жоготкон күн өмүрүндөгү эң коркунучтуу, жүрөктү тилген окуя экендигин айтып, төмөнкүчө эскерди.

"Агамды эки күн бою издеп, барбаган жерим, сурабаган кишим калган жок. Айрымдар тирүү көргөнүн да айтып жатышты. Таппай, айлам түгөнгөндө, өрттөлгөн үйүбүзгө келдим. Жалын баарын жалмап, төрт дубалы гана калыптыр. Анан агам уктачу бөлмөнү карап жүрсөм, кишинин сөлөкөтүнө окшош нерсе жатыптыр. Аны сөөк деп деле айтууга болбойт. Куйкаланган, болжол менен 80 пайызы күйүп калган. Ошол жерден өзүмдү жоготуп, денем титиреп, ушул куйкаланып бүткөн сөлөкөт агам экенин жүрөгүм туйду. Өзүмдү жоготуп, дендароо болуп калдым", — деди ал мууну титиреп.

Момун Эгембердиев каргашалуу окуя башталган 28-апрелдин түнүндө өзү жашаган үйдөн чыгып, Максат айылынын баш тарабындагы айылдаштарынын тамынын жер төлөсүнө жашынган.

Агасы менен чогуу тургандыктан ал да артынан келе жатат го деген ойдо болгон. Бирок Ражаббай Эгембердиев үйүн таштабай, кол салган тажикстандыктардан коргоо үчүн жалгыз калган экен.

Сожженный автомобиль кыргызстанца Ражаббая Эгембердиева, погибшего во время вооруженного конфликта на границе Кыргызстана и Таджикистана
© Sputnik / Зульфия Тургунова
Гибель кыргызстанца Ражаббая Эгембердиева во время вооруженного конфликта на границе

Инисинин айтымында, маркумдун ден соолугу чың, алдуу-күчтүү, качууга жөндөмдүү эле жарандардан болгон. Устачылык менен алектенгендиктен каргаша башталаар алдында адаттагыдай эле жумушунан келип, үйүндө эс алып отурган.

"Күлгө айланган сөөктү укук коргоо органдары келип көрүп, карап, эмнеден улам каза тапканын аныктоо үчүн экспертиза дайындалды. Жыйынтыгында биздин үйгө миномёттун огу түшүп, үй жарылганда качууга үлгүрбөй өрттөнүп кеткендигин айтышты, Бирок менин дагы бир шектенгеним — тажикстандыктар Максаттагы үйлөрдү тоноо үчүн киргенде агам кармалып калып, аны атып салышкан деп ойлойм. Өлтүргөн да анан үйдү өрттөп жиберишкен. Эгерде андай болбосо агам качып чыгууга үлгүрөт беле?" — дейт маркумдун бир тууганы көзүнөн жаш куюла.

Момун Эгембердиев Максат айылында чек ара чатагы жылына бир канча ирет кайталангандыктан балдар менен аялдар башка жакка чыгарылып, эркектер айылды коргоп кала тургандыгын баса белгиледи. Агасы ошол максат менен эч жакка качпай үйүндө калгандыктан кордук менен өлтүрүлүп, сөөгү күлгө айланган деп кейиди.

Маркумдун иниси анын сөөгүн Максат айылында жерге берген.

"Сөөктү жерге берерден мурда менден башка эч ким көргөн жок, тагыраагы, башкаларга көрсөткөн жокмун", — деди ал.

Маркумдун артында жубайы, үч кызы менен кошо жалгыз уулу калган. Ражаббай Эгембердиевдин өлүмү тууралуу анын үй-бүлөсүнө билдирүү баарынан эң оор болгондугун айтат. Трагедия учурунда анын үй-бүлөсү Бишкек шаарында болгон.

Момун Эгембердиев, брат погибшего во время вооруженного конфликта на границе Кырыгзстана и Таджикистана Ражаббая Эгембердиева
© Sputnik / Зульфия Тургунова
Момун Эгембердиев, брат погибшего в селе Максат Ражаббая Эгембердиева

"Атам кана, атама эмне болду деп уулу, кыздары боздоп ыйласа, жанымды коёрго жер таппай, жүрөгүм тилинди", — дейт Момун Эгембердиев.

Маркумдун жубайы жолдошунун өлүмүн уккандан кийин абалы кескин начарлап, борбордогу ооруканалардын бирине жеткирилип, учурда дарыгерлердин көзөмөлүндө. Ал эми кыздары Баткен районундагы жакындарынын үйүндө баш калкалоодо. Өрт жалмап, төрт дубалы гана калган маркумдун беш бөлмөлүү үйү ӨКМдин кызматкерлери тарабынан буздурулуп, таштандысы чыгарылган.

Үйүнөн сырткары Россияда мигрант катары жылдап иштеп, маңдай тери менен тапкан автоунаасы да толугу менен өрттөлүп, каргашалуу күндү эстетип маркумдун короосунда турат. Маркум Ражаббай Эгембердиевдин жалгыз уулу, 15 жаштагы Руслан атасынын иниси Момун Эгембердиев менен Катраң эли колдоо көрсөтүп, орнотуп берген боз үйдө баш калкалоодо.

Сожженный дом кыргызстанца Ражаббая Эгембердиева, погибшего во время вооруженного конфликта на границе Кыргызстана и Таджикистана
© Sputnik / Зульфия Тургунова
Гибель кыргызстанца Ражаббая Эгембердиева во время вооруженного конфликта на границе

Руслан өспүрүм куракта болгону менен ал буга чейин куралдуу кол салуулардын бир канчасын башынан өткөргөнүн айтат.

"Буга чейин да көп жолу качып, аман калып жүрдүк. Тажикстан тараптан ок атылып, бирок токтоп калчу. Бул ирет андай болгон жок. Атам эч кимге зыяны жок, жөнөкөй, мээнеткеч киши эле", — дейт муңайып.

Маркумдун иниси Момун Эгембердиев атасынан айрылган Русланды эрезеге жеткирүү, ата ордуна ата болуп, бардык жүктү мойнуна алгандыгын сөз арасында айтып отурду.

23
Белгилер:
өрт, сөөк, өлүм, трагедия, Тажикстан, Кыргызстан, кыргыз-тажик чек арасы, Максат айылы
Тема:
Баткендеги кыргыз-тажик жаңжалы
Тема боюнча
Сөөгү өзүнүн өрттөлгөн үйүнөн табылды. Баткенде дагы бир жаран каза болду
Максат айылында өрттөлгөн үйлөрдүн ордуна жаңы тамдар курула баштады. Сүрөт
Мойнунан кан аккан боюнча көмүлдү. Чек арада окко учкан Акжолдун трагедиясы. Видео
Жусуп Баласагын атындагы Кыргыз улуттук университетинин жооптуу катчысы Жылдыз Койчиева

Койчиева: Улуттук университетке жети миң студентти кабыл алуу мерчемделүүдө

16
(жаңыланган 17:09 13.05.2021)
Жусуп Баласагын атындагы Кыргыз улуттук университетинин жооптуу катчысы Жылдыз Койчиева абитуриенттерди кабыл алуу эки жылдан бери онлайн жүрүп жатканын маалымдады.

Окууга тапшыруу үчүн документтер пандемияга байланыштуу өзгөргөн жок, болгону катталуу онлайн болуп, документтерди "PDF" форматына өткөрүп тиркөө зарыл. Бул тууралуу Жылдыз Койчиева Sputnik Кыргызстан радиосуна маек куруп жатып билдирди.

Койчиева: Улуттук университетке жети миң студентти кабыл алуу мерчемделүүдө

Анын айтымында, 2021-2022-окуу жылында Улуттук университеттин 23 факультетине 7000 абитуриент кабыл алуу мерчемделүүдө.

"Абитуриенттерди кабыл алуу комиссиясы өз убагында тийиштүү иштерди жүргүзүүдө. ЖОЖдор Билим берүү министрлигинин көзөмөлүндө биргеликте иш алып барууда. Соңку эки жылда пандемияга байланыштуу окуу жайларына катталуу онлайн өтүп жатат. Бул айрымдарга жеңилдик жаратканы менен кээ бирлер үчүн түшүнбөгөн маселелери жаралып калууда. Өткөн жылы министрликтин сайтында абитуриенттерди каттоого алып, анан өзүбүздүн сайт аркылуу кабыл алып жаттык. Улуттук университетте 23 факультет, педагогикалык кесиптик колледж жана Ош филиалы бар. Мына ушунун баарына ар кандай адистиктер боюнча кабыл алуу жүргүзүлөт. Пандемияга байланыштуу документ тапшыруу процедурасына өзгөрүү кирген жок. Бирок катталуу онлайн болгондуктан абитуриенттер бардык документтерди "PDF" форматына өткөрүп, министрликтин сайтына катталуусу зарыл. Ошондон кийин университетти тандап, анан кабыл алуу жүргүзүлөт. Быйыл жылдагыдай эле жети миң орунга кабыл алууну мерчемдеп жатабыз. Жакынкы коңшу өлкөлөрдөн тапшырууну каалагандар бардык факультетке алына берет", — деди Койчиева.

Ошондой эле ал чет өлкөдө жүрүп окууну каалагандар үчүн дистанттык окутуу дагы бар экенин кошумчалады.

16
Белгилер:
Жылдыз Койчиева, билим берүү, ЖОЖ, абитуриент
Тема боюнча
Окуу жайлар жылына эки ирет абитуриент кабыл алат. Токтом өкмөттө каралууда