Мектептеги окуу болөмө. Архив

Бишкекте 1-мартта бардык билим берүү мекемелери ачылабы? Расмий жооп

179
(жаңыланган 17:42 04.02.2021)
Буга чейин соцтармактарда 1-марттан тарта ордо калаадагы бардык билим берүү мекемелери ачылат деген билдирүүлөр тараган.

БИШКЕК, 4-фев. — Sputnik. Бишкек шаарындагы билим берүү мекемелеринин баары толугу менен качан ачылары азырынча белгисиз. Бул тууралуу мэриянын маалымат кызматы кабарлады.

Буга чейин соцтармактарда 1-марттан тарта ордо калаадагы бардык билим берүү мекемелери ачылат деген билдирүүлөр тараган.

Мэриянын маалымат кызматы билим берүү мекемелеринин ачылышы боюнча азырынча расмий маалымат жок экенин кабарлады.

Ал эми Билим берүү жана илим министрлигинин маалымат кызматы өлкө боюнча, анын ичинде Бишкекте мектептердин баары ачылып, кадимки тартипте иштеп жатканын билдирди. Болгону айрым класстар аралыктан билим алып жатышат. Жогорку окуу жайлар алгоритм боюнча чекесинен ачылып жатса, аймактардагы бала бакчалардын дээрлик бардыгы иштей баштаганын кошумчалады.

Эске салсак, бүгүн, 4-февралда, Бишкек мэриясынын алдында ата-энелер митинг өткөрүп, алар онлайн-сабак бир гана Бишкекте уланып жатканына каршы болушкан.

Митингчилердин алдына вице-мэр Айжан Чыныбаева чыгып, Бишкектин мектептеринде бала өтө көп болгондуктан, бардык класстарды кадимки тартипте окутууга уруксат берилбей жатканын түшүндүргөн.

30-январь күнү Бишкек мэриясы эпидемиологиялык кырдаалга байланыштуу офлайн окуу режимине өтүү мөөнөтүн жылдырып койгон.

18-январдан бери ордо калаада 1, 5, 9 жана 11-класстын окуучулары гана мектепке барып билим алып жатышат. Ал эми бала бакчалар азырынча ачыла элек.

Окумуштуулар коронавирустун үчүнчү толкуну болушу ыктымал экенин боолголошууда. Мындан улам өкмөт дагы айтылып жаткан үчүнчү толкунга даярдык көрүүдө.

179
Белгилер:
билим берүү, окуу, Бишкек
Тема боюнча
Бишкек мэриясынын алдында ата-энелер митинг өткөрүп жатышат. Сүрөт
Биринчи вице-премьер Артём Новиков. Архивдик сүрөт

Калпак кийген Новиков кыргызстандыктарды майрамы менен куттуктады. Видео

28
(жаңыланган 16:37 05.03.2021)
Биринчи вице-премьер жарандарды кыргыз тилинде майрамы менен куттуктап, ак калпак эр жүрөк, курч мүнөз жигиттин белгиси экенин белгиледи.

БИШКЕК, 5-мар. — Sputnik. Биринчи вице-премьер Артём Новиков кыргызстандыктарды улуттук баш кийим — Ак калпак күнү менен куттуктады.

Куттуктоо видеосу Новиковдун Facebook баракчасына жарыяланды.

"Кадырлуу кыргыз элим, урматтуу достор. Бүгүн мамлекетте өзгөчө майрам — Ак калпак күнү. Ак калпак кыргыз элинин башкы белгиси жана ыйык буюму. Ак калпак — бул эр жүрөк, курч мүнөз жигиттин белгиси. Ак калпак — бул Ала-Тоо. Ошон үчүн бийик бололу, Кыргызстан бийиктикте болсун. Майрамыңыздар менен куттуктайм!" — деди Новиков.

Белгилей кетсек, Ак калпак майрамы Кыргызстанда 2011-жылдан бери майрамдалып келет. 2016-жылы Жогорку Кеңеш 5-мартты Ак калпак жана улуттук кийимдер күнү деп расмий бекиткен. Бул майрам жер-жерлерде белгиленип, мырзалардын күн бою ак калпак кийип жүрүшү салтка айланган.

28
Белгилер:
ак калпак, Ак калпак күнү, Кыргызстан, Артем Новиков
Тема боюнча
Улуулуктун символу. Жапаров кыргызстандыктарды Ак калпак күнү менен куттуктады

Ишим оор деп жүрөсүзбү? Көндүм ойду жокко чыгарган ширетүүчү айымдын видеосу

10
(жаңыланган 16:40 05.03.2021)
Бишкек ЖЭБдеги ширетүүчүлөр арасында аял киши бар экенин билчү белеңиз? Бул Минихоят Семенюта. Ал жарым кылымдык өмүрүн ушул кесипке арнаган. Кыргызстандык айымдын жумуш күнү кандай өтөрүн Sputnik Кыргызстан агенттиги тартып келди.

Минихоят Закиуллаевна мактанганды жактырбайт. Бирок анын эмгек жолу эле баарын айтып турат. Ажарлуу айымдын 45 жылдык иш тажрыйбасы бар. Көп жылдык эмгек анын кесибине болгон сүйүүсүн мокото алган эмес. Ал түтүктөрдү, металлдан жасалган конструкцияларды жогорку чеберчилик менен ширетет.

Адистин айтымында, 1970-жылдары советтик жаштар ушундай сыяктуу кесиптерге кызыгышчу. Себеби өлкөдө ГЭС, ТЭЦ жана башка ири объектилер курулуп жаткан. Тиги же бу кесиптин артыкчылыктарын айтып берген үгүтчүлөрдүн дагы салымы чоң эле.

"Ширетүүчүлүк менен алектене турган кыздарды топтоо демилгеси көтөрүлүп, жыйынтыгында каалоочулардын саны арбып, бир группа түзүлгөн. Училищени аяктагандан кийин 1976-жылы биз Сыр-Дарыя ГЭСинде иштедик. Жөнөкөй нерседен баштап акырындык менен жоопкерчиликтүү иштерге өтө баштадык", — деди маектеш.

Кыргызстандык айым практика учурунда эле тандоосунан адашпаганын түшүнгөн.

"Колуң ишке көнүп калгандан кийин кызыгуу ого бетер күч алат. Сага маанилүү иштерди табыштай башташат. Мындай учурларда сенден керектүү адис чыкканын сезе баштайсың", — деди Семенюта.

Учурда Минихоят Закиуллаевна алтынчы разряддагы тажрыйбалуу кызматкер. Бул эң жогорку жана жоопкерчиликтүү категория. Ошентсе да ал өзүнүн ишин оор деп эсептебейт.

"Бул силер элестеткендей оор иш эмес... Тескерисинче, абдан кызыктуу. Мында жонуңа бир нерсе көтөрүп жүрүү зарылдыгы жок. Эң башкысы, сенин ишиңден кийин бирөө жарым кулап же сынып калбашы керек. Бул, албетте, чоң жоопкерчилик. Бирок ошентсе дагы кооптуулук жок", — деп ишендирди ал.

Семенютанын жумушундагылар ага сый-урмат менен мамиле жасашат. Бул айымдын кесибин уккан адамдар адатта таң калышат. Ширетүүчү айымдар аз эмеспи.

"Учурда ширетүүчү аялдар аз... Мен эле калдым го дейм. Бирок Россияда, тескерисинче, бул кесипке кызыккан кыздар көбөйүүдө", — деди ал.

Минихоят Закиуллаевна 45 жылдык эмгек жолунда бир дагы жолу кесибин алмаштыруу жөнүндө ойлонуп көрбөгөнүн кошумчалады.

Редакция КамАЗ айдап Кара-Кечеден көмүр ташып суктанткан айым тууралуу да материал даярдаган.

10
Белгилер:
видео, иш, Көмүр, ЖЭБ, Бишкек
Тема боюнча
Шыктандырат! Балдар үйүнүн бүтүрүүчүлөрү чакан бизнес ачканда. Видео
Ырлары миллион көрүүчү топтогон Алтынай: мамлекеттик кызматта экениме сүйүндүм
Президент Садыр Жапаров жана биринчи айым Айгүл Жапарова

Садыр Жапаров канайым экөө өзгөчөлөнгөн айымдарды куттукташты. Сүрөт

0
(жаңыланган 16:57 05.03.2021)
Иш-чарага өз кесиптеринде өзгөчөлөнгөн айымдар — мугалимдер, врачтар, ишкерлер, спортчулар катышкан.

БИШКЕК, 5-мар. — Sputnik. Президент Садыр Жапаров Аялдардын эл аралык күнүнүн алдында өлкөнүн бардык аймактарынан келген, ар кайсы кесиптин өкүлдөрү болгон айымдар менен жолугушту. Бул тууралуу президенттин маалымат кызматы билдирди.

Мамлекет башчы жолугушуунун катышуучуларын келе жаткан майрамы менен куттуктап, Кыргызстандын соӊку тарыхындагы оор сыноолорду аялдар чыдамкайлыгы жана кайраттуулугу менен көтөрүп, жеңип чыккандыгын белгиледи. Иш-чарада биринчи айым Айгүл Жапарова дагы катышкан.

  • Президент Садыр Жапаров Аялдардын эл аралык күнүнүн алдында өлкөнүн бардык аймактарынан келген, ар кайсы кесиптин өкүлдөрү болгон айымдар менен жолугушту
    Президент Садыр Жапаров Аялдардын эл аралык күнүнүн алдында өлкөнүн бардык аймактарынан келген, ар кайсы кесиптин өкүлдөрү болгон айымдар менен жолугушту
    © Пресс-служба президента КР / Султан Досалиев
  • Мамлекет башчы жолугушуунун катышуучуларын келе жаткан майрамы менен куттуктап, Кыргызстандын соӊку тарыхындагы оор сыноолорду аялдар чыдамкайлыгы жана кайраттуулугу менен көтөрүп, жеңип чыккандыгын белгиледи
    Мамлекет башчы жолугушуунун катышуучуларын келе жаткан майрамы менен куттуктап, Кыргызстандын соӊку тарыхындагы оор сыноолорду аялдар чыдамкайлыгы жана кайраттуулугу менен көтөрүп, жеңип чыккандыгын белгиледи
    © Пресс-служба президента КР / Султан Досалиев
  • Иш-чарада биринчи айым Айгүл Жапарова дагы катышкан
    Иш-чарада биринчи айым Айгүл Жапарова дагы катышкан
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Президент Садыр Жапаров Аялдардын эл аралык күнүнүн алдында өлкөнүн бардык аймактарынан келген, ар кайсы кесиптин өкүлдөрү болгон айымдар менен жолугушту
"Жергебизде тынчтыктын өкүм сүрүшүндө, жашоо-турмуштун оң жагына ооп, бир нукка түшүп, өнүгүүгө карай бурулушунда сиздердин эмгегиңерге баа жетпейт. Кыргыз коомунда аялзаты эзелтеден эле урматталып, анын коомдогу жана саясий турмуштагы ээлеген орду абдан жогору бааланган. Акылман, кайраттуу, эмгекчил жана ажарлуу аялзатынын образдары катары Чыйырды, Каныкей, Айчүрөк, Кыз Сайкал, Жаңыл Мырзанын ысымдары элибиздин аң-сезимине бекем орноп, жүрөгүнөн түнөк тапкан", — деди президент.

Жапаровдун белгилешинче, бүгүн өлкө айымдары ар кайсы чөйрөлөрдө иштеп, коомдук турмушка активдүү катышууда. Ошол эле учурда алар ишке жоопкерчилик менен мамиле жасап, демилге көтөрүп, реформаларды колдоп, жаңы жетишкендиктерге умтулуу менен бирге, эң жогорку кесипкөйлүктү көрсөтүп келишүүдө.

Мамлекет башчы дүйнөнү каптаган коронавирус пандемиясы аялдардын түйшүгүн ого бетер көбөйтүп, мойнуна кошумча мээнет жүктөгөнүн кошумчалады.

Президент Кыргызской Республики Садыр Жапаров встретился с женщинами-представителями различных профессий со всех регионов страны, в преддверии Международного женского дня. 05 марта 2021 года
© Пресс-служба президента КР / Султан Досалиев
Мамлекет башчы дүйнөнү каптаган коронавирус пандемиясы аялдардын түйшүгүн ого бетер көбөйтүп, мойнуна кошумча мээнет жүктөгөнүн кошумчалады
"Биз аял врачтардын, медайымдардын, волонтёрлордун каармандыгын, жөнөкөй жарандарыбыздын өтөгөн эмгегин эч качан унутпайбыз. Алар бул илдетке каршы күрөштө алдыңкы катарда турушту. Өлкөдө болуп жаткан соңку өзгөрүүлөр, жаңылануу курсунун ишке ашырылышы кыргызстандык аялдардын түйшүгүн жеңилдетип, укугун коргойт деп ишенебиз. Ушул жаркыраган Жаз майрамында сиздерге бекем ден соолук, бакыт-таалай, бейпилдик жана бакубатчылык каалайм!" — деди Жапаров.

Өз кесиптеринде өзгөчөлөнгөн айымдар — мугалимдер, врачтар, ишкерлер, спортчулар сөз сүйлөп, президенттин куттуктоосуна ыраазычылыктарын билдиришти. Ошону менен бирге өз тармактарындагы актуалдуу маселелерге учкай токтолушту.

0
Белгилер:
эмгек, майрам, аял, куттуктоо, Садыр Жапаров
Тема боюнча
Кыргызстандын канайымы эл алдына чыкты. Сүрөт
Улуулуктун символу. Жапаров кыргызстандыктарды Ак калпак күнү менен куттуктады