Бир суткада коронавирус 70 адамдан чыгып, үч бейтап көз жумду
(жаңыланган 10:30 04.02.2021)
Стационарда дарыланып жаткан 527 бейтаптын ичинен 127синин абалы оор болсо, 32 адамдын абалы өтө оор деп бааланууда.БИШКЕК, 4-фев. — Sputnik. Өткөн суткада коронавирус 70 адамдан аныкталып, 102 бейтап айыкты. Бул тууралуу Республикалык штаб кабарлады.
Жуктургандар:
- Бишкек – 22;
- Ош – 1;
- Чүй облусу – 25;
- Ош облусу – 4;
- Талас облусу – 1;
- Нарын облусу – 1;
- Ысык-Көл облусу – 15;
- Жалал-Абад облусу – 1;
Ушуну менен өлкөдө коронавирус жуктургандардын саны 84 832ге жетти.
Айыккандар:
- Бишкек – 47;
- Ош шаары – 2;
- Чүй облусу – 30;
- Ош облусу – 4;
- Ысык-Көл облусу – 15;
- Жалал-Абад облусу – 3;
- Баткен облусу – 1.
Ал эми айыккандардын саны бүгүнкү күнгө карата 81 334тү түзөт.
Тилекке каршы, кечээтен бери коронавирус үч адамдын өмүрүн алган. Үчөө тең Бишкек шаарында каза болгон. Коронавирустун курмандыгы болгондордун жалпы саны 1 418ге жетти.
Стационарда дарыланып жаткан 527 бейтаптын ичинен 127 бейтаптын абалы оор болсо, 32 адамдын абалы өтө оор деп бааланууда.
Бир сутка ичинде бир медиктен коронавирус табылып, ал ооруну кызыл зонадан жуктурганы аныкталган.
Бейшембиге карата аба ырайы
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.
Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.
Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.
Белгилер:
Бизнесмен Жалил Атамбаев кармалып, камакка алынды
(жаңыланган 19:15 03.03.2021)
Шектүү мамлекеттик кызматта турганда мыйзамсыз негизде байыган деп УКМКнын тергөө абагына камакка алынды.БИШКЕК, 3-мар. — Sputnik. Мыйзамсыз баюу фактысы боюнча Жалил Атамбаев кармалды. Бул тууралуу УКМКдан билдиришти.
Маалыматка караганда, ички иштер органдарынын мурунку кызматкери Атамбаевге каршы козголгон бир катар кылмыш иштери боюнча, анын ичинде мамлекеттик кызматта турганда мыйзамсыз баюу фактысы тууралуу тергөө иштери жүрүп жатат.
"Ички иштер органдарынын мурдагы кызматкери болуп саналган Жалил Атамбаев олуттуу финансылык ресурстарга ээ болуп, кымбат баалуу кыймылсыз мүлктү өзүнүн жакын туугандарынын атына каттатып алган", — деп айтылат маалыматта.
Шектүү Кылмыш-жаза кодексинин 323-беренесинин 2-бөлүмүнүн 2-пункту ("Мыйзамсыз баюу") боюнча кармалып, УКМКнын тергөө абагына киргизилди.