Студент сабак учурунда эстеп жатат. Архив

Дарыгер: аба ырайы өзгөргөндө өнөкөт оорулар козголуп, уйку басат

159
Адис дени-карды соо адамдар дагы аба ырайынын бузулушунан өзүн ыңгайсыз сезерин айтып берген. Ал эми мурда-кийин оорусу барлар көп кыйналарын билдирген.

БИШКЕК, 31-янв. — Sputnik. Уйку келүү жана тынчсыздануу аба ырайынын кескин өзгөрүшүнөн болорун РИА Новостиге алгачкы медициналык жардам көрсөтүү боюнча адис Андрей Тяжельников айтып берген.

"Дени-карды соо адамдар дагы аба ырайынын бузулушунан ыңгайсыз боло берет. Уйку келип, аба жетпей, тынчсызданып, башы ооруп, жүрөгү айланып, бат-баттан согуп, алы кетип, баш-этегин жыя албай калганын сезишет", — деген Тяжельников.

Адис аба ырайынын тез өзгөрүшүнөн өнөкөт оорулар күчөп кетерин айткан.

"Аба ырайынын өзгөрүшү кан басымы төмөн адамдарга, маалы менен жогорулап тургандарга, жүрөк-кан тамыр оорулары менен жабыркагандарга, дем алуу органдарынын илдетине кабылгандарга, таяныч-кыймыл системасында көйгөйү барларга терс таасирин тийгизет", — деген дарыгер.

Буга чейин кыргызстандык өпкө дарыгери дем алуу органдарынын оорулары аба алмашкан учурда күч аларын айтып берген болчу.

159
Белгилер:
уйку, оору, аба ырайы, дарыгер
Тема боюнча
Түнкүсүн көп ойгонуу кооптуу ооруларга байланыштуу экени айтылды
Адис узак өмүр сүрүү үчүн төрт эрежени эстен чыгарбоону эскертти
COVID-19 тестирлөө борборунун медициналык кызматкерлери

Өткөн суткада 51 кишиден коронавирус табылды. 20 бейтап өтө оор абалда

9
(жаңыланган 10:05 26.02.2021)
Кечээтен бери Кыргызстанда бир дагы өлүм учуру катталган эмес. Мындан сырткары, бир сутка ичинде Бишкектен бир медиктен коронавирус аныкталган.

БИШКЕК, 26-фев. — Sputnik. Бир суткада 51 кишиден коронавирус табылып, 55 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 10;
  • Ош – 6;
  • Чүй облусу – 22;
  • Талас облусу – 1;
  • Нарын облусу – 2;
  • Баткен облусу – 1.

Ушуну менен коронавирус жуктургандардын жалпы саны 86 142ге жетти.

Айыккандар:

  • Бишкек – 14;
  • Чүй облусу – 20;
  • Ош облусу – 4;
  • Талас облусу – 2;
  • Нарын облусу – 3;
  • Ысык-Көл облусу – 10;
  • Баткен облусу – 2.

Өлкөдө айыккандардын жалпы саны 83 061 болду.

Бактыга жараша, кечээтен бери бир дагы бейтап оорудан көз жумган эмес.

Азыркы тапта ооруканаларда жалпы 368 бейтап дарыланып жатканы айтылды. Анын ичинен 86 адамдын абалы оор болсо, 20 бейтаптын абалы өтө оор деп бааланууда.

Бир сутка ичинде Бишкектен бир медиктен коронавирус табылган.

9
Белгилер:
бейтап, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
COVID жуктурган кош бойлуулар көбүнчө эрте көз жарат. Иликтөө
Президенттин алдындагы мамлекеттик башкаруу академиясынын бүтүрүүчүлөрү ассоциациясынын мүчөсү, эксперт Самат Ашымов

Ашымов: мамлекет даярдап чыгарган кадрынан өзү баш тартып коюуда

6
Президенттин алдындагы мамлекеттик башкаруу академиясынын бүтүрүүчүлөрү ассоциациясынын мүчөсү, эксперт Самат Ашымов өлкөдө кадр саясатын жүргүзүүнүн туруктуу механизми жоктугун айтты.

Мамлекет өзү мектептен, ЖОЖдон, анан да ар кандай даярдоо курстарынан өткөрүп, акысыз билим берип кадр даярдайт. Бирок ал адис жетекчилик кызматка бышып жетилип калганда саясий орундарга сырттан келгендер отуруп, ошол мекемени башкарып калып жатат. Бул чоң ката. Мындай пикирин Самат Ашымов Sputnik Кыргызстан радиосуна маек куруп жатып билдирди.

Ашымов: мамлекет даярдап чыгарган кадрынан өзү баш тартып коюуда

Анын айтымында, административдик кызматтарда жаш кадрларга стимул бере турган эч кандай аракеттер жок.

"Кыргызстанда кадр саясатын жүргүзүү жолго коюлган эмес. Өлкө өз каражатына даярдаган адистери бышып, жетилип калганда аларды жетекчилик кызматка койгондун ордуна саясий орундарга сырттан алып келишет. Алган маянасы аз, ошого карабай өз ишинин кесипкөй адиси болуп, карьера жасоону максат кылган жаштар үчүн мындай сокку анын кызматын таштап кетүүсүнө себеп болот. Мындан кайра эле мамлекет утулат. Анткени сырттан келген жетекчи тармакты түшүнүп ишке аралашканча бир жылдай убакыт өтүп кетет. Ал эми ал ишкана тууралуу баарын ичинен билген кыззматкер жеке тармакка жумушка орношуу менен ошол мамлекеттик органга атаандаштык жаратууда күчтүү кадрга айланат. Анткени ал өзү иштеп кеткен жердин бардык сырын билет. Андыктан саясий кызматтарга ошол тармакты мыкты билген, ашынган кесипкөй бирөө болсо гана сырттан келбесе, негизинен ичинде өсүп келе жаткан адистерден башчылыкка коюуну жолго салуу зарыл", — деди Ашымов.

Серепчи, ошондой эле, учурда өкмөт курамында жүрүп жаткан кадрдык өзгөрүүлөрдөн деле иреттелген кадамдар көрүнбөй жатканын кошумчалады.

6
Белгилер:
өкмөт, саясат, кадрлар
Тема боюнча
Орозбаев: мамлекеттик кадр саясатын жүргүзүүдө бизнестен үлгү алса болот