Жаздан тарта кытай грантына оңдоло турган Бишкектин көчөлөрү. Тизме
БИШКЕК, 5-фев. — Sputnik. 15-марттан тарта ордо калаада бир нече көчө оңдоп түзөлөт. Бул тууралуу Бишкек мэриясынын маалымат кызматы кабарлады.
Билдирмеге караганда, шаардагы көчөлөр кытай грантынын эсебинен жасалат. Оңдоо иштери расмий түрдө 2020-жылдын күз айында башталган.
"Андан бери биз даярдык иштерин көрүп, бардык көчөлөрдүн ичинен оңдоого муктаж болгон 60 көчөнү тандадык. Анын 43ү быйыл, 17си 2022-жылы жасалат", — деп айтылат маалыматта.
15-марттан тарта оңдоп-түзөө иштери башталчу көчөлөр:
- Сухэ-Батор көчөсү. Каралаев көчөсүнөн Шабдан баатыр көчөсүнө чейин;
- Ташкент көчөсү. Турусбеков көчөсүнөн Тоголок Молдо көчөсүнө чейин;
- Ак-Ордо жаңы конушу, Каркыра көчөсү. Гагарин көчөсүнөн Ак-Ордо көчөсүнө чейин;
- Арча-Бешик жаңы конушу, Жайыл баатыр көчөсү. Чортеков көчөсүнөн Алыкулов көчөсүнө чейин;
- Ак-Ордо жаңы конушу, Айбийке көчөсү. Гагарин көчөсүнөн темир жолго чейин;
- Өмүр көчөсү. Фрунзе көчөсүнөн Ашар жолуна чейин;
- Арча-Бешик жаңы конушу, Жунусалиев көчөсү. Абдрахманов көчөсүнөн Масалиев көчөсүнө чейин;
- Ынтымак жаңы конушу, Стадионная көчөсү. Абдрахманов көчөсүнөн Магистральная көчөсүнө чейин;
- Кокчетавский көчөсү. Махатма Ганди жолунан Тоголок Молдо көчөсүнө чейин;
- Жеңиш жаңы конушу, Новая көчөсү. Ленская көчөсүнөн Жеңиш жаңы конушуна чейин;
- Койбагаров көчөсү. Ж. Пудовкин көчөсүнөн Каралаев көчөсүнө чейин;
- Фере көчөсү. Тоголок Молдо жолунан Курманжан Датка көчөсүнө чейин;
- Буденный көчөсү. Чүй проспектисинен Жибек Жолу проспектисине чейин;
- Огонбаев көчөсү. Ибраимов көчөсүнөн Осмонкул көчөсүнө чейин.
Мэрия кытай гранты менен жасала турчу долбоор эки жылга эсептелгенин эске салды. Бул аралыкта 5 көпүрө куруп, 60 жолду оңдоп-түзөө пландалууда.
Белгилер:
Таңкы 6га чейин жабылды. Өлкөдөгү эки ири жолго чектөө киргизилди
(жаңыланган 00:53 25.02.2021)
Жолду көчкү кооптуулугунан улам жабууга Жарандык коргонуу башчысы-премьер министр бүгүн буйрук берген.БИШКЕК, 25-фев. — Sputnik. Бишкек — Ош жолунда кар көчкү түшүү коркунучу бар болгондуктан Жайыл, Токтогул райондорундагы жана Суусамыр — Талас — Тараз унаа жолунун Талды-Булак айылындагы посттор 25-февраль таңкы саат 06:00гө чейин убактылуу жабылды. Бул тууралуу ӨКМдин маалымат кызматынан кабарлашты.
Бул премьер-министрдин буйругунун негизинде болгон.
"Бишкек — Ош жолунда кар көчкү түшүү коркунучу болгондуктан Жайыл районунун Сосновка, Токтогул районунун Арал постторунда жана Суусамыр — Талас — Тараз жолунун Талды-Булак айылындагы постунда автоунаалардын бардык түрүнө таңкы саат 06:00гө чейин убактылуу чектөө киргизилди", — деп кабарлаган ӨКМ.
Эске салсак, Бишкек — Ош жолунун 132-чакырымында көлөмү болжол менен 1800 м3 кар көчкү түшкөндүктөн учурда жол жабылган.
Белгилер:
Жапаров Москвадагы кыргызстандыктарга жолукту. Сүрөт
(жаңыланган 23:22 24.02.2021)
Жапаров Путин менен болгон жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген.БИШКЕК, 24-фев. — Sputnik. Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда. Бул тууралуу мамлекет башчынын маалымат кызматынан кабарлашты.
Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда© Пресс-служба президента КР / Султан Досалиев
Ал Россия президенти Владимир Путин менен жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген© Пресс-служба президента КР / Султан Досалиев
Жапаров сыртта иштеп жүргөн кыргызстандыктардын алдына сүйлөп жатып, эң биринчилерден болуп "Миграциялык кырдаалды жакшыртууга багытталган чараларды кабыл алуу жөнүндө" жарлыкка кол коюлганын билдирген.© Пресс-служба президента КР / Султан Досалиев
©
Пресс-служба президента КР / Султан Досалиев
Ал Россия президенти Владимир Путин менен жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген.
Жапаров сыртта иштеп жүргөн кыргызстандыктардын алдында сүйлөп жатып, эң биринчилерден болуп "Миграциялык кырдаалды жакшыртууга багытталган чараларды кабыл алуу жөнүндө" жарлыкка кол коюлганын билдирген.
"Менин максатым — элибиздин көйгөйлөрүн чечүү, Кыргызстандын бардык жарандарын жумуш орундары менен камсыздап, татыктуу жашоого алып келүү. Ошондой эле чет өлкөлөрдө иштеп жүргөн мекендештердин Мекенге кайтып келүүсү үчүн жагымдуу шарттарды түзүү", — деген Жапаров.Кыргызстан турак жай ээлери салык төлөөдөн качып, чет элдик жарандарды каттоого тургузуудан баш тартышкандыгынын натыйжасында келип чыккан мигранттарды каттоо көйгөйлөрүнө көңүл бурган.
"Казакстанда бул багытта "кабарлоо тартиби" деген жакшы тажрыйба бар: жарандар мамлекеттик органга келген жана иштеген жери жөнүндө билдирүү гана жөнөтөт, андан кийин ал каттоого турат. Ушундай эле жол-жобону ЕАЭБдин алкагында киргизүүнү сунуштайбыз", — деген Жапаров.
Эске салсак, бүгүн Жапаров Россияга иш сапары менен барып, Россия лидери Владимир Путин менен жолуккан.