Кыргызстандын экс-президенти Сооронбай Жээнбеков. Архив

Сотко барууга милдеттүү эмес. Жээнбековдун адвокаты билдирүү таратты

904
(жаңыланган 18:48 29.01.2021)
Жактоочу Зилалиев өзүнүн кылмыш ишине саясий боёк берүүгө аракет кылып, жалаа жаап жатат деп эсептейт.

БИШКЕК, 29-янв. — Sputnik. Экс-президент Сооронбай Жээнбеков сотко барууга милдеттүү эмес. Бул тууралуу анын адвокаты Жыргалбек Бабаев билдирди.

Белгилей кетсек, вице-премьер Дүйшөнбек Зилалиевдин сотто ага таандык банктык ячейкадан чыккан бир миллион доллар Жээнбековдун президенттик шайлоо өнөктүгү үчүн ишкерлерден чогултулганын, кийин акчаны Жээнбековдун өзүнө бергенин айткан. Мындан улам экс-президент Бишкек шаардык сотуна күбө катары көрсөтмө берүүгө чакырылган.

Жээнбековдун жактоочусу Бабаев Зилалиев өзүнүн кылмыш ишине саясий боёк берүүгө аракет кылып, жалаа жаап жатат деп эсептөөдө.

"Сооронбай Жээнбековдун бул ишке эч тиешеси жок, фигурант да эмес, күбө да эмес. Ошондуктан сотко барууга да милдеттүү эмес. "Экс-президент" деген макамын айтпаганда да сотко барууга эч кандай жүйө жок. Ошондуктан биз Зилалиевдин банктан алынган акчалары Жээнбековдун шайлоо өнөктүгүнө камдалып, кийин өзүнө тапшырылган дегени курулай жалаа экенин расмий түрдө билдиребиз", — деди Бабаев.

Ошондой эле адвокат банк кызматкери сот жүрүшүндө ячейкадага акча Зилалиевге шайлоо өнөктүгү башталганга чейин эле берилгени туурасында көрсөтмө бергенин айтты.

"Зилалиев бул банктын кызматын 2011-жылдан бери колдонуп келген. Ячейка ачылганда кызмат көрсөткөндүгү үчүн кардар банкка акы төлөп турат. Бирок Зилалиев үч ай төлөгөн эмес, банкка да келбей койгон. 2017-жылы июлда ячейканын мөөнөтү аяктаган. Мындан улам банк комиссия түзүп, ячейканы ачкан, ал видеого тартылган. Эки жумадан кийин Зилалиев ячейкадагы акчаны алып кеткен. Демек, ал эң эле кеч дегенде 2017-жылдын март айында банкка барган. Анда Жээнбеков президенттикке талапкер боло элек болчу. Анан кантип бул ячейка шайлоо кампаниясына арналган болуп калат?" — деди адвокат.

Дүйшөнбек Зилалиев 2018-жылы 8-декабрда кармалган. УКМК анын банктагы жеке эсебинен 889 миң 900 доллар таап, үй-жайын тинтүүгө алган.

904
Белгилер:
Сооронбай Жээнбеков, Дүйшөнбек Зилалиев, сот, чакыруу
Тема боюнча
Башкы прокуратурага Сооронбай жана Асылбек Жээнбековдордун үстүнөн арыз түштү
Мухаммедкалый Абылгазиевдин баш коргоо чарасы тандалды
Кар учурунда жолдөн өтүп бараткан адамдар. Архив

Ноябрь айында аба ырайы кандай болот. Синоптиктердин божомолу

14
(жаңыланган 13:35 18.10.2021)
"Кыргызгидрометтин" маалыматына караганда, алдыдагы айда абанын айлык орточо температурасы климаттык норманын чегинде болот.

БИШКЕК, 18-окт. — Sputnik. Кыргызгидромет агенттиги ноябрь айына карата аба ырайынын божомолу тууралуу маалымат берди.

© Фото / Кыргызгидромет
Ноябрь абанын орточо температурасы

Ага ылайык, абанын айлык орточо температурасы жана жаан-чачындын айлык көлөмү нормага жакын болушу күтүлүүдө.

© Фото / Кыргызгидромет
Ноябрдагы жаан-чачындын орточо көлөмү

Чүй облусу

Абанын айлык орточо температурасы климаттык норманын чегинде болуп, 3…5 градус жылуу, тоо этектеринде жана Кемин өрөөнүндө -1 градус сууктан +1 градуска чейин жылыйт. 

Ай ичинде абанын температурасы күндүз 5…10 градустан  12…17 градуска чейин жылып, бирок кээ бир күндөрү -2ден +3 градуска чейин төмөндөшү мүмкүн.

Кемин өрөөнүндө жана тоо этектериндеги райондордо абанын температурасы түнкүсүн 0…-5° сууктун тегерегинде болуп, күндүз 2…7ден  8…13 градуска чейин жетет. Жаан-чачындын айлык көлөмү норманын чегинде болору  күтүлүүдө.

Талас облусу

Абанын айлык орточо температурасы климаттык норманын чегинде туруп, 1…3 градус жылуу болушу күтүлөт.

Ай ичинде абанын температурасы түнкүсүн -4...+1, күндүз 10…15 градуска чейин жылышы мүмкүн. Анткен менен кээ бир түндөрү температура  -6…-11 градуска чейин түшөт. Жаан-чачындын айлык көлөмү нормага жакын болот.

Ош облусу

Абанын айлык орточо температурасы климаттык норманын чегинде болуп, 5…7, тоо этектериндеги райондордо 3…5 градус жылуу болот.

Ай ичинде абанын температурасы түнкүсүн 5…10 градус, күндүз 12…17 градуска чейин жылуу болушу ыктымал.

Тоо этектериндеги райондордо -2…+3төн тарта 2…7 градуска чейин жылып, кээ бир түндөрү -3…-8 градуска чейин муздашы мүмкүн. Жаан-чачындын айлык көлөмү нормага жакын болушу күтүлүүдө.

Жалал-Абад району

Абанын айлык орточо температурасы климаттык норманын чегинде болуп 5…7, тоо этектериндеги райондордо 3…5 градус жылуу болору божомолдонууда.

Ай ичинде абанын температурасы түнкүсүн -2…+3төн тарта 5…10 градуска чейин, күндүз 6…11ден башталып, 12…17 градуска чейин жылыйт.

Токтогул районунда ай ичинде абанын температурасы түнкүсүн -4…+1ден 2…7 градуска чейин, күндүз 2…7ден башталып,  8…13 градуска чейин жылыйт. Жаан-чачындын айлык көлөмү нормага жакын болот.

Баткен облусу

Абанын айлык орточо температурасы климаттык норманын чегинде туруп 5…7, тоо этектериндеги райондордо 3…5 градус жылуу болот. 

Ай ичинде абанын температурасы түнкүсүн -2…+3төн тарта 5…10го чейин, күндүз 6…11ден 12…17 градуска чейин жылуу болору божомолдонууда. Жаан-чачындын айлык көлөмү нормага жакын болушу күтүлүүдө.

Ысык-Көл облусу

Абанын айлык орточо температурасы климаттык норманын чегинде болуп +2…+4 градустан  -1…+1ге чейин жетет.

Ай ичинде абанын температурасы түнкүсүн 0…-5 градус сууктан 1…6га чейин жылуу, күндүз 3…8ден 8…13кө чейин жылуу болот. Кээ бир күндөрү облустун чыгыш тарабында түнкүсүн -6…-11 градуска чейин суук болот. Жаан-чачындын айлык көлөмү нормага жакын болот.

Нарын облусу

Абанын айлык орточо температурасы климаттык норманын чегинде болуп -1…-3 градуска чейин сууктайт.

Ай ичинде абанын температурасы түнкүсүн -1…-6 градус суук болуп, кээ бир түндөрү -7…-12 градуска чейин жетиши мүмкүн. Күндүз эң жылуу дегенде 3…8 градуска жетет. Жаан-чачындын айлык көлөмү нормага жакын болот.

14
Белгилер:
Кыргызстан, күз, аба ырайы, жаан-чачын
Тема боюнча
Жылуу эле болобу? Октябрь айына карата аба ырайы
Майрамкан Абылкасымованы акыркы сапарга узатуу зыйнаты

Кыргыз эл акыны Майрамкан Абылкасымованын сөөгү жерге берилди. Сүрөт

20
(жаңыланган 13:37 18.10.2021)
Акынды акыркы сапарга узатууда сөз сүйлөгөндөр Абылкасымованын маданият менен искусствонун өнүгүшүнө эбегейсиз салым кошконун белгилешти.

БИШКЕК, 18-окт. — Sputnik. Кыргыз эл акыны Майрамкан Абылкасымованын сөөгү Бишкектеги "Ала-Арча" көрүстөнүнө коюлду.

Маркум менен коштошуу зыйнаты Абдылас Малдыбаев атындагы опера жана балет театрында өтүп, ага мамлекеттик катчы Сүйүнбек Касмамбетов, Чүй облусунун башчысынын орун басары Нурил Алымбаев, Улуттук жазуучулар союзунун төрагасы Нурлан Калыбеков баш болгон мамлекеттик кызматкерлер, коомдук ишмерлер, акындын калемдештери жана жакындары катышты.

  • Солдаты национальной гвардии на панихиде по народному поэту Майрамкан Абылкасымовой в здании театра оперы и балета имени А. Малдыбаева в Бишкеке. 18 октября 2021 года
    Кыргыз эл акыны Майрамкан Абылкасымованын сөөгү Бишкектеги "Ала-Арча" көрүстөнүнө коюлду
    © Фото / пресс-служба МКИСМП КР
  • Государственный секретарь Суйунбек Касмамбетов на панихиде по народному поэту Майрамкан Абылкасымовой в здании театра оперы и балета имени А. Малдыбаева в Бишкеке
    Маркум менен коштошуу зыйнаты Абдылас Малдыбаев атындагы опера жана балет театрында өтүп, ага мамлекеттик катчы Сүйүнбек Касмамбетов, Чүй облусунун башчысынын орун басары Нурил Алымбаев, Улуттук жазуучулар союзунун төрагасы Нурлан Калыбеков баш болгон мамлекеттик кызматкерлер, коомдук ишмерлер, акындын калемдештери жана жакындары катышты
    © Фото / пресс-служба МКИСМП КР
  • Министр культуры Азамат Жаманкулов на панихиде по народному поэту Майрамкан Абылкасымовой в здании театра оперы и балета имени А. Малдыбаева в Бишкеке
    Коштошуу зыйнатында Абылкасымованын Кыргызстандын маданиятын жана искусствосун өнүктүрүүгө эбегейсиз салым кошкону белгиленди
    © Фото / пресс-служба МКИСМП КР
  • Люди на панихиде по народному поэту Майрамкан Абылкасымовой в здании театра оперы и балета имени А. Малдыбаева в Бишкеке
    Майрамкан Абылкасымова 84 жаш курагында узакка созулган оорудан улам 16-октябрь күнү дүйнөдөн кайткан
    © Фото / пресс-служба МКИСМП КР
  • Солдаты национальной гвардии на панихиде по народному поэту Майрамкан Абылкасымовой в здании театра оперы и балета имени А. Малдыбаева в Бишкеке. 18 октября 2021 года
    Ал Бүткүл союздук Ленин комсомолу сыйлыгы жана Кыргыз ССРинин Токтогул атындагы мамлекеттик сыйлыгынын лауреаты
    © Фото / пресс-служба МКИСМП КР
  • Солдаты национальной гвардии на панихиде по народному поэту Майрамкан Абылкасымовой в здании театра оперы и балета имени А. Малдыбаева в Бишкеке. 18 октября 2021 года
    1936-жылы 7-ноябрда Кемин районундагы Алмалуу айылында мугалимдин үй-бүлөсүндө туулган
    © Фото / пресс-служба МКИСМП КР
  • Панихида по народному поэту Майрамкан Абылкасымовой в здании театра оперы и балета имени А. Малдыбаева в Бишкеке
    1958-жылы Маяковский атындагы кыз-келиндер педагогикалык институтунун филология факультетин бүтүргөн
    © Фото / пресс-служба МКИСМП КР
1 / 7
© Фото / пресс-служба МКИСМП КР
Кыргыз эл акыны Майрамкан Абылкасымованын сөөгү Бишкектеги "Ала-Арча" көрүстөнүнө коюлду

Коштошуу зыйнатында Абылкасымованын Кыргызстандын маданиятын жана искусствосун өнүктүрүүгө эбегейсиз салым кошкону белгиленди.

Майрамкан Абылкасымова 84 жаш курагында узакка созулган оорудан улам 16-октябрь күнү дүйнөдөн кайткан.

Ал Бүткүл союздук Ленин комсомолу сыйлыгы жана Кыргыз ССРинин Токтогул атындагы мамлекеттик сыйлыгынын лауреаты. 1936-жылы 7-ноябрда Кемин районундагы Алмалуу айылында мугалимдин үй-бүлөсүндө туулган.

1958-жылы Маяковский атындагы кыз-келиндер педагогикалык институтунун филология факультетин бүтүргөн.

1961-жылы акындын алгачкы "Кичинекей досторго" аттуу туңгуч ырлар жыйнагы чыккан. "Чолпон", "Эстелик сүйлөйт", "Быйыл жаздын гүлдөрү көп" аттуу жыйнактардын автору. Анын ырлары орус, украин, казак, моңгол, немец, поляк, француз тилдерине которулган.

20
Белгилер:
Майрамкан Абылкасымова, өлүм, акын, жерге берүү
Тема боюнча
Актриса Искра Райымкулова көз жумду