Акча жана лупа. Архивдик сүрөт

КРде илимге жумшалган каражат көбүнесе кайсы булактардан алынат. Статистика

63
Илимий иштер менен жыл сайын төрт миңден ашык киши алектенет. Булардын арасында эң көбү — илимдин докторлору жана кандидаттары.

БИШКЕК, 8-фев. — Sputnik. Кыргызстанда илимдин кайсы тармагына көбүрөөк акча жумшаларын Улуттук статистика комитети билдирди.

Маалыматка ылайык, 2019-жылы илимге бөлүнгөн каражаттын басымдуу бөлүгү, тагыраагы, 483 миллион сому илим-изилдөө иштерине кеткен. Ал эми илим тармагына жалпысынан 528 миллион сом жумшалган.

Илим-изилдөө иштерине долбоордук-конструктордук жана технологиялык иштер, курулуш үчүн долбоордук иштер, буюмдардын тажрыйбалык үлгүлөрүн даярдоо жана илимий-техникалык тейлөөлөр кирет.

Баса, жогоруда айтылган сумманын басымдуу бөлүгү илимпоздордун өз күчү менен (демөөрчүлүк негизинде) табылары айтылат.

Илимий иштер менен жыл сайын (акыркы беш жылдын ичинде) төрт миңден ашык киши алектенет. Булардын арасында эң көбү — илимдин докторлору жана кандидаттары.

Кыргызстанда илим чордону болгон Улуттук илимдер академиясына реформа керек экени бир топ жылдан бери айтылып келет.

63
Белгилер:
окумуштуулар, тармак, каражат, илим, Кыргызстан
Тема боюнча
Инаугурация өткөрүүгө канча каражат сарптала турганы айтылды
Былтыр Улуттук банк сомду колдоо үчүн 500 млн. доллардан ашык каражат жумшады
Ымыркай. Архив

Швецияда жарыкка келген ымыркайдан коронавирустун жаңы штаммы табылды

4
(жаңыланган 11:30 03.03.2021)
Баштапкы изилдөөлөр эне менен баланын вирустары бирдей экендигин көрсөткөн, бирок кийинки анализдерде ымыркайда оорунун жаңы түрү аныкталган.

БИШКЕК, 3-мар. — Sputnik. Швецияда жаңы төрөлгөн ымыркайдан коронавирустун жаңы штаммы табылганын "Известия" жазды.

Мальме ооруканасына ичи катуу ооруган кош бойлуу аял түшкөн. Медиктер кычкылтек жетишсиздигинен курсактагы баланын жүрөгү начар согуп жатканын аныкташкан. Аялга операция жасашып, коронавируска анализ алынгандан кийин баласы экөөнөн тең оору аныкталган. Геномдун анализи ымыркай инфекцияны төрөлгөнгө чейин эле жуктурганын көрсөткөн.

Баштапкы изилдөөлөр эне менен баланын вирустары бирдей экендигин аныктап чыккан, бирок кийинки анализдерде ымыркайда вирустун жаңы түрү белгилүү болгон.

Дарыгерлер бала төрөлөрү менен коронавирус аныкталган учур биринчи жолу катталып жатканын айтышты. Ал вирусту төрөлүп жатканда жуктуруп алышы мүмкүндүгү болжолдонгон.

COVID-19 жуктурган аял ооруну жеңил эле көтөргөндүктөн төрт күндөн кийин чыгарылган. Бала эрте төрөлгөнү үчүн медиктер көбүрөөк жардам берген, бирок антитело бат иштелип чыгып айыгып кеткен.

4
Белгилер:
кош бойлуу, ымыркай, коронавирус, Швеция
Тема:
Дүйнөгө жайылган коронавирус
Тема боюнча
Италияда коронавирустун "нигериялык" штаммы табылды
ДССУ: коронавирустун ыңгайлашып, көнүшүп кетүүсүнө жол бербейли!
Калпакчан балдар. Архив

Парад, жарманке. Бишкекте Калпак күнүнө карата иш-чара өтөт

7
(жаңыланган 11:28 03.03.2021)
Иш-чарада салттуу кийим кийгендер "Ала-Тоо" кинотеатрынан "Ала-Тоо" аянтына чейин параддан өтөрү айтылды.

БИШКЕК, 3-мар. — Sputnik. Бишкекте Ак калпак күнүнө карата салтанаттуу иш-чара өткөрүлөт. Бул тууралуу Маданият, маалымат, спорт жана жаштар саясаты министрлигинен кабарлашты.

Билдирмеге караганда, иш-чараны министрлик, Бишкек мэриясы жана "Улуттук намыс" уюму уюштурат.

"Анда салттуу кийимдердин парады болуп, кол өнөрчүлөрдүн жарманкеси өтөт. Калпактардын түрлөрү, салттуу кийимдер жана кол өнөрчүлөрдүн эмгектери коюлат", — деп жазылат маалыматта.

Иш-чара 4-март күнү саат 10:00дө баштала турганы айтылып, салттуу кийим кийгендер "Ала-Тоо" кинотеатрынан "Ала-Тоо" аянтына чейин параддан өтөрү кошумчаланды.

7
Белгилер:
жарманке, баш кийим, министрлик, маданият, иш-чара, калпак
Тема боюнча
Жапаров элди Туу күнү менен куттуктап, чакырык таштады
Кеп такыячан эл алдына чыгуу уят болот. Салттуу баш кийимдердин сырлары
 Жогорку Кеңештин төрагасы Талант Мамытов. Архив

Мамытов Конституция долбоорун талкуулабай, референдум дайындоого чакырды

0
(жаңыланган 11:46 03.03.2021)
Спикер депутаттар суроо берген сайын азыркы каралып жаткан долбоор талкууга жатпай турганын эскертип жатат.

БИШКЕК, 3-мар. — Sputnik. Жогорку Кеңештин төрагасы Талант Мамытов депутаттарга жаңы Конституциянын долбоорун талкуулабай, референдумду дайындоо керектигин эскертти.

"Кыргыз Республикасынын Конституциясы жөнүндө" Кыргыз Республикасынын мыйзам долбоору боюнча референдумду (бүткүл элдик добуш берүүнү) дайындоо тууралуу" мыйзамдын долбоору жалпы жыйында каралып жатат.

Анда депутаттар жаңы Баш мыйзамдын долбоорунун мүчүлүштүктөрүн айтып, оңдоону талап кылышкан.

"Долбоорду Конситутциялык кеңешме жазып чыккан, азыр парламент референдумду гана дайындашы керек. Андыктан Баш мыйзамдын долбоорун талкуулабай, референдум дайындоону карайлы", — деди Мамытов.

Спикер депутаттар суроо берген сайын азыркы каралып жаткан долбоор талкууга жатпай турганын эскертип жатат.

0
Белгилер:
Талант Мамытов, Жогорку Кеңеш, долбоор, кароо, конституция
Тема:
Жаңы Конституциянын долбоору жана референдум
Тема боюнча
Касымалиева Конституциянын долбоорун чачы таралбаган адамга салыштырды. Видео
ЖКда Конституциянын автору делген депутаттардын атын ачыктоо талап кылынды
ЖКнын тармактык комитети жаңы Конституциянын долбоорун жактырды