Өткөн суткада 79 кишиден коронавирус табылып, үч адам акка моюн сунду
(жаңыланган 11:24 07.02.2021)
Бир сутка ичинде эки медиктен коронавирус табылган, анын бирөө ооруну кызыл зонадан жуктуруп алган. Азыркы тапта 33 бейтаптын абалы өтө оор деп бааланды.БИШКЕК, 7-фев. — Sputnik. Өткөн суткада коронавирус 79 кишиден табылып, 93 бейтап айыкты. Бул тууралуу Республикалык штабдан кабарлады.
Кечээтен бери Ош, Баткен, Жалал-Абад облустарында бир дагы адамдан коронавирус аныкталган эмес.
Жуктургандар:
- Бишкек шаары – 19;
- Ош шаары – 2;
- Чүй облусу – 32;
- Талас облусу – 1;
- Нарын облусу – 10;
- Ысык-Көл облусу – 15.
Ушуну менен өлкө боюнча коронавирус жуктургандардын саны 81 635ке жетти.
Айыккандар:
- Бишкек – 35;
- Ош шаары – 3;
- Чүй облусу – 30;
- Ош облусу – 6;
- Талас облусу – 2;
- Нарын облусу – 1;
- Ысык-Көл облусу – 12;
- Жалал-Абад облусу – 3;
- Баткен облусу – 1.
Айыккандардын жалпы саны 81 635 болду.
Өткөн суткада коронавирус үч адамдын өмүрүн алган. Анын экөө Ысык-Көл облусунан болсо, бирөө Бишкекте көз жумган.
Коронавирустун курмандыгы болгондордун саны 1 426га жетти.
Учурда стационарларда 462 бейтап дарыланып жатат. Алардын ичинен 115инин абалы оор болсо, 33 бейтаптыкы өтө оор деп бааланды. Бүгүнкү күндө 609 бейтаптын амбулатордук шартта дарыланып жатканы маалым болду.
Бир сутка ичинде эки медиктен коронавирус табылган, анын бирөө ооруну кызыл зонадан жуктурганы айтылды.
Facebook жүздү таануу технологиясын колдонгону үчүн 650 млн. доллар айыпка жыгылды
(жаңыланган 15:13 01.03.2021)
2015-жылы штат жашоочулары Facebook компаниясына каршы доо арыз жазышкан. Анда тургундар компанияны биометрикалык маалымат чогултуу үчүн жүзүнөн таануу технологияларын колдонууда мыйзам бузган деп айыпташкан.БИШКЕК, 1-мар. — Sputnik. Американын Иллинойс штатынын тургундары Facebook компаниясы адамдын жүзүн таануу технологиясын колдонгондугу үчүн сотко берип 650 миллион доллар төлөттүрүп алды. Бул тууралуу Chicago Tribune гезити жазды.
2015-жылы штаттын жашоочулары Facebook компаниясына каршы доо арыз жазышкан. Анда тургундар компанияны биометрикалык маалымат чогултуу үчүн адамды жүзүнөн таануу технологияларын колдонууда мыйзам бузган деп айыпташкан. Facebook талашты жөнгө салуу үчүн 650 миллион доллар сунуштаган, андан мурда компания 550 миллион берерин айткан. Бирок Сан-Францисконун аймактык соту бул сумманын жетиштүү экенинен күмөн санаган.
©
Sputnik / Кирилл Каллиников
Маалыматта Facebook мындан ары жүздү таануу автоматтык технологиясын колдонбой турганы белгиленди. Компания колдонуучулар буга чейин деле жүздү таануу функциясын колдонуу же колдонбоону өздөрү чечип келгенин, бирок эми ал кызмат өчүк болорун, каалоочулар баракчанын тескөө бөлүмүнөн иштетип алса болорун айтышты.
УКМК Ошто облус башчысы Абдраимовдун партиясы шайлоого катышып жатканын сындады
(жаңыланган 14:32 01.03.2021)
Облус башчысы шайлоого катышып жаткан "Ишеним" саясий партиясынын негиздөөчүлөрүнүн бири катары катталган.БИШКЕК, 1-мар. — Sputnik. УКМК өкмөттүн Ош облусундагы өкүлү Жарасул Абдраимовго таандык партия жергиликтүү кеңештерге шайлоого катышып жатканын сындады.
Атайын кызмат шайлоо процесстери ачык жана коопсуз өтүшүн камсыздоого, бийлик тарабынан административдик ресурстун колдонулушуна бөгөт коюуга өзгөчө көңүл бура турганын белгиледи.
"Деген менен өкмөттүн Ош облусундагы өкүлү Жарасул Абдраимовдун "Ишеним" саясий партиясынын жергиликтүү кеңештерге шайлоого аттанып жатканы тынчсыздандырат. Ал партиянын негиздөөчүлөрүнүн бири катары катталган. УКМК дал ушул сыяктуу административдик ресурс колдонуу, шайлоонун таза эмес өтүшү 2020-жылдагы октябрь окуяларынын негизги себеби болгон деп эсептейт", — деп айтылат маалыматта.
Ошондой эле УКМК бардык саясий күчтөргө шайлоо мыйзамдарын так сактоону эскертип, эгер жаза басуулар болсо, белгиленген тартипте чара көрүлөрүн билдирди.
Жолон Мамытов — өмүр баяны
(жаңыланган 15:39 01.03.2021)
Жолон Мамытов 1940-жылы 1-апрелде Ош облусунун Кара-Суу районунун Төлөйкан айылында төрөлгөн. Билими:
- 1957-1962 — Бишкектеги Скрябин атындагы айыл чарба институтунун ветеринария бөлүмүндө окуган;
- 1969-1971 — Москвадагы Максим Горький атындагы институттун алдындагы жогорку курстан билим алган.
Эмгек жолу:
- 1962-1968 — Кара-Суу районунун "Катта-Талдык" совхозунда башкы ветврач;
- 1968-1969-жылдары — Ош облустук радиокомитетинде улуу редактор;
- Кийин Ош облустук радиоуктуруу жана телекөрсөтүү комитетинде редактор, Кыргызстан кинематографисттер союзунун жооптуу катчысы, республикалык мамкинонун башкы редактору, "Кыргызстан маданияты" редакциясынын поэзия бөлүмүнүн башчысы, Кыргызстан жазуучулар союзунда төрага орун басары болуп эмгектенген.
Чыгармалары:
- Жолон Мамытовдун алгачкы ыры 1954-жылы облустук "Ленин жолу" газетасына жарыяланган. Жолон Мамытов сүйүү темасына көп токтолгон акындардын сап башында.
- Анын "Отту сүйөм", "Жашыл аалам", "Убакыт", "Ырлар", "Мезгилдин элеси", "Буурул таңдын жомогу", "Суунун өмүрү", "Жарышкан суулар", "Атка токум салгыла", "Жүз жашка тол кылым", "Башат жана Мухит" аттуу поэтикалык жыйнактары басмадан чыгып, адабият күйөрмандарынын алкоосуна татыган. Айрым чыгармалары орус жана башка чет тилдерге которулган. Өзү да Федор Тютчевдин, Афанасий Феттин, Владимир Маяковскийдин, Миколас Слуцкистин айрым чыгармаларын кыргыз тилине которгон.
Үй-бүлөсү:
- Атасы Мамыт 1943-жылы Улуу Ата Мекендик согушка кетип кайтып келген эмес. Ага чейин айылда бригадир болчу. Апасы Алмакан ошол чөлкөмдө белгилүү чебер, уз, кошокчу жана ашкан сулуу аял болгон экен.
- Акындын жубайы Меңди Мамазаирова да чыгармачыл адам, жазуучу, журналист. Акындын сүйүү ырларынын жаралышына да ушул адам себепкер.
- 48 жашында Жолон Мамытов лейкоз (ак кан) илдетине кабылып, дарт менен жарым жылдай алышып, Москвага дарыланууга барып ошол жактан көз жумган.
Белгилер:
- Тема боюнча
- Тоголок Молдо — өмүр баяны