Премьер-министрдин милдетин аткаруучу Артем Новиков. Архив

Трайбализм болбойт! Митингчи аялдар Новиковдон премьер болууну суранган видео

(жаңыланган 17:20 03.02.2021)
Парламент өкмөт башчылыкка Улукбек Мариповдун талапкерлигин карап жатат. Новиков өкмөттүн жаңы курамында биринчи вице-премьер болушу күтүлүүдө.

БИШКЕК, 3-фев. — Sputnik. Жогорку Кеңештин алдындагы митингде үч аял парламентке кирип бара жаткан премьер-министрдин милдетин аткаруучу Артем Новиковду тосуп алып, кызматында калууну өтүнүштү. Бул тууралуу Kaktus.media жазды.

Эске салсак, бүгүн парламент өкмөт башчылыкка Эсеп палатасынын төрагасы Улукбек Мариповдун талапкерлигин карап жатат. Новиков өкмөттүн жаңы курамында биринчи вице-премьердин кызматында болушу күтүлүүдө.

Новиковдун астынан чыккан аялдардын бири Мариповду жактырбай турганын, эл аны кызматтан алып түшүүгө кудурети жетерин айткан. Анын билдиришинче, революция болгондо Новиков өкмөт башчынын милдетин татыктуу аткарды.

"Марипов сизге окшош чыныгы жигит болсо талапкерлигин алсын. Аны биз бийликтен көргүбүз келген жок. Сиз бар да түндүк, түштүк деп бөлүнбөйбүз", — деп сүйлөгөн аял журналисттер тарткан видеодо.

Ал Новиковду социалдык тармакта да колдогондор көп экенин айткан.

Новиков өкмөттө иштөөнү улантарын жана Мариповго мүмкүнчүлүк берүү керектигин билдирген.

Бүгүн Жогорку Кеңештин алдында Улукбек Мариповдун премьер-министрликке дайындалышына каршы митинг болуп өттү.

Белгилер:
кызмат, өкмөт башчы, митинг, Улукбек Марипов, Артем Новиков, Кыргызстан
Тема:
Жаңы өкмөт башчыны дайындоо (36)
Тема боюнча
Артем Новиков ЕАЭБ алкагындагы онлайн-жыйынга катышты. Сүрөттөр
Марипов: кызматтан кетип жаткан Токтогазиевдин тажрыйбасын колдонобуз
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты