Куруучулар жумуш учурунда. Архив

Кара-Сууда мугалим, дарыгерлер үчүн көп кабаттуу үйлөр курулат

208
Облус жетекчиси турак жай маселесин көп кабаттуу үйлөрдү куруу менен гана чечүүгө болорун билдирген.

БИШКЕК, 5-фев. — Sputnik. Кара-Суу районунун Катта-Талдык айыл өкмөтүнүн аймагында мугалим, дарыгерлер үчүн көп кабаттуу үйлөрдүн шаарчасы курулат. Бул тууралуу өкмөттүн Ош облусундагы өкүлчүлүгүнүн маалымат кызматы кабарлады.

Билдирмеге караганда, заманбап талаптарга ылайык, күндөн энергия алуучу батареялары менен 6 кабаттуу үйлөр салынат. Ал жергиликтүүлөр үчүн ыңгайлуу баада, узак мөөнөткө бөлүп төлөө шарты менен сатылат.

Облус жетекчиси Жарасул Абдураимов аталган айылга барып, турак жай маселесин көп кабаттуу үйлөрдү куруу менен гана чечүүгө болорун билдирген.

"Азыр жер тартыш, айдоо, себүү үчүн да жер болбосо азык-түлүк кымбаттап, каатчылык күч алат. Бирок көп кабаттуу турак жайлардын шарты жакшы болушу керек. Жылытуу системасы жок, ажатканасы сыртта болгон үйлөрдү курганча жөн эле койгула. Бул талапты аткара ала турган курулуш компаниялары бар, өзүм сүйлөшүп жатам. Курулуш үчүн алты гектар жерди жергиликтүү бийликтин балансына өткөрүп алууда тоскоолдуктар жаралууда. Бирок өкмөт башчысы бул идеяны колдоп, ушул күндөрү токтомго кол коюп жатат", — деди Абдураимов.

Мындан сырткары, ал жергиликтүү тургундар үчүн үй салуу максатында ушул эле Катта-Талдык айыл өкмөтүнөн 44 гектар жерди трансформациялоо иштери жыйынтыкталып калганын кошумчалады.

208
Белгилер:
көп кабаттуу үй, дарыгерлер, мугалим, Кара-Суу району
Тема боюнча
Бекешев: эмнеге УКМК үчүн 581 млн. сомго үй курулат да, жетимдерге акча жок
Миңдеген гектар жер кантип трансформацияланат. Күчүнө кирген жаңы мыйзам
Pfizer вакцинасы. Архив

Австрияда Pfizer жана BioNTech вакцинасын алган соң 41 адам каза тапты

8
(жаңыланган 11:06 03.03.2021)
Дарыгерлер бейтаптардын өлүмү менен препаратты колдонуунун ортосундагы байланышты аныкташкан эмес.

БИШКЕК, 3-мар. — Sputnik. Австрияда 41 бейтап Pfizer жана BioNtech вакцинасын алгандан кийин көз жумду. Бул тууралуу РИА Новости кабарлады.

Ага ылайык, ошол эле маалда дарыгерлер бейтаптардын өлүмү менен препараттын ортосундагы байланышты аныкташкан эмес.

Отчетте белгиленгендей, үч бейтаптын эмдөөдөн кийин дароо эле көз жумганы сөөктү сойгон соң билинген. Дагы 11 адам эмдөөнү коронавирустун инкубациялык маалында алып каза тапкан. Калган 19 кишинин оорусу өлүмгө алып келди деп боолголонсо, сегизинин өлүмүнүн себеби учурда такталып жатканы айтылды.

Декабрь айынын башында америкалык Pfizer жана германиялык BioNTech компаниялары биргелешип чыгарган вакцина COVID-19га каршы АКШда жана Европа өлкөлөрүндө эмдөөгө колдонула баштаган.

8
Белгилер:
бейтап, вакцина, коронавирус, Австрия
Тема:
Дүйнөгө жайылган коронавирус
Тема боюнча
Роспотребнадзор коронавирустун "британиялык" штаммын аныктоочу тест жасады
Жер жашоочуларынын 10%ында гана COVID-19га каршы антитело бар
Рим шаарынын тургундары. Архив

Италияда коронавирустун "нигериялык" штаммы табылды

17
(жаңыланган 10:46 03.03.2021)
Бул штамм улам-улам мутацияланып турат, учурда коронавируска каршы чыгарылган вакциналар таасир этпеши мүмкүн.

БИШКЕК, 3-мар. — Sputnik. Коронавирустун "нигериялык" штаммы Италиянын түндүгүндөгү Ломбардия провинциясынын Брешия шаарында табылды. Бул тууралуу ANSA агенттиги Италиянын вирусологдор коомунун президенти, микробиологиялык лабораториянын директору Арнальдо Карузого таянып билдиргенин РИА Новости жазды.

Адистин билдиришинче, бул штамм улам-улам мутацияланып турат, учурдагы вакциналар натыйжасыз болушу мүмкүн.

Карузо коронавирустун табылган түрүнүн өзгөчөлүктөрү жөнүндө башка эч кандай маалымат берген эмес.

Нигерияда коронавирустун жаңы штаммы табылганы декабрь айында маалым болгон. Африкалык ооруларды көзөмөлдөө жана алдын алуу борборунун (CDC) маалыматы боюнча, жаңы вариант Нигериянын Осун штатында чогултулган үлгүлөрдүн арасында эки бейтаптын анализин изилдөөдө табылган.

Буга чейин декабрдын орто ченинде Улуу Британияда коронавирус — VUI-202012/01 мутациясы табылган. Кийинчерээк ал мурунку вируска салыштырмалуу 56-70 пайызга тезирээк тарай турганы маалым болгон. Ошондой эле бул штамм бейтаптарды өлүмгө алып келиши мүмкүн экени айтылган болчу.

17
Белгилер:
Италия, Нигерия, коронавирус
Тема:
Дүйнөгө жайылган коронавирус
Тема боюнча
ДССУ: коронавирустун ыңгайлашып, көнүшүп кетүүсүнө жол бербейли!
Роспотребнадзор коронавирустун "британиялык" штаммын аныктоочу тест жасады

Жогорку Кеңеш жаңы Конституциянын долбоорун талкуулап жатат. Түз эфир

0
(жаңыланган 11:18 03.03.2021)
Парламенттин жалпы жыйынында депутаттар жаңы Баш мыйзамдын долбоорун биринчи окууда талкуулап жатат.

Өткөн жылдын 17-ноябрында Жогорку Кеңештин 80 депутаты Конституциянын жаңы долбоорун жана референдум өткөрүү боюнча мыйзам долбоорун коомдук талкууга алып чыккан. Парламентарийлердин демилгеси коомчулуктун катуу сынына кабылды. Айрымдары автору экенин четке каккан.

Мындан улам ошол кездеги президенттин милдетин аткаруучу Талант Мамытовдун жарлыгы менен Баш мыйзамдын долбоорун талкуулоо үчүн 20-ноябрда Конституциялык кеңешме түзүлгөн. Алар 27-январда өз ишин жыйынтыктаган.

Ал эми 17-февралда жаңы долбоорду демилгечи делген 80 депутат жана Конституциялык кеңешменин мүчөлөрү талкуулаган. Ал эми кечээ, 2-мартта, Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитет долбоорду карап, жактырып берди.

0
Белгилер:
Жогорку Кеңеш, долбоор, кароо, конституция
Тема:
Жаңы Конституциянын долбоору жана референдум
Тема боюнча
Абдылдаев: Конституцияны эринбей Испания, Португалиядан алып жазышыптыр