1-класстын окуучусу. Архив

1-класска барчу баланы электрондук каттоодон кантип өткөрүү керек? 8 эреже

539
(жаңыланган 15:54 05.02.2021)
Балаңыз 2021-2022-окуу жылында мектеп босогосун аттай турган болсо, анда Sputnik Кыргызстан агенттиги даярдаган материалды сөзсүз окуңуз.

15-февралдан тарта Бишкектин мектептеринде электрондук каттоо башталат. Чүрпөлөрүн 1-класска киргизип жаткан ата-эненин баары эле анын жол-жобосун биле бербейт. Андыктан Sputnik Кыргызстан агенттиги Билим берүү жана илим министрлигинин адистери менен сүйлөшүп, эрежесин түшүндүрүүгө аракет кылды.

Электрондук каттоо Бишкектен башка кайсы аймактарда жүрөт?

Бишкек, Ош, Кара-Балта, Кызыл-Кыя, Жалал-Абад шаарларында электрондук каттоо 15-февралдан 15-августка чейин жүргүзүлөт.

Быйыл бул долбоор Каракол, Нарын, Баткен, Талас, Кара-Суу шаарларына да киргизилди. Аталган шаарларда электрондук каттоо 15-апрелде башталып 15-августта бүтөт.

Бардыгы бир эле системага кирет. Арыз толтуруу формасы да окшош.

Бишкекте микроучастоктордо жашагандардын балдары биринчи катталабы?

Жок. Баланы мектепке каттаардын алдында ата-эне анын жол-жобосу менен жакшылап таанышып чыгуусу кажет. Долбоор жаңы башталганда мектепке эки этап менен каттоо жүрчү. Анда алгач микроучастокто жашагандардын балдары катталып, андан кийин башка райондогу каалоочулар алынчу. Бир жылдан бери бул система өзгөрүп, эки жакка тең бирдей мүмкүнчүлүк каралган. Мисалы, жаңы конуштардын биринде жашагандар балдарын шаардын ортосундагы мектеп, гимназияга берүүнү кааласа, алар арыз толтуруп жатканда "микроучастоктон тышкары" деген жерин сөзсүз басышы шарт (шаарды, районду көрсөткөндөн кийин "микроучастоктун ичинде" жана "микроучастоктон тышкары" деген эки бөлүм бар). Эгер ал райондо жашабаса, анда "микроучастоктон тышкары" деген жерин басып коюп каттала берет. Эгер аны көрсөтпөсө, арыз туура эмес болуп калат. Ал эми балдарын өзүнүн районундагы эле мектепке берчүлөр "микроучастоктун ичинде" деген баскычын белгилегени оң.

Мектепти кантип тандап, кандай катталат?

Алгач https://www.mektep.edu.gov.kg/ сайтына кирүү керек. Сайт ачык, баарына жеткиликтүү, акысыз. Ал жерде керектүү маалыматтар бар. Мисалы, "статистика" деген бөлүктө ар бир мектеп, анын дареги, 1-класска канча квота берилгендиги тууралуу жазылган. Бул бөлүктөн каалаган мектепте 1-класска бала толуп-толбогонун билип алса болот. Керектүү маалымат алгандан кийин арыз толтурууга өтөсүз.

Арызды кантип толтурат?

1-кадам. Башкы бетинде "арыз берүү" деген баскычты басып, ал жактан бош жерди толтуруу керек. Алгач ата-эненин же баланы караган мыйзамдуу өкүлдүн аты-жөнү, паспорттогу керектүү маалыматтары, жашаган дареги, телефон номерлери, электрондук дареги жазылып, документтердин көчүрмөсү тиркелет. Электрондук даректери (почта) жоктор аны сөзсүз ачканы абзел. Анткени мектеп тууралуу маалымат электрондук почтага келип турат.

2-кадам. Андан соң 1-класска кире турчу бөбөктүн аты-жөнү, туулгандыгы тууралуу күбөлүгүндөгү маалымат жазылып, документтеринин көчүрмөсү тиркелет.

3-кадам. Бала бара турчу мектеп тандалат.

Эгер электрондук арыз туура эмес толтурулуп калса, үч күндүн ичинде ата-эненин электрондук дарегине эмнеси туура болбой калгандыгы тууралуу маалымат келет;

Электрондук каттоо системасынан "кабыл алынды" деген билдирүү келгенден кийин 15 күндүн ичинде ата-эне керектүү документтеринин түп нускасын мектепке барып тапшырышы керек. Эгер ал аралыкта тапшырбаса, анда мектеп сизди тизмеден автоматтык түрдө чыгарып салат.

Белгилей кетсек, баланы мектепке электрондук түрдө каттап жатканда болгону үч документ керек. Алар: ата-энесинин биринин паспорту, баланын күбөлүгү жана жашаган жеринен маалымдама. Үчөөнү тең сканерден өткөрүп же сүрөтүн арыз толтуруп жаткан жерге тиркеп коесуздар.

Баланы мектепке киргизүүдөгү керектүү документтер

Бул документтерди ата-эне электрондук каттоодон өткөндөн кийин 15 күндөн соң алып барат. Алар:

  • баланын туулгандыгы тууралуу күбөлүгү (түп нуска жана көчүрмө);
  • ата-энесинин же баланы караган мыйзамдуу өкүлдүн паспортунун көчүрмөсү;
  • ден соолугунун абалы тууралуу медициналык справка (Ф-26);
  • баланын эмделгендиги тууралуу медициналык справка (Ф-63);
  • баланы мектепке киргизүүдө ден соолугунун абалы тууралуу медициналык справка;
  • 3x4 сүрөт;
  • Ата-энесинин же баланын мыйзамдуу өкүлүнүн жашаган жеринен маалым кат. Эгер баланын каттоосу болсо, Мамлекеттик каттоо кызматынан справка, эгер каттоосу жок болсо, анда муниципалдык аймактык башкармалык тарабынан берилген документ жарай берет.

Кандай балдар жеңилдик менен кире алышат?

аскер кызматкерлеринин балдары (кызмат өтөп жаткан ата-энелер паспортунун көчүрмөсүн, аскердик күбөлүгүн, сүрөтүнүн көчүрмөсүн алып келүүсү абзел);

Кыргызстанга көчүп келген кайрылман статусу бар этникалык кыргыздардын балдары (кайрылман статусун тастыктаган документин көрсөтүшү зарыл).

Кайсы мектептерге электрондук каттоо системасы тиешелүү эмес

Электрондук каттоодон №61 физика-математикалык мектеп-лицейи бошотулган. Анткени алардын өздөрүнүн бала бакчасы бар. Ал жактан балдарды өз ыкмасы менен мектепке даярдашат. Бирок бул мектеп быйыл 1-класска 20га чукул орунга квота берген. Мындан сырткары, ден соолугунан жабыркаган балдар барган мектептер, интернаттар жана коррекциялык класстары бар алты мектеп дагы электрондук каттоодон бошотулган. Музыкалык жана жеке мектептер да балдарды электрондук каттоосу жок алат.

Суроолор жаралса кайда кайрылса болот?

http://www.mektep.edu.gov.kg/ сайтынын өзүндө түшүнбөгөн суроолор үчүн бош жер бар. Эгер такыр эле сайтка кире албай же колдоно албай жатса, ата-энелер төмөнкү номерлерге чалса болот:

0312 54 30 24,  0706 12 22 11, 0776 12 22 114, 0556 12 22 11.

539
Белгилер:
Бишкек, Кыргызстан, электрондук каттоо, окуу, мектеп, 1-класс, окуучулар
Тема боюнча
Түркиялык фонд Бишкекте мектеп ачат
Бишкекте мектепке электрондук кезекке каттоо башталат. Керектүү документтер
Жолдогу жүк ташуучу унаа. Архив

Таңкы 6га чейин жабылды. Өлкөдөгү эки ири жолго чектөө киргизилди

42
(жаңыланган 00:53 25.02.2021)
Жолду көчкү кооптуулугунан улам жабууга Жарандык коргонуу башчысы-премьер министр бүгүн буйрук берген.

БИШКЕК, 25-фев. — Sputnik. Бишкек — Ош жолунда кар көчкү түшүү коркунучу бар болгондуктан Жайыл, Токтогул райондорундагы жана Суусамыр — Талас — Тараз унаа жолунун Талды-Булак айылындагы посттор 25-февраль таңкы саат 06:00гө чейин убактылуу жабылды. Бул тууралуу ӨКМдин маалымат кызматынан кабарлашты.

Бул премьер-министрдин буйругунун негизинде болгон.

"Бишкек — Ош жолунда кар көчкү түшүү коркунучу болгондуктан Жайыл районунун Сосновка, Токтогул районунун Арал постторунда жана  Суусамыр — Талас — Тараз жолунун Талды-Булак айылындагы постунда автоунаалардын бардык түрүнө таңкы саат 06:00гө чейин убактылуу чектөө киргизилди", — деп кабарлаган ӨКМ.

Эске салсак, Бишкек — Ош жолунун 132-чакырымында көлөмү болжол менен 1800 м3 кар көчкү түшкөндүктөн учурда жол жабылган.

42
Белгилер:
көчкү, Бишкек - Ош жолу, Жайыл району, Токтогул району, Кыргызстан
Тема боюнча
Көчкү түшүп, Бишкек — Ош жолу убактылуу жабылды
Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда

Жапаров Москвадагы кыргызстандыктарга жолукту. Сүрөт

69
(жаңыланган 23:22 24.02.2021)
Жапаров Путин менен болгон жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген.

БИШКЕК, 24-фев. — Sputnik. Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда. Бул тууралуу мамлекет башчынын маалымат кызматынан кабарлашты.

  • Кыргызстанцы проживающие в России на встрече с президентом КР в рамках его рабочего визита в РФ
    Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда
    © Пресс-служба президента КР / Султан Досалиев
  • Президент КР Садыр Жапаров на встрече с кыргызстанцами, проживающими в России в рамках рабочего визита в РФ
    Ал Россия президенти Владимир Путин менен жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген
    © Пресс-служба президента КР / Султан Досалиев
  • Кыргызстанцы проживающие в России на встрече с президентом КР в рамках его рабочего визита в РФ
    Жапаров сыртта иштеп жүргөн кыргызстандыктардын алдына сүйлөп жатып, эң биринчилерден болуп "Миграциялык кырдаалды жакшыртууга багытталган чараларды кабыл алуу жөнүндө" жарлыкка кол коюлганын билдирген.
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда

Ал Россия президенти Владимир Путин менен жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген.

Жапаров сыртта иштеп жүргөн кыргызстандыктардын алдында сүйлөп жатып, эң биринчилерден болуп "Миграциялык кырдаалды жакшыртууга багытталган чараларды кабыл алуу жөнүндө" жарлыкка кол коюлганын билдирген.

"Менин максатым — элибиздин көйгөйлөрүн чечүү, Кыргызстандын бардык жарандарын жумуш орундары менен камсыздап, татыктуу жашоого алып келүү. Ошондой эле чет өлкөлөрдө иштеп жүргөн мекендештердин Мекенге кайтып келүүсү үчүн жагымдуу шарттарды түзүү", — деген Жапаров.

Кыргызстан турак жай ээлери салык төлөөдөн качып, чет элдик жарандарды каттоого тургузуудан баш тартышкандыгынын натыйжасында келип чыккан мигранттарды каттоо көйгөйлөрүнө көңүл бурган.

"Казакстанда бул багытта "кабарлоо тартиби" деген жакшы тажрыйба бар: жарандар мамлекеттик органга келген жана иштеген жери жөнүндө билдирүү гана жөнөтөт, андан кийин ал каттоого турат. Ушундай эле жол-жобону ЕАЭБдин алкагында киргизүүнү сунуштайбыз", — деген Жапаров.

Эске салсак, бүгүн Жапаров Россияга иш сапары менен барып, Россия лидери Владимир Путин менен жолуккан.

69
Белгилер:
мигранттар, иш сапар, Садыр Жапаров, Россия, Кыргызстан
Тема:
Садыр Жапаровдун Россияга сапары
Тема боюнча
Путин: Россия Кыргызстанга мындан ары да колдоо көрсөтөт
Кызматташууну бекемдейбиз. Жапаров Путин менен жолукканда эмне деди