Москвадагы Манежная аянтында өтүп бара жаткан кишилер. Архив

ИИМдин Россиядагы өкүлчүлүгү өткөн айда жоголгон беш кишини таап берди

129
(жаңыланган 10:51 04.02.2021)
Өкүлчүлүктүн айтымында, табылган беш кишинин үчөө жумушуна байланыштуу жакындарына чала алган эмес. Дагы бири ооруканадан көз жумганы, дагы бири абакка түшкөнү белгилүү болгон.

БИШКЕК, 4-фев. — Sputnik. Ички иштер министрлигинин Россиядагы өкүлчүлүгү январь айында дайынсыз жоголуп кеткен беш кишини таап берди. Бул тууралуу ИИМдин маалымат кызматы кабарлады.

Ага ылайык, өткөн айдын башында өкүлчүлүккө жети киши кайрылып, Россия аймагында эмгектенип жүргөн туугандары байланышка чыкпай жаткандарын билдирип, издөөгө көмөк көрсөтүүнү суранышкан.

Өкүлчүлүк Россия министрлигинин Москва шаары боюнча башкы башкармалыгынын аймактык бөлүктөрү менен биргеликте ыкчам-иликтөө иш-чараларын жүргүзүп, бешөөсүн тапкан.

"А.М. менен С.Ч. аттуу жарандар Москвадан алысыраак жакта эмгектенип жүргөнү үчүн жакындары менен байланыша алган эмес. К.К. аттуу киши жумушун алмаштырып, телефону өчүк болгону үчүн изделгени белгилүү болду. С.А. аттуу адам ооруканадан көз жумган, киши колдуу болгон эмес. Туугандары сөөктү таанып, жүк 200 кичи мекенине жөнөтүлгөн. Т.А. деген жаран баңгизат саткан деп Липецк облусунун аймагында кармалганы маалым болду", — деп айтылат маалыматта.

Учурда дайынсыз жоголгон эки кишинин жүргөн жерин аныктоо боюнча ыкчам-иликтөө иш-чаралары жүрүп жатканы белгиленди.

Алардын бири Тешебаев Рахимжан Тойчубаевич. 1976-жылы 26-октябрда Ош облусунун Кара-Суу районунда туулган. Ал он жылдан бери изделип келет, акыркы жолу Москва облусунун Талдом шаарында эмгектенген.

Экинчиси Колдошова Астракан Токтосуновна. 1977-жылы 22-апрелде Ош облусунун Ноокат районунда туулган. Ал 6-январдан бери Москвадан изделүүдө, жумушуна кеткен бойдон кайтып келген эмес.

ИИМдин РФтеги өкүлчүлүгү бул жарандарды көрүп-билгендер болсо +7(926) 890-87-00 (WhatsApp) ишеним телефону аркылуу билдирип коюуну суранат.

Кыргызстан Россия ИИМ өкүлчүлүк издөө жоголуу табуу жумуш абак өлүм

129
Тема боюнча
Качып кетип Москвадан кармалган кыргызстандыктар. Сүрөт
Кыргызстандын президенти Садыр Жапаров. Архив

Мектеп куруп берүүнү өтүнгөн балбайлык окуучу Жапаров менен жолукту. Сүрөт

43
(жаңыланган 23:26 28.02.2021)
Сегиз жаштагы бала соцтармак аркылуу президентке кайрылып, мектеп куруп берүүнү өтүнгөн. Алгач өлкө башчынын аны менен жолуга албай турганы айтылып, кийин видео аркылуу сүйлөшкөнү белгилүү болгон.

БИШКЕК, 28-фев. — Sputnik. Балбайлык окуучу Бекболот Турдушев президент Садыр Жапаров менен жолукту. Ал Instagram баракчасына өлкө башчысы менен жолуккан учурда тартылган сүрөттөрүн жарыялаган. 

Посмотреть эту публикацию в Instagram

Публикация от turdushev (@bekbolotturduh)

Президенттин маалымат катчысы Галина Байтерек Sputnik Кыргызстан агенттигинин кабарчысына президент окуучу бала менен жолугууга убада бергенин белгилеп кетти.

Бекболот Турдушев мектебинин эскилиги жеткенин айтып, эки кабат мектеп салып бериңиз деп өлкө башчысына кайрылгандан кийин интернет жылдызына айланган.

Ошондон кийин Бекболоттун Жапаров менен жолуга турганы тууралуу маалымат тараган.

Президенттин маалымат кызматы Жапаров Россияга болчу сапарынын алдында окуучу бала менен жолугуу каралган эмес дешкен.

Көп өтпөй Жапаров видео байланыш аркылуу Бекболот Турдушев менен сүйлөшкөнүн өлкө башчысынын маалымат кызматы кабарлаган.

43
Белгилер:
Бекболот Турдушев, Садыр Жапаров, мектеп, президент, жолугушуу
Тема боюнча
Мектеп куруп берүүнү өтүнгөн балбайлык окуучу Жапаров менен жолукту. Сүрөт
 Жогорку Кеңештин депутаты Алмазбек Акматов. Архив

ЖК депутаты Алмазбек Акматов каза болду

159
(жаңыланган 23:51 28.02.2021)
Эл өкүлү узак убакыттан бери оору менен алышып келгени айтылды. Депутаттыкка чейин бир катар кызматтарды аркалаган.

БИШКЕК, 28-фев. — Sputnik. Жогорку Кеңештин депутаты Алмазбек Акматов 57 жашында каза болду. Кабарды парламенттин маалымат кызматы ырастады.

Анда Акматовдун узак убакыттан бери илдет менен күрөшүп келгени айтылат.

Ал 2015-жылы "Бир Бол" партиясынын тизмеси менен депутат болуп шайланган.

Алмазбек Акматов 1964-жылы 18-октябрда Нарын облусунун Ак-Талаа районундагы Дөрбөлжүн айылында төрөлгөн.

Депутаттыкка чейин СССРдин Коргоо министрлигинде аскердик-саясий кызматтарда, президенттин иш башкармалыгында, Эсеп палатасында иштеген.

159
Белгилер:
оору, депутат, Алмаз Акматов
Тема боюнча
СССРдин эл артисти Токтоналы Сейталиев 84 жаш курагында дүйнө салды