Караван соода борборунун онлайн-аукционго коюлганына каршы болууда митингчилер

"Караван" соода борборунда иштеген ижарачылар кайрадан митингге чыкты. Сүрөт

138
(жаңыланган 14:24 01.02.2021)
Митингчилер "Караван" соода борборунун онлайн-аукционго коюлганына каршы болууда. Аларга беш күндүн ичинде ижарага алган жайларды бошотуп коюу керек деген билдирүү келгенин айтышты.

БИШКЕК, 1-фев. — Sputnik. Өкмөт үйүнүн алдына "Караван" соода борборунда иштеген 60тай ижарачы чогулду. Бул тууралуу Sputnik агенттигинин кабарчысы жеринен кабарлады.

Митингчилер "Караван" соода борборунун онлайн-аукционго коюлганына каршы болуп жатканын айтышты. Алар өткөн жумада Мамлекеттик мүлктү башкаруу фондунан ижарага алган жайларды беш күндүн ичинде бошотуп коюу керек деген билдирүү келгенин айтышты.

Продавцы торгового центра Караван митингуют с западной стороны здания правительства. 01 февраля 2021 года
© Sputnik / Эркин Садыков
Митингчилер "Караван" соода борборунун онлайн-аукционго коюлганына каршы болуп жатканын айтышты

Эске салсак, былтыр ноябрда да ушул талап менен ижарачылар митингге чыгып, аларга вице-премьер Эльвира Сурабалдиева жолуккан.

"Караван" соода борбору Бишкек шаарынын мурдагы мэри Нариман Түлеевден мамлекетке алынып, Мамлекеттик мүлктү башкаруу фондунун эсебине өткөрүп берилген.

138
Белгилер:
Эльвира Сурабалдиева, Нариман Түлеев, аукцион, митинг, ижара, соода борбору, Бишкек
Тема боюнча
Айлыгын ала албай жүргөн жолчулар Бишкекке келип митингге чыгышты. Сүрөт
Рим шаарынын тургундары. Архив

Италияда коронавирустун "нигериялык" штаммы табылды

7
(жаңыланган 10:46 03.03.2021)
Бул штамм улам-улам мутацияланып турат, учурда коронавируска каршы чыгарылган вакциналар таасир этпеши мүмкүн.

БИШКЕК, 3-мар. — Sputnik. Коронавирустун "нигериялык" штаммы Италиянын түндүгүндөгү Ломбардия провинциясынын Брешия шаарында табылды. Бул тууралуу ANSA агенттиги Италиянын вирусологдор коомунун президенти, микробиологиялык лабораториянын директору Арнальдо Карузого таянып билдиргенин РИА Новости жазды.

Адистин билдиришинче, бул штамм улам-улам мутацияланып турат, учурдагы вакциналар натыйжасыз болушу мүмкүн.

Карузо коронавирустун табылган түрүнүн өзгөчөлүктөрү жөнүндө башка эч кандай маалымат берген эмес.

Нигерияда коронавирустун жаңы штаммы табылганы декабрь айында маалым болгон. Африкалык ооруларды көзөмөлдөө жана алдын алуу борборунун (CDC) маалыматы боюнча, жаңы вариант Нигериянын Осун штатында чогултулган үлгүлөрдүн арасында эки бейтаптын анализин изилдөөдө табылган.

Буга чейин декабрдын орто ченинде Улуу Британияда коронавирус — VUI-202012/01 мутациясы табылган. Кийинчерээк ал мурунку вируска салыштырмалуу 56-70 пайызга тезирээк тарай турганы маалым болгон. Ошондой эле бул штамм бейтаптарды өлүмгө алып келиши мүмкүн экени айтылган болчу.

7
Белгилер:
Италия, Нигерия, коронавирус
Тема:
Дүйнөгө жайылган коронавирус
Тема боюнча
ДССУ: коронавирустун ыңгайлашып, көнүшүп кетүүсүнө жол бербейли!
Роспотребнадзор коронавирустун "британиялык" штаммын аныктоочу тест жасады
Лаборатория кызматкери. Архив

Коронавирус бир адамдын өмүрүн алып, 48 кишиден оору табылды

26
(жаңыланган 10:18 03.03.2021)
Кыргызстанда коронавирус пандемиясы башталгандан бери жалпы 86 359 адам оору илештирген. Анын ичинен 1 468 бейтап акка моюн сунганы маалым болду.

БИШКЕК, 3-мар. — Sputnik. Бир сутка ичинде өлкөдө коронавирус 48 адамдан табылып, 49 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 17;
  • Ош – 3;
  • Чүй облусу – 13;
  • Ош облусу – 6;
  • Нарын облусу – 1;
  • Ысык-Көл облусу – 6;
  • Жалал-Абад облусу – 2;
  • Баткен облусу – 1.

Ушуну менен COVID жуктургандардын жалпы саны 86 359га жетти.

Айыккандар:

  • Бишкек – 17;
  • Ош шаары – 3;
  • Чүй облусу – 12;
  • Ош облусу – 2;
  • Талас облусу – 3;
  • Нарын облусу – 3;
  • Ысык-Көл облусу – 9.

Өлкөдө жалпы 83 318 бейтап ооруну жеңген.

Тилекке каршы, дарт бир сутка ичинде Бишкектен бир адамдын өмүрүн алган. Аны эсепке алганда илдеттен жалпы 1 468 киши көз жумган.

Азыркы тапта ооруканаларда 355 бейтап дарыланып жатат. Анын ичинен 100 адамдын абалы оор болсо, 14үнүкү өтө оор деп бааланды.

Бир сутка ичинде өлкөдө медицина кызматкерлеринин арасында коронавирус жуктуруп алган учурлар катталган эмес.

26
Белгилер:
оорукана, бейтап, илдет, оору, статистика, Кыргызстан
Тема боюнча
Прокуратура: министрлик пандемияда 3,5 млн. сомго керексиз дары сатып алган