Сот балкасы. Архив

Садыр Жапаровдун эжесин 10 жылга кесүү боюнча соттун чечими жокко чыкты

984
(жаңыланган 18:31 05.02.2021)
Жапаровага шылуундук жана кызмат абалынан кыянаттык менен пайдаланды деген айыптар тагылып, сыртынан кесилген.

БИШКЕК, 5-фев. — Sputnik. Президент Садыр Жапаровдун бир тууган эжеси Райкүл Жапаровага чыккан өкүм жокко чыгарылды. Бул тууралуу Башкы прокуратуранын Эл аралык башкармалыгынын жетекчиси Асилбек Акматов билдирди.

Анын айтымында, Жогорку сот президенттин эжесине карата чыккан райондук жана шаардык соттун чечимдерин жокко чыгарган. Ошондой эле ишти кайра башынан тергөө үчүн материалдар Финполго жиберилген.

Ал эми башкы прокурор Курманкул Зулушев Жапаровага чыккан өкүмдү Жогорку сот ушул жылдын 25-январында жокко чыгарып, баш коргоо чарасын өзгөрткөнүн айтты.

"Эгер өкүм жокко чыгарылган болсо, аны экстрадициялоо боюнча сурам жөнөтүүгө негиз жок болуп калат. Демек, анын күнөөсү алынды, Кыргызстанга эркин келе берсе болот", — деди Зулушев.

Райкүл Жапарова "Ысык-Көл" инвестициялык банкынын башкармалыгынын төрайымы болгон. Ал Кыргызстанда 2015-жылы сыртынан соттолуп, 10 жылга эркинен ажыратылган. Жапаровага мыйзамсыз жол менен алынган акча каражатын же башка мүлктөрдү легалдаштыруу, шылуундук жана кызмат абалынан кыянаттык менен пайдалануу фактылары боюнча айып тагылган.

Ал Интерпол аркылуу издөөгө алынып, былтыр май айында Польша мамлекетинде кармалган. Башкы прокуратура аны экстрадициялоого кат жөнөтүп, жооп алган эмес.

Жапаровага 2010-жылы апрель окуясынан кийин укук коргоо органдары бир нече жарандын арызы менен кылмыш ишин козгогон. Анда мурдагы президенттин баласы Максим Бакиев башында турган топ аталган банкты рейдерлик жол менен тартып алгандыгы айтылган эле.

Жергиликтүү ЖМКлар анда Максим Бакиев банк кызматкери Райкүл Жапарованын жардамы менен ишкананы мыйзамсыз менчиктеп алганын жазышкан. Кийин аны төрайым кылып шайлашкан.

984
Белгилер:
өкүм, сот, Садыр Жапаров
Тема боюнча
Сот Атамбаевди 7-апрелге чейин камакта калтырды
УКМК: Жогорку соттун төрайымы Калиева дагы бир мыйзамсыз ишке шектелүүдө
Биринчи вице-премьер Артём Новиков. Архивдик сүрөт

Калпак кийген Новиков кыргызстандыктарды майрамы менен куттуктады. Видео

31
(жаңыланган 16:37 05.03.2021)
Биринчи вице-премьер жарандарды кыргыз тилинде майрамы менен куттуктап, ак калпак эр жүрөк, курч мүнөз жигиттин белгиси экенин белгиледи.

БИШКЕК, 5-мар. — Sputnik. Биринчи вице-премьер Артём Новиков кыргызстандыктарды улуттук баш кийим — Ак калпак күнү менен куттуктады.

Куттуктоо видеосу Новиковдун Facebook баракчасына жарыяланды.

"Кадырлуу кыргыз элим, урматтуу достор. Бүгүн мамлекетте өзгөчө майрам — Ак калпак күнү. Ак калпак кыргыз элинин башкы белгиси жана ыйык буюму. Ак калпак — бул эр жүрөк, курч мүнөз жигиттин белгиси. Ак калпак — бул Ала-Тоо. Ошон үчүн бийик бололу, Кыргызстан бийиктикте болсун. Майрамыңыздар менен куттуктайм!" — деди Новиков.

Белгилей кетсек, Ак калпак майрамы Кыргызстанда 2011-жылдан бери майрамдалып келет. 2016-жылы Жогорку Кеңеш 5-мартты Ак калпак жана улуттук кийимдер күнү деп расмий бекиткен. Бул майрам жер-жерлерде белгиленип, мырзалардын күн бою ак калпак кийип жүрүшү салтка айланган.

31
Белгилер:
ак калпак, Ак калпак күнү, Кыргызстан, Артем Новиков
Тема боюнча
Улуулуктун символу. Жапаров кыргызстандыктарды Ак калпак күнү менен куттуктады

Ишим оор деп жүрөсүзбү? Көндүм ойду жокко чыгарган ширетүүчү айымдын видеосу

12
(жаңыланган 16:40 05.03.2021)
Бишкек ЖЭБдеги ширетүүчүлөр арасында аял киши бар экенин билчү белеңиз? Бул Минихоят Семенюта. Ал жарым кылымдык өмүрүн ушул кесипке арнаган. Кыргызстандык айымдын жумуш күнү кандай өтөрүн Sputnik Кыргызстан агенттиги тартып келди.

Минихоят Закиуллаевна мактанганды жактырбайт. Бирок анын эмгек жолу эле баарын айтып турат. Ажарлуу айымдын 45 жылдык иш тажрыйбасы бар. Көп жылдык эмгек анын кесибине болгон сүйүүсүн мокото алган эмес. Ал түтүктөрдү, металлдан жасалган конструкцияларды жогорку чеберчилик менен ширетет.

Адистин айтымында, 1970-жылдары советтик жаштар ушундай сыяктуу кесиптерге кызыгышчу. Себеби өлкөдө ГЭС, ТЭЦ жана башка ири объектилер курулуп жаткан. Тиги же бу кесиптин артыкчылыктарын айтып берген үгүтчүлөрдүн дагы салымы чоң эле.

"Ширетүүчүлүк менен алектене турган кыздарды топтоо демилгеси көтөрүлүп, жыйынтыгында каалоочулардын саны арбып, бир группа түзүлгөн. Училищени аяктагандан кийин 1976-жылы биз Сыр-Дарыя ГЭСинде иштедик. Жөнөкөй нерседен баштап акырындык менен жоопкерчиликтүү иштерге өтө баштадык", — деди маектеш.

Кыргызстандык айым практика учурунда эле тандоосунан адашпаганын түшүнгөн.

"Колуң ишке көнүп калгандан кийин кызыгуу ого бетер күч алат. Сага маанилүү иштерди табыштай башташат. Мындай учурларда сенден керектүү адис чыкканын сезе баштайсың", — деди Семенюта.

Учурда Минихоят Закиуллаевна алтынчы разряддагы тажрыйбалуу кызматкер. Бул эң жогорку жана жоопкерчиликтүү категория. Ошентсе да ал өзүнүн ишин оор деп эсептебейт.

"Бул силер элестеткендей оор иш эмес... Тескерисинче, абдан кызыктуу. Мында жонуңа бир нерсе көтөрүп жүрүү зарылдыгы жок. Эң башкысы, сенин ишиңден кийин бирөө жарым кулап же сынып калбашы керек. Бул, албетте, чоң жоопкерчилик. Бирок ошентсе дагы кооптуулук жок", — деп ишендирди ал.

Семенютанын жумушундагылар ага сый-урмат менен мамиле жасашат. Бул айымдын кесибин уккан адамдар адатта таң калышат. Ширетүүчү айымдар аз эмеспи.

"Учурда ширетүүчү аялдар аз... Мен эле калдым го дейм. Бирок Россияда, тескерисинче, бул кесипке кызыккан кыздар көбөйүүдө", — деди ал.

Минихоят Закиуллаевна 45 жылдык эмгек жолунда бир дагы жолу кесибин алмаштыруу жөнүндө ойлонуп көрбөгөнүн кошумчалады.

Редакция КамАЗ айдап Кара-Кечеден көмүр ташып суктанткан айым тууралуу да материал даярдаган.

12
Белгилер:
видео, иш, Көмүр, ЖЭБ, Бишкек
Тема боюнча
Шыктандырат! Балдар үйүнүн бүтүрүүчүлөрү чакан бизнес ачканда. Видео
Ырлары миллион көрүүчү топтогон Алтынай: мамлекеттик кызматта экениме сүйүндүм
Президент Садыр Жапаров жана биринчи айым Айгүл Жапарова

Садыр Жапаров канайым экөө өзгөчөлөнгөн айымдарды куттукташты. Сүрөт

0
(жаңыланган 16:57 05.03.2021)
Иш-чарага өз кесиптеринде өзгөчөлөнгөн айымдар — мугалимдер, врачтар, ишкерлер, спортчулар катышкан.

БИШКЕК, 5-мар. — Sputnik. Президент Садыр Жапаров Аялдардын эл аралык күнүнүн алдында өлкөнүн бардык аймактарынан келген, ар кайсы кесиптин өкүлдөрү болгон айымдар менен жолугушту. Бул тууралуу президенттин маалымат кызматы билдирди.

Мамлекет башчы жолугушуунун катышуучуларын келе жаткан майрамы менен куттуктап, Кыргызстандын соӊку тарыхындагы оор сыноолорду аялдар чыдамкайлыгы жана кайраттуулугу менен көтөрүп, жеңип чыккандыгын белгиледи. Иш-чарада биринчи айым Айгүл Жапарова дагы катышкан.

  • Президент Садыр Жапаров Аялдардын эл аралык күнүнүн алдында өлкөнүн бардык аймактарынан келген, ар кайсы кесиптин өкүлдөрү болгон айымдар менен жолугушту
    Президент Садыр Жапаров Аялдардын эл аралык күнүнүн алдында өлкөнүн бардык аймактарынан келген, ар кайсы кесиптин өкүлдөрү болгон айымдар менен жолугушту
    © Пресс-служба президента КР / Султан Досалиев
  • Мамлекет башчы жолугушуунун катышуучуларын келе жаткан майрамы менен куттуктап, Кыргызстандын соӊку тарыхындагы оор сыноолорду аялдар чыдамкайлыгы жана кайраттуулугу менен көтөрүп, жеңип чыккандыгын белгиледи
    Мамлекет башчы жолугушуунун катышуучуларын келе жаткан майрамы менен куттуктап, Кыргызстандын соӊку тарыхындагы оор сыноолорду аялдар чыдамкайлыгы жана кайраттуулугу менен көтөрүп, жеңип чыккандыгын белгиледи
    © Пресс-служба президента КР / Султан Досалиев
  • Иш-чарада биринчи айым Айгүл Жапарова дагы катышкан
    Иш-чарада биринчи айым Айгүл Жапарова дагы катышкан
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Президент Садыр Жапаров Аялдардын эл аралык күнүнүн алдында өлкөнүн бардык аймактарынан келген, ар кайсы кесиптин өкүлдөрү болгон айымдар менен жолугушту
"Жергебизде тынчтыктын өкүм сүрүшүндө, жашоо-турмуштун оң жагына ооп, бир нукка түшүп, өнүгүүгө карай бурулушунда сиздердин эмгегиңерге баа жетпейт. Кыргыз коомунда аялзаты эзелтеден эле урматталып, анын коомдогу жана саясий турмуштагы ээлеген орду абдан жогору бааланган. Акылман, кайраттуу, эмгекчил жана ажарлуу аялзатынын образдары катары Чыйырды, Каныкей, Айчүрөк, Кыз Сайкал, Жаңыл Мырзанын ысымдары элибиздин аң-сезимине бекем орноп, жүрөгүнөн түнөк тапкан", — деди президент.

Жапаровдун белгилешинче, бүгүн өлкө айымдары ар кайсы чөйрөлөрдө иштеп, коомдук турмушка активдүү катышууда. Ошол эле учурда алар ишке жоопкерчилик менен мамиле жасап, демилге көтөрүп, реформаларды колдоп, жаңы жетишкендиктерге умтулуу менен бирге, эң жогорку кесипкөйлүктү көрсөтүп келишүүдө.

Мамлекет башчы дүйнөнү каптаган коронавирус пандемиясы аялдардын түйшүгүн ого бетер көбөйтүп, мойнуна кошумча мээнет жүктөгөнүн кошумчалады.

Президент Кыргызской Республики Садыр Жапаров встретился с женщинами-представителями различных профессий со всех регионов страны, в преддверии Международного женского дня. 05 марта 2021 года
© Пресс-служба президента КР / Султан Досалиев
Мамлекет башчы дүйнөнү каптаган коронавирус пандемиясы аялдардын түйшүгүн ого бетер көбөйтүп, мойнуна кошумча мээнет жүктөгөнүн кошумчалады
"Биз аял врачтардын, медайымдардын, волонтёрлордун каармандыгын, жөнөкөй жарандарыбыздын өтөгөн эмгегин эч качан унутпайбыз. Алар бул илдетке каршы күрөштө алдыңкы катарда турушту. Өлкөдө болуп жаткан соңку өзгөрүүлөр, жаңылануу курсунун ишке ашырылышы кыргызстандык аялдардын түйшүгүн жеңилдетип, укугун коргойт деп ишенебиз. Ушул жаркыраган Жаз майрамында сиздерге бекем ден соолук, бакыт-таалай, бейпилдик жана бакубатчылык каалайм!" — деди Жапаров.

Өз кесиптеринде өзгөчөлөнгөн айымдар — мугалимдер, врачтар, ишкерлер, спортчулар сөз сүйлөп, президенттин куттуктоосуна ыраазычылыктарын билдиришти. Ошону менен бирге өз тармактарындагы актуалдуу маселелерге учкай токтолушту.

0
Белгилер:
эмгек, майрам, аял, куттуктоо, Садыр Жапаров
Тема боюнча
Кыргызстандын канайымы эл алдына чыкты. Сүрөт
Улуулуктун символу. Жапаров кыргызстандыктарды Ак калпак күнү менен куттуктады