Базарда эт сатуучу. Архив

Дем алыш күндөрү Бишкекте жарманке өтөт. Азык-түлүк арзан сатылат

Түштүк магистраль — Нуркамал Жетикашкаева көчөлөрүнүн кесилишиндеги аймакта (12 кичирайону) саат 10:00дө башталат.

БИШКЕК, 29-янв. — Sputnik. Борбор калаада ишемби, жекшемби күндөрү кезектеги азык-түлүк жарманкеси өтөт.

Иш-чараны Айыл чарба, тамак-аш өнөр жайы жана мелиорация министрлиги Октябрь райондук акимиаты менен биргеликте уюштурууда. Түштүк магистраль — Нуркамал Жетикашкаева көчөлөрүнүн кесилишиндеги аймакта (12 кичирайону) саат 10:00дө башталат.

Жарманкедеги баалар:

  • Эт азыктары — 380-390 сом;
  • Жумуртка (10 даанасы) — 85-90 сом;
  • Үй тооктору — 180-200 сом;
  • Көлдүн айраны — 37-38 сом;
  • Өсүмдүк майы — 113-123 сом;
  • Картошка — 22-23 сом;
  • Пияз — 11-13 сом;
  • Сабиз — 20 сом.

Ошондой эле жашылчалар, суусундуктар жана башка азыктар коюлат.

Жарманкеге продукциясын алып келе турган компаниялар жана жарменке тууралуу кошумча маалымат алууну каалагандар төмөнкү номелерлер аркылуу байланыша алат: 0704 25 25 55, 0222 55 55 21, 0500 04 80 49

Белгилер:
азык-түлүк, борбор калаа, жарманке
Тема боюнча
Министрлик өлкөдө малды жасалма уруктандыруу пунктуларын ачууну пландап жатат
Бишкекте айыл чарба бизнесине кызыккандар үчүн ботаникалык жай ачылат
Бишкек мэриясы. Архив

УКМК Бишкек шаарынын казынасынан 43 миллион сом уурдалганын таап чыкты

(жаңыланган 13:32 16.04.2021)
Атайын кызмат белгилегендей, каражат 2020-жылы кабыл алынган токтомдор аркылуу эсептен чыгарылган. УКМК окуянын чоо-жайын ачыктады.

БИШКЕК, 16-апр. — Sputnik. УКМК Бишкек мэриясынын кызмат адамдары 43 миллион сомдон ашык бюджеттик каражатты өзүнө мыйзамсыз ыйгарып алганын аныктады. Бул тууралуу УКМКдан билдиришти.

Атайын кызмат Бишкек шаардык кеңешинин жана шаардык администрациясынын жооптуу кызматкерлерине Кылмыш-жаза кодексинин 205-беренесинин 3-бөлүмү ("Ишенип берилген мүлктү ыйгарып алуу же коротуу") боюнча кылмыш ишин козгогон. Бул факты Кылмыш жана жоруктардын бирдиктүү реестрине катталып, сотко чейинки өндүрүшкө алынган.

УКМКнын белгилешинче, бюджеттик каражатты парламенттик шайлоо алдында үгүт иштерине жана жеке кызыкчылыктарына пайдалануу максатында тийиштүү кызматкерлер тарабынан каражатты эсептен чыгаруу боюнча мыйзамсыз механизм түзүлгөн.

Бул максатта мэриянын 2020-жылдын 8-июнундагы №60 "Бишкек шаарында жарандык демилгелердин долбоорлорун ишке ашыруу тартиби тууралуу Убактылуу жобону бекитүү жөнүндө" токтому кабыл алынган.

"Ошол эле учурда, бул жарандык долбоорлор жалаң гана шаардык кеңештин жана Бишкек мэриясынын жооптуу кызматкерлеринин демилгеси менен ишке ашырылып, натыйжада 43 миллион сомдон ашык суммадагы бюджеттик каражатты мыйзамсыз ыйгарып алуу иштери жүргүзүлгөн", — деп айтылат билдирүүдө.

Ошондой эле долбоорлор Бишкек мэриясы эмес, түзүмдүк бөлүмдөр тарабынан ишке ашырылган. Учурда тиешелүү ыкчам-иликтөө иш-чаралары жүргүзүлүп жатат.

Белгилер:
кылмыш, шектүү, УКМК, коррупция, бюджет, Бишкек мэриясы, Бишкек
Тема боюнча
Депутат Кубанычбек Жумалиев бюджетке 1 млрд. сом төлөдү
Матраимовдун кылмыш иши кыскартылып, эркиндикке чыкты
Медициналык кызматкер Бишкектеги ооруканада COVID-19 менен оруган бейтаптар менен

Министр: былтыр ооругандар кайра вирус жуктуруп алууда, вакцина алгыла

(жаңыланган 13:33 16.04.2021)
Министр бардык аймактарда коронавируска кабылгандар жана андан көз жумгандар көбөйүп жатканын эске салды. Себеби антитело сегиз айдан бир жылга чейин жетерин айтты.

БИШКЕК, 16-апр. — Sputnik. Былтыр коронавирус менен ооругандар быйыл кайра ооруну жуктура баштады. Бул тууралуу саламаттык сактоо жана социалдык өнүктүрүү министри Алымкадыр Бейшеналиев маалымат жыйын учурунда билдирди.

"Бардык облустарда ооругандардын саны жогорулап жатат, каза болгондор да көбөйүүдө. Былтыр жайында жуктургандар кайра ооруп жатат. Себеби иммунитет жок болуп баратат. Окумуштуулар антитело сегиз айдан бир жылга чейин жетерин айтышат. Ошондуктан вакцина алуу керек, жамааттык иммунитетти пайда кылышыбыз керек. Президент жана өкмөт башчы менен сүйлөшкөндө экономикалык абалга байланыштуу карантин киргизе албайбыз дешкен. Карыздарыбыз көп, кыйналып калат экенбиз", — деди министр.

Министр элди санитардык жана гигиеналык эрежени сактоого чакырды. Ошондой эле өлкөгө вакциналарды алып келүү боюнча иштер жүрүп жатканын айтты.

Белгилер:
антитело, вакцина, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Барыктабасова: "Ысык-Көл тамыры" элдин саламаттыгын коркунучка кептейт
Министр уу коргошун боюнча: президент экөөбүз кайнатмасын даярдап жатабыз
230 кишиден вирус табылып, төрт адам каза болду. COVID боюнча статистика