Биринчи класстын окуучулары. Архивдик сүрөт

Баланы 1-класска электрондук каттоодон өткөрүү. Видео түшүндүрмө

121
Эгер ата-энелерде түшүнбөгөн суроолор жаралса, 0312 54 30 24, 0706 12 22 11, 0776 12 22 114, 0556 12 22 11 номерлерине чалса болот.

БИШКЕК, 8-фев. — Sputnik. Билим берүү жана илим министрлиги Facebook баракчасына баланы 1-класска электрондук каттоодон кантип өткөрүү керектигин түшүндүргөн видео жарыялады.

Белгилей кетсек, 15-февралдан тарта Бишкектин мектептеринде электрондук каттоо башталат. Ушул эле долбоор февралдын ортосунда Ош, Кара-Балта, Кызыл-Кыя, Жалал-Абад шаарларында да башталып, 15-августка чейин уланат.

 Видеодо көрсөтүлгөндөй, электрондук каттоодон өтүү үчүн www.mektep.edu.gov.kg сайтына кирүү керек. Ал жактан тиешелүү бөлүмдөргө кирип, бош талааларды толтурган соң ата-эненин паспорту, баланын туулгандыгы тууралуу күбөлүгү жана жашаган жеринен маалым каттын көчүрмөсү тиркелиши шарт.

Эгер ата-энелерде түшүнбөгөн суроолор жаралса, 0312 54 30 24, 0706 12 22 11, 0776 12 22 114, 0556 12 22 11 номерлерине чалса болот.

Министрлик баланы эртерээк электрондук каттоодон өткөрбөсө, мектептерде бош орун калбай калышы ыктымал экенин эскерткен.

121
Белгилер:
электрондук каттоо, министрлик, Бишкек
Тема боюнча
Мэрия Бишкектин мектеп, бакчаларын офлайн-режимге өткөрбөй турууну чечти
COVID-19 тестирлөө борборунун медициналык кызматкерлери

Өткөн суткада 51 кишиден коронавирус табылды. 20 бейтап өтө оор абалда

6
(жаңыланган 10:05 26.02.2021)
Кечээтен бери Кыргызстанда бир дагы өлүм учуру катталган эмес. Мындан сырткары, бир сутка ичинде Бишкектен бир медиктен коронавирус аныкталган.

БИШКЕК, 26-фев. — Sputnik. Бир суткада 51 кишиден коронавирус табылып, 55 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 10;
  • Ош – 6;
  • Чүй облусу – 22;
  • Талас облусу – 1;
  • Нарын облусу – 2;
  • Баткен облусу – 1.

Ушуну менен коронавирус жуктургандардын жалпы саны 86 142ге жетти.

Айыккандар:

  • Бишкек – 14;
  • Чүй облусу – 20;
  • Ош облусу – 4;
  • Талас облусу – 2;
  • Нарын облусу – 3;
  • Ысык-Көл облусу – 10;
  • Баткен облусу – 2.

Өлкөдө айыккандардын жалпы саны 83 061 болду.

Бактыга жараша, кечээтен бери бир дагы бейтап оорудан көз жумган эмес.

Азыркы тапта ооруканаларда жалпы 368 бейтап дарыланып жатканы айтылды. Анын ичинен 86 адамдын абалы оор болсо, 20 бейтаптын абалы өтө оор деп бааланууда.

Бир сутка ичинде Бишкектен бир медиктен коронавирус табылган.

6
Белгилер:
бейтап, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
COVID жуктурган кош бойлуулар көбүнчө эрте көз жарат. Иликтөө
Президенттин алдындагы мамлекеттик башкаруу академиясынын бүтүрүүчүлөрү ассоциациясынын мүчөсү, эксперт Самат Ашымов

Ашымов: мамлекет даярдап чыгарган кадрынан өзү баш тартып коюуда

5
Президенттин алдындагы мамлекеттик башкаруу академиясынын бүтүрүүчүлөрү ассоциациясынын мүчөсү, эксперт Самат Ашымов өлкөдө кадр саясатын жүргүзүүнүн туруктуу механизми жоктугун айтты.

Мамлекет өзү мектептен, ЖОЖдон, анан да ар кандай даярдоо курстарынан өткөрүп, акысыз билим берип кадр даярдайт. Бирок ал адис жетекчилик кызматка бышып жетилип калганда саясий орундарга сырттан келгендер отуруп, ошол мекемени башкарып калып жатат. Бул чоң ката. Мындай пикирин Самат Ашымов Sputnik Кыргызстан радиосуна маек куруп жатып билдирди.

Ашымов: мамлекет даярдап чыгарган кадрынан өзү баш тартып коюуда

Анын айтымында, административдик кызматтарда жаш кадрларга стимул бере турган эч кандай аракеттер жок.

"Кыргызстанда кадр саясатын жүргүзүү жолго коюлган эмес. Өлкө өз каражатына даярдаган адистери бышып, жетилип калганда аларды жетекчилик кызматка койгондун ордуна саясий орундарга сырттан алып келишет. Алган маянасы аз, ошого карабай өз ишинин кесипкөй адиси болуп, карьера жасоону максат кылган жаштар үчүн мындай сокку анын кызматын таштап кетүүсүнө себеп болот. Мындан кайра эле мамлекет утулат. Анткени сырттан келген жетекчи тармакты түшүнүп ишке аралашканча бир жылдай убакыт өтүп кетет. Ал эми ал ишкана тууралуу баарын ичинен билген кыззматкер жеке тармакка жумушка орношуу менен ошол мамлекеттик органга атаандаштык жаратууда күчтүү кадрга айланат. Анткени ал өзү иштеп кеткен жердин бардык сырын билет. Андыктан саясий кызматтарга ошол тармакты мыкты билген, ашынган кесипкөй бирөө болсо гана сырттан келбесе, негизинен ичинде өсүп келе жаткан адистерден башчылыкка коюуну жолго салуу зарыл", — деди Ашымов.

Серепчи, ошондой эле, учурда өкмөт курамында жүрүп жаткан кадрдык өзгөрүүлөрдөн деле иреттелген кадамдар көрүнбөй жатканын кошумчалады.

5
Белгилер:
өкмөт, саясат, кадрлар
Тема боюнча
Орозбаев: мамлекеттик кадр саясатын жүргүзүүдө бизнестен үлгү алса болот