Кыргызстандын премьер-министри Улукбек Марипов. Архивдик сүрөт

Марипов чуу жараткан Төрткүл суу сактагычы боюнча видео кайрылуу жасады

663
(жаңыланган 22:08 07.02.2021)
Өкмөт башчынын айтымында, жакынкы күндөрдө Төрткүл суу сактагычын, ошондой эле анын башкы суу буруучу жерин стратегиялык объектилерге киргизүү боюнча иш башталды.

БИШКЕК, 7-фев. — Sputnik. Кыргызстандын премьер-министри Улукбек Марипов коомчулукта чуу жараткан Төрткүл суу сактагычы боюнча видео кайрылуу жасап, түшүндүрмө берди.

Эске салсак, буга чейин премьер-министр парламентте өкмөттүн курамы каралып жаткан кезде депутаттардын суроолоруна жооп берип жатып: "Баткенде Төрткүл суу сактагычына келген каналдын башын, тилекке каршы, алдырыптырбыз", - деп билдирген.

Кийин депутат Тазабек Икрамов эгер премьердин айткандары чын болсо, иш чатак жагына айланарын билдирген

Марипов бүгүнкү кайрылуусунда өзүнүн айткандарына төмөнкүчө түшүндүрмө берди.

"Баткен районунун Ак-Сай айылынын тургундары мени түшүндү деп ойлойм. Бул жерде сөз ошол Ак-Сай айыл өкмөтүнүн аймагындагы башкы суу бөлүштүрүүчү тосмосунан 500-600 метр жогору турган кошуна өлкөгө тиешелүү Кайрыма каналы тууралуу болгон. Тилекке каршы, кээ бир күчтөр муну туура эмес жакка бурууга аракет кылышы мүмкүн. Ушул маселени биз келечекте мамлекеттин кызыкчылыгына чечиле тургандай, мыйзамдын чегинде карашыбыз керек", — деди өкмөт башчысы.

Ал ошондой эле Төрткүлдү стратегиялык объектилердин катарына киргизүү боюнча иштер жүргүзүлөрүн билдирди.

"Баткендин эли чек арага чеп болуп коргоп келишет. Бул үчүн өзүнчө ыраазычылык билдиремин.Төрткүл суу сактагычы, анын башкы суу буруучу жери боюнча дагы биздин өзгөчө ой-пикирибиз бар. Жакынкы күндөрдө Төрткүл суу сактагычын, ошондой эле анын башкы суу буруучу жерин стратегиялык объектилерге киргизүү боюнча иш башталды. Муну президент менен Коопсуздук кеңешине сунуштайбыз", — деди Марипов.

Премьер-министр кошуна Тажикстан менен дагы ынтымакта жашап, бардык маселелерди дипломатиялык жол менен чечүү зарылдыгын кошумчалады.

Эске салсак, буга чейин өкмөт дагы Төрткүл суу сактагычы жана ага кошулган каналдар Кыргызстанга тийиштүү деген билдирүү тараткан.

663
Белгилер:
суу сактагычы, Тажикстан, Кыргызстан
Тема боюнча
Казакстанга кирүү эрежелери өзгөрдү. Эмнени билип алуу керек
Партктагы гүлдөр. Архив

Бейшембиге карата аба ырайы

58
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

58
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео
Кишенчен киши. Архив

Бизнесмен Жалил Атамбаев кармалып, камакка алынды

953
(жаңыланган 19:15 03.03.2021)
Шектүү мамлекеттик кызматта турганда мыйзамсыз негизде байыган деп УКМКнын тергөө абагына камакка алынды.

БИШКЕК, 3-мар. — Sputnik. Мыйзамсыз баюу фактысы боюнча Жалил Атамбаев кармалды. Бул тууралуу УКМКдан билдиришти.

Маалыматка караганда, ички иштер органдарынын мурунку кызматкери Атамбаевге каршы козголгон бир катар кылмыш иштери боюнча, анын ичинде мамлекеттик кызматта турганда мыйзамсыз баюу фактысы тууралуу тергөө иштери жүрүп жатат.

"Ички иштер органдарынын мурдагы кызматкери болуп саналган Жалил Атамбаев олуттуу финансылык ресурстарга ээ болуп, кымбат баалуу кыймылсыз мүлктү өзүнүн жакын туугандарынын атына каттатып алган", — деп айтылат маалыматта.

Шектүү Кылмыш-жаза кодексинин 323-беренесинин 2-бөлүмүнүн 2-пункту ("Мыйзамсыз баюу") боюнча кармалып, УКМКнын тергөө абагына киргизилди.

953
Белгилер:
бизнесмен, камак, мыйзамсыз, Жалил Атамбаев
Тема боюнча
Жеке клиниканын башкы дарыгери Матраимовдун абалы начар экенин айтты
УКМК ЖК депутаты Абжалиевди мыйзамсыз байыган деп иш козгоду