Ырчы Анжелика Кайратова. Архив

Анжелика Жумабеков баштаган медиктерге рахмат айтты. Ырчынын ооруканадагы сүрөтү

2326
(жаңыланган 12:56 07.02.2021)
Ырчы ортончу жана кичүү кызы үй шартында дарыланууга чыкканын, өзү жана тун баласы ооруканада дагы бир жума болорун айткан.

БИШКЕК, 6-фев. — Sputnik. Жол кырсыгына кабылган ырчы Анжелика Кайратова Сабырбек Жумабеков баштаган дарыгерлерге ыраазычылыгын билдирип, ооруканадагы балдакчан сүрөтүн чыгарды. Пост Instagram баракчасында жарыяланды.

Посмотреть эту публикацию в Instagram

Публикация от Кайратова Анжелика (@anjelika_kairatovna_official)

"Мага, Айлинге жана Айымага операцияны Кудайдын жардамы менен элибиздин сыймыгы, Травматология жана ортопедия илим изилдөө борборунун директору, профессор, академик, ортопед Сабырбек Жумабеков өзү жасады. Жалпы реанимация бөлүмүндөгү доктурларга, борбордун жалпы жамаатына ыраазычылык билдиребиз. Бүгүн биринчи жолу бутума тургузушуп, балдак менен бастырышты. Жаңы төрөлгөн баладай башым айланып, араң кадамдарды жасадым", — деген ырчы.

Анжелика кыздары тууралуу кененирээк маалыматты кийинчерээк жазарын айткан.

"Буюрса, чоң кыйынчылыктар артта калды. Эки кызымды карап, улуусун операцияга даярдап берген жеке клиникага ыраазычылык. Элиманын омурткаларында жаракалар бар, Айлиндин эки бутуна тең операция жасалгандыктан эки ай турганга болбойт. бирок үй шартында даарыланууга чыгышты. Айымканын буттарында, колдорунда жылыш болууда. Мойнундагы бешинчи омурткасын калыбына келтирүүгө бардык күчүн жумшаган Сабырбек Жумабековго рахмат", — деген ырчы.

Анжелика бир жумадан кийин үйүнө чыгарын айтып, келечекте оорукана боюнча жакшы пландары бар экенин кошумчалаган.

Буга чейин ортопед Сабырбек Жумабеков дагы анын абалы тууралуу маалымат берген.

Эске салсак, Анжелика Кайратова 23-январдын таңында Ысык-Көл облусунда жол кырсыгына кабылган. Автоунаасында өзү менен кошо үч кызы болгон. Дарыгерлер беш жаштагы кызынын эки бутунун тең кашка жиликтери сынып, ырчынын өзүнүн омурткалары жабыркаганын айткан. Экөөнө тең операция жасалган. Кийинчерээк улуу кызы Айыманын да моюн омурткалары сынганы аныкталган. Анжеликанын айтымында, рулда башка адам болгон. 

2326
Белгилер:
ыраазычылык, ырчы, оорукана, Сабырбек Жумабеков, Анжелика Кайратова
Тема боюнча
"Айламды таппай калдым". Ырчы Анжелика улуу кызынын да мойну сынганын билдирди
Жумабеков: Анжелика балдак менен эки ай жүрөт, улуу кызына операция жасалды
Рим шаарынын тургундары. Архив

Италияда коронавирустун "нигериялык" штаммы табылды

8
(жаңыланган 10:46 03.03.2021)
Бул штамм улам-улам мутацияланып турат, учурда коронавируска каршы чыгарылган вакциналар таасир этпеши мүмкүн.

БИШКЕК, 3-мар. — Sputnik. Коронавирустун "нигериялык" штаммы Италиянын түндүгүндөгү Ломбардия провинциясынын Брешия шаарында табылды. Бул тууралуу ANSA агенттиги Италиянын вирусологдор коомунун президенти, микробиологиялык лабораториянын директору Арнальдо Карузого таянып билдиргенин РИА Новости жазды.

Адистин билдиришинче, бул штамм улам-улам мутацияланып турат, учурдагы вакциналар натыйжасыз болушу мүмкүн.

Карузо коронавирустун табылган түрүнүн өзгөчөлүктөрү жөнүндө башка эч кандай маалымат берген эмес.

Нигерияда коронавирустун жаңы штаммы табылганы декабрь айында маалым болгон. Африкалык ооруларды көзөмөлдөө жана алдын алуу борборунун (CDC) маалыматы боюнча, жаңы вариант Нигериянын Осун штатында чогултулган үлгүлөрдүн арасында эки бейтаптын анализин изилдөөдө табылган.

Буга чейин декабрдын орто ченинде Улуу Британияда коронавирус — VUI-202012/01 мутациясы табылган. Кийинчерээк ал мурунку вируска салыштырмалуу 56-70 пайызга тезирээк тарай турганы маалым болгон. Ошондой эле бул штамм бейтаптарды өлүмгө алып келиши мүмкүн экени айтылган болчу.

8
Белгилер:
Италия, Нигерия, коронавирус
Тема:
Дүйнөгө жайылган коронавирус
Тема боюнча
ДССУ: коронавирустун ыңгайлашып, көнүшүп кетүүсүнө жол бербейли!
Роспотребнадзор коронавирустун "британиялык" штаммын аныктоочу тест жасады
Лаборатория кызматкери. Архив

Коронавирус бир адамдын өмүрүн алып, 48 кишиден оору табылды

26
(жаңыланган 10:18 03.03.2021)
Кыргызстанда коронавирус пандемиясы башталгандан бери жалпы 86 359 адам оору илештирген. Анын ичинен 1 468 бейтап акка моюн сунганы маалым болду.

БИШКЕК, 3-мар. — Sputnik. Бир сутка ичинде өлкөдө коронавирус 48 адамдан табылып, 49 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 17;
  • Ош – 3;
  • Чүй облусу – 13;
  • Ош облусу – 6;
  • Нарын облусу – 1;
  • Ысык-Көл облусу – 6;
  • Жалал-Абад облусу – 2;
  • Баткен облусу – 1.

Ушуну менен COVID жуктургандардын жалпы саны 86 359га жетти.

Айыккандар:

  • Бишкек – 17;
  • Ош шаары – 3;
  • Чүй облусу – 12;
  • Ош облусу – 2;
  • Талас облусу – 3;
  • Нарын облусу – 3;
  • Ысык-Көл облусу – 9.

Өлкөдө жалпы 83 318 бейтап ооруну жеңген.

Тилекке каршы, дарт бир сутка ичинде Бишкектен бир адамдын өмүрүн алган. Аны эсепке алганда илдеттен жалпы 1 468 киши көз жумган.

Азыркы тапта ооруканаларда 355 бейтап дарыланып жатат. Анын ичинен 100 адамдын абалы оор болсо, 14үнүкү өтө оор деп бааланды.

Бир сутка ичинде өлкөдө медицина кызматкерлеринин арасында коронавирус жуктуруп алган учурлар катталган эмес.

26
Белгилер:
оорукана, бейтап, илдет, оору, статистика, Кыргызстан
Тема боюнча
Прокуратура: министрлик пандемияда 3,5 млн. сомго керексиз дары сатып алган