Бактын бутагында отурган куш. Архив

Жаздын илеби келип... Бир жумага карата аба ырайы

2489
Апта ичи абанын температурасы жогорулайт. Батыштан соккон шамалдын ылдамдыгы секундасына 4-9, айрым жерлерде 5-10 метрге жетет.

БИШКЕК, 31-янв. — Sputnik. Кыргызгидромет агенттиги алдыдагы аптага карата аба ырайынын божомолу туурасында маалымат берди.

Ага ылайык, бүгүн өлкөнүн көпчүлүк аймактарында күн ачык болуп, 1-февралдан тарта айрым жерлерде жаан жаап, карга айланышы ыктымал. Жума ичи абанын температурасы жогорулайт. Батыштан соккон шамалдын ылдамдыгы секундасына 4-9, айрым жерлерде 5-10 метрге жетет.

Чүй, Талас облустары

Чүй, Талас облустарында жекшембиде күн ачык болуп, шейшемби, шаршемби күндөрү айрым жерлерде жаан жаайт. Апта аяктап бара жатканда кайрадан күн ачылат.

Ош, Жалал-Абад, Баткен облустары

Өлкөнүн түштүк аймактарында дагы 1-2-февралда жаан жаап, 3-февралдан тарта ачылып кетет. Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет.

Ысык-Көл, Нарын облустары

Бул аймактарда дагы дүйшөмбүдө күн ачык болуп, 1-2февралда жаан жаайт. 3-февралда күндүз жана 4-февралда жаан-чачын күтүлбөйт.

Бишкек

Борбор калаада аптанын алгачкы күнүндө жаан жаабайт. Бирок жолдор тайгак болот. Түштүк-чыгыштан соккон шамалдын ылдамдыгы секундасына 5-10 метрге жетиши күтүлөт.

2-февралда түнкүсүн жаан, кар жаашы божомолдонууда. 3-4-февралда жаан-чачын күтүлбөйт.

2489
Белгилер:
кыш, аба ырайы, Кыргызстан
Тема боюнча
Жаңырган жылдын алгачкы кары. Тазара түшкөн Бишкектин 13 сүрөтү
Окуучу. Архив

Мектептерди ачууну талкуулайт. Новиков ата-энелер менен жолугушууга ниеттенүүдө

31
(жаңыланган 22:55 02.03.2021)
Новиков борбордогу мектептер менен бала бакчалардын ишин этабы менен калыбына келтирүү боюнча кеңешме өткөрдү.

БИШКЕК, 2-мар. — Sputnik. Биринчи вице-премьер Артём Новиков борбор калаадагы мектептердеги окуучулардын ата-энелери менен жолугушуп, билим берүү мекемелеринин ишин жандандыруу маселесин талкуулоону пландап жатат.

Өкмөттүн маалымат кызматы билдиргендей, Новиков борбордогу мектептер менен бала бакчалардын ишин этап-этабы менен калыбына келтирүү боюнча кеңешме өткөргөн.

Мэриянын өкүлдөрү аткарылып жаткан иштер жана билим берүү процессин салттуу форматта жандандырууга даярдыгы жөнүндө айтып беришкен.

"Мектептердин жана бала бакчалардын ишин жандандыруу калк үчүн маанилүү. Жакынкы күндөрү окуучулардын ата-энелери менен жолугушуп, ушул темада талкуу жүргүзүүнү пландап жатам. Бул иштерди аткарууда санитардык-эпидемиологиялык эрежелердин так сакталышын камсыз кылуу маанилүү", — деген Новиков.

Ошондой эле ал Билим берүү жана илим министрлигине Саламаттык сактоо жана социалдык өнүктүрүү министрлиги менен биргеликте "Мектеп медицинасы" долбоорун ишке ашыруу үчүн финансылык эсептөө жүргүзүүнү тапшырган. Министрлик бир жуманын ичинде каржы булагын да аныкташы керек.

31
Белгилер:
жолугушуу, ата-эне, бала бакча, мектеп, Артем Новиков
Тема боюнча
Окуучулардын онлайн окууну таштайбыз деген талабы. Мэриянын жообу
Жамгыр. Архив

Шаршембиге карата аба ырайы

40
3-мартка караган түнү өлкөдө жаан-чачын күтүлбөйт. Ал эми күндүз Бишкек жана Ош шаарларында жамгыр жаашы мүмкүн.

БИШКЕК, 2-мар. — Sputnik. Шаршембиде күндүз республиканын кээ бир аймактарында кар жаайт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Абанын температурасы Чүй облусунда +1…+6, Таласта +2…+7, Ош, Жалал-Абад, Баткен аймактарында +6…+11, Ысык-Көл жергесинде +3…+8, Нарын өрөөнүндө -2…+3 градус болору боолголонду.

Бишкек жана Ош шаарларында жамгыр жаайт. Күндүн табы борбордо +4…+6, Ош шаарында +9…+11 градус болот.

40
Белгилер:
Кыргызстан, аба ырайы
Тема боюнча
Кайрадан суук түшөбү? Мартка карата аба ырайы
Абактын терезеси. Архив

Сокулук РИИБдин убактылуу кармоо жайында бир киши көз жумду. Ишти УКМК иликтейт

0
(жаңыланган 00:35 03.03.2021)
Ишти ар тараптуу жана объективдүү иликтөө үчүн текшерүү дайындалган. ИИМ, Чүй ОИИБи менен прокуратура жетекчилиги аны көзөмөлгө алган.

БИШКЕК, 3-мар. — Sputnik. Сокулуктагы убактылуу кармоочу жайда бир киши каза болгонун Чүй облустук ички иштер башкармалыгынын маалымат кызматы кабарлады.

2-март таң эрте Сокулук райондук милициясынын убактылуу кармоочу жайынын күзөтчүсү камактагы 51 жаштагы эркек кишини эс-учун жоготкон абалда тапкан.

"Окуя болгон жерге дароо Тез жардам кызматы чакырылып, медиктер киши көз жумганын аныкташкан. Анын өлүмүнүн себебин аныктоо үчүн экспертиза дайындалды", — деп айтылат билдирмеде.

Каза тапкан адам Кылмыш-жаза кодексинин 200-беренеси ("Уурулук") менен шектелип, эки айга камакка алынган.

Ишти ар тараптуу жана объективдүү иликтөө үчүн текшерүү дайындалган. ИИМ, Чүй ОИИБи менен прокуратура жетекчилиги ишти көзөмөлгө алган. Аталган факт каттоого алынып, чогултулган материалдар кошумча иликтөө үчүн УКМКга өткөрүлүп берилген.

0
Белгилер:
шектүү, өлүм, милиция, Сокулук району, Чүй облусу
Тема боюнча
Бүгүн таңда Кара-Сууда үй ээсин өлтүрүп, сейфин алып кетишти. Эки шектүүнүн сүрөтү