Ооруканадагы дарыгер. Архив

Бишкекте жана Баткенде эки бейтап көз жумду. Коронавирус боюнча статистика

143
(жаңыланган 10:42 05.02.2021)
Мартта башталган пандемиядан бери расмий түрдө 85 миң кишиден коронавирус аныкталды. Бүгүн оору жуктургандардын көбү Бишкекте, Чүйдө жана Ысык-Көлдө.

БИШКЕК, 5-фев. — Sputnik. Кыргызстанда акыркы суткада 110 киши коронавирустан айыкты, ошол эле учурда 88 адамдан оору табылды. Бул тууралуу Республикалык штаб кабарлады.

Бир сутка ичинде COVID-19 илдетинен сакайып чыккандар, пневмонияны эсепке алганда:

  • Бишкек — 50;
  • Ош шаары — 6;
  • Чүй облусу — 22;
  • Ош облусу — 4;
  • Талас облусу — 1;
  • Нарын облусу — 1;
  • Ысык-Көл облусу — 22;
  • Жалал-Абад облусу — 3;
  • Баткен облусу — 1.

Ооруну жалпысынан 81 444 бейтап жеңди.

Бир сутка ичинде COVID-19 U07.1 жана U07.2 катталган жаңы учурлар:

  • Бишкек — 33;
  • Ош — 2;
  • Чүй облусу — 28;
  • Ош облусу — 8;
  • Талас облусу — 2;
  • Нарын облусу — 3;
  • Ысык-Көл облусу — 10;
  • Жалал-Абад облусу — 2;
  • Баткен облусу — 0.

Расмий түрдө өлкөдө вирус жуктургандардын саны 84 920га жетти.

Тилекке каршы, COVID-19дан Бишкекте жана Баткен облусунда эки бейтап көз жумду. Коронавирус марттан бери 1 420 адамдын өмүрүн алды.

Учурда стационарда 511 бейтап дарыланууда. Алардын ичинен үч адамдын абалы канааттандырарлык, 353ү орточо, 122си оор, 33ү өтө оор абалда. Амбулатордук дарыланууда 608 бейтап бар.

143
Белгилер:
айыгуу, жуктуруу, оору, бейтап, коронавирус, Кыргызстан
Тема:
Кыргызстандагы коронавирус жуктуруп алгандар (1552)
Тема боюнча
Жумалиева: кызыл зонадан чыкканда өтүгүбүздөн 4-5 литр тер төкчүбүз
Муфтийдин милдетин аткаруучу, белгилүү дин аалымы Кадыр Маликов. Архив

Кадыр Маликовдун атасы дүйнө салды

42
(жаңыланган 10:09 05.03.2021)
Дин аалымы Кадыр Маликов Кыргызстан мусулмандарынын муфтийинин орун басары болуп былтыр августта дайындалган. Муфтийдин милдетин аткаруучу ага көңүл айтты.

БИШКЕК, 5-мар. — Sputnik. Муфтийдин милдетин аткаруучу Жоробай ажы Шергазыев орун басары, белгилүү дин аалымы Кадыр Маликовдун атасы Курманбек Бийгелдиевдин дүйнөдөн өткөндүгүнө байланыштуу көңүл айтты. Бул тууралуу муфтият кабарлады.

"Урматтуу Кадыр ажы! Атаңыздын дүйнө салышына байланыштуу чын көңүлүмдөн көңүл айтам. Кабарды терең кайгыруу менен кабыл алдым. Сабыр кылыңыз. Жараткан маркум атаңызды өз ырайымына алып, бейиштин төрүнөн орун насип кылсын. Кыргызстан мусулмандарынын дин башкармалыгынын атынан сизге, үй-бүлөңүзгө жана тууган-уруктарыңызга терең кайгыруу менен көңүл айтабыз жана кайгыңарды тең бөлүшөбүз", — деп айтылат маалыматта.

Кадыр Маликов Кыргызстан мусулмандарынын муфтийинин орун басары болуп былтыр августта дайындалган.

Курманбек Бийгелдиев — Кыргыз эл акыны, жазуучу жана драматург Кубанычбек Маликовдун уулу.

42
Белгилер:
өлүм, ата, муфтият, Кадыр Маликов
Тема боюнча
Кадыр Маликов муфтияттагы кырдаал боюнча үн катты
Кыргызстандын президенти Садыр Жапаров. Архив

Улуулуктун символу. Жапаров кыргызстандыктарды Ак калпак күнү менен куттуктады

49
(жаңыланган 09:48 05.03.2021)
Улуттук кийимдин маанилүүлүгүн сактоо максатында 2016-жылдын 29-июнунда Жогорку Кеңештин "Ак калпак жана улуттук кийимдер күнү жөнүндө" расмий токтому чыккан.

БИШКЕК, 5-мар. — Sputnik. Өлкө башчысы Садыр Жапаров бүгүн, 5-мартта, кыргызстандыктарды Ак калпак күнү менен куттуктаганын өлкө башчынын маалымат кызматы билдирди.

Өлкө башчысы калпак кыргыз элинин улуттук баалуулуктарынын бири болгонун белгилеп, абалтадан элибиз улуттук кийимдерин аздектеп, өзгөчө баш кийимге аяр мамиле кылып келгенин белгилеген.

"Ата-бабабыз кастарлаган ак калпак  кыргыздын улуттук көркөм дөөлөттөрүнүн көрөңгөсү экендиги талашсыз. Кыргыз эли эл болуп түзүлгөндөн бери жашоонун, улуулуктун, тазалыктын символу, ыйык белгиси катары акылман, уз-чебер энелерибиз ак мөңгүлүү Ала-Тообузду көзгө тартып, шөкөттөп, ак калпагыбызды урпактарга таберик мурас калтырган. Анын ар бир кыюусу, сайылган саймасына чейин терең философиялык маани берип, эр-азаматтардын жаш курагына ылайыктап кийгизген", — деп айтылат куттуктоодо.

Улуттук кийимдин маанилүүлүгүн сактоо максатында 2016-жылдын 29-июнунда Жогорку Кеңештин "Ак калпак жана улуттук кийимдер күнү жөнүндө" расмий токтому чыккан.

2019-жылы ЮНЕСКОнун адамзаттын материалдык эмес маданий мурастарынын тизмесине "Кыргыз элинин эркектеринин баш кийими ак калпакты жасоодогу салттуу ыкмалары жана кийүү маданияты" деген аталышта катталып, мекендештерибизди сыймыкка бөлөгөн.

"Кыргыздын улуттук кийимдери элдин этностук тарыхынын ажырагыс бир бөлүгү катары тарыхый узак мезгилде көчмөн маданиятыбыздын үлгүсү болуп, муундан-муунга таберик болуп сакталып калды", — деди президент.

Сөзүнүн соңунда кыргыздын байыркы нарк-насили, улуттук көркөм дөөлөттөрү сакталып, кыраакы кыргыз дүйнөсүн ааламга тааныта берерине тилектештигин билдирген.

49
Белгилер:
куттуктоо, калпак, Садыр Жапаров
Тема боюнча
Жапаров элди Туу күнү менен куттуктап, чакырык таштады
Дүйнө кыдырган ак калпак. Чет элдик атактуулар, кыйындар кийип түшкөн сүрөттөр
Кыргызстандык ММА мушкери Бусурманкул Абдибаит уулу. Архив

Бусурманкул Абдибаит уулу Хабиб Нурмагомедовдун лигасында беттешке чыгат

0
(жаңыланган 10:45 05.03.2021)
Кыргыз мушкери ММА спортунда 15 беттеш өткөрүп, 12синде уткан. Анын ичинен тогуз атаандашын нокаутка кетирген.

БИШКЕК, 5-мар. — Sputnik. Кыргызстандык ММА мушкери Бусурманкул Абдибаит уулу 19-мартта кезектеги беттешке чыгат. Турнирдин расмий постерин аталган промоушен өзүнүн Instagram баракчасына чыгарды.

Посмотреть эту публикацию в Instagram

Публикация от EAGLE FIGHTING CHAMPIONSHIP (@eaglefcmma)

Eagle Fighting Championship (EFC) 34 мелдеши 19-мартта Россиянын Краснодар шаарында өтөт. Бусурманкул Абдибаит уулуна россиялык Владислав Королевский атаандаш болмокчу.

Кыргызстандык мушкер ММА спортунда 15 беттеш өткөрүп, 12синде уткан. Анын ичинен тогуз атаандашын нокаутка кетирген. Карьерасында үч ирет жеңилүү ызасын тартканы маалым.

Ал эми атаандашы Владислав Королевский 12 жолу таймашка чыгып, 8 атаандашын утуп, төрт мушкерге жеңилген.

0
Белгилер:
беттешүү, мушкер, ММА, Бусурманкул Абдибаит уулу
Тема боюнча
Жыга чапты. Мушкер Абдыкааровдун OPEN FC беттешинде уткан учурунун видеосу
Шевченконун баш оорусу болом. Чемпиондун жаңы атаандашы тууралуу эмне белгилүү