Аял. Архив

Келинимдин уу тилинен заарканып бүттүм. Чүнчүгөн кайнененин каты

(жаңыланган 17:24 30.01.2021)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына жалгыз баласынын аялынын уу тилинен тажап, кайда барарын билбей турган кайнене кат жазган.

Саламатсыңарбы, мен кандай арга кыларымды билбей силерге кайрылууга аргасыз болдум. Өзүмдүн жашым 65те. Жолдошум он жыл мурда эле каза болуп калган. Эки кызым турмушта. Алар да өз тиричилиги менен, улуусу айылда жашайт. Уул-келин жумуштарына карап, Кантта турушат. Абышкам каза болгондон бир-эки жыл өтүп, мен да баламдын үйүнө биротоло көчүп келип алгам. Балам да "жүрүңүз апа, жалгыз отурбай" деп алып келген. Үч неберем бар. Келинимдин келгенине 15 жыл болду. Мурда-кийин өзүмчө турганда келиндин анча-мынча кыялын байкабаптырмын. Жаңы келгенимде бир-эки жылдай жакшы турдук. Ал убакта мага тили тийчү эмес. Ооба, кыялы бар экенин байкагам. Бир нерсе оюндагыдай болбой калса идиш-аякты калдыратып, эшикти тарс-турс жаап калчу. Ал убакта балдар да кичине болуп, алар жумушка кеткенде балдарды карап жардамым көп тийчү окшойт. Азыр пайдам жок болуп бараткан го деп коём. Акыркы кезде келиним мени такыр эле жактырбай калды. Чай берсе да чыныны алдыма "тарс" эттирип коёт. Кээде туруп алып мага угузуп сүйлөнө берет. Бир нерсе сурасам, тыңгылыктуу жооп да бербейт. Кээде нааразы болсом, заар тилин агызып иет. Төркүнүндө той-аш болсо мени ээрчитпейт. Же "биякка кетип баратам" деп бир ооз айтып койбогону жанды кейитет. Кайда кеткенин неберелеримден сурап билем. Уулум деле жоош, бирок ал үйдө кезде мага көп унчукпайт.

Кадимкидей корунуп, үйдө батымым менен жүрө албай же кетип кала албай жаман болуп жүрөм. Бул келин мени чүнчүтүп салды. Жаш балача кагуу жеп, неберелерге да чоң энедей баркым жок болуп баратат. Кээде туруп уулума "ажыраш" деп көшөрөйүн деп ойлонгонум менен балдарын кыя албайм. Кыздарыма кетип калайын деп күйөө балдардан уялам. Кайын журту эмне дейт? Кандай арга кылышты билбей калдым.

Психолог Гүлнара Жасоолова:

— Негизи эле үй-бүлөдө кайнене менен келиндин ортодогу келишпестиги көйгөйлүү маселе. Бир үйдө чогуу жашаган эки аял өз ара тил табыша албагандыгынан улам бири-биринен запкы жеп, зомбулукка кабылып жатат. Башында кайненеси өзүнчө жашап жүрүп, кийин келини менен бирге тура баштаганда анын сырын биле баштаптыр. Мындай көйгөйдү чечүүнүн бир эле жолу бар, эмне үчүн келини жактырбай жатканын аны менен чогуу отуруп, ачык сүйлөшүп алышса жакшы болмок.

Сиз өтө деле карыган куракта эмес экенсиз. Андыктан пайдам тийбей калганда түрткүнчүк кылып жатат дегениңиз жөн гана ой болушу ыктымал. Ал эми неберелериңиз тууралуу айта турган болсок, бала баары бир чоң энесин да жакшы көрөт. Келиниңиз экөөңүздөрдүн мындай мамилеңиздер аларга да терс таасирин тийгизет. Балдарга ачык айтпасаңыздар да экөөңөрдүн кыймыл-аракетиңерден, күбүрөнүп-шыбыранганыңардан эле баарын байкайт. Ошондуктан мүмкүн болсо балаңызды да отургузуп алып чечишип алган оң. Антпесеңиз уулуңуз да эки ортодо кыйналат. Себеби ал энесин да, аялын да жакшы көрөт. Эркек мындай учурду оор кабыл алат.

Дагы бир маселе, мурда үйүңүздө жүргөндө баарын өзүңүз билип, тейлеп көнүп калгандыктан келиниңиздин ээн-эркин басып, үйдү өз алдынча тейлөөсү катуу тийип жаткандыр. Андай да болушу толук мүмкүн. Ошол себептен эки жакты таразалап, колдон келсе психологго да жекече кайрылып көрүңүз. Ал эми кыздарыңыздын үйүнө мейман катары барып, жүрүп келип турсаңыз болот.

Белгилер:
күйөө, аял, үй-бүлө, психолог, уруш, келин, кайнене
Тема:
Психолог менен баарлашуу (146)
Тема боюнча
Инимди кумар оюндарынан кантип чыгарам. Бир тууганы санаага салган аялдын каты
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты