COVID: беш бейтап көз жумуп, 42 киши ооруп калды. Кыргызстандагы статистика
(жаңыланган 11:22 08.02.2021)
Акыркы убакта Кыргызстанда коронавирустан каза тапкандар күн сайын катталып жатат. Андан сырткары, стационарларда оор абалда жаткандар көп болууда.БИШКЕК, 8-фев. — Sputnik. Кыргызстанда акыркы суткада коронавирустан үч бейтап каза тапса, 42 киши ооруну жуктуруп алды. Бул туурасында Республикалык штабдан кабарлашты.
"Өткөн суткада Бишкек шаарында үч, Чүй облусунда бир, Ош облусунда бир бейтап оору менен алышып жатып көз жумду", — деп айтылат маалыматта.
Ал эми илдеттен 79 адам айыгып чыккан. Бирок учурда ооруканада дарыланып жаткандардын арасында абалы оор бейтаптар да бар.
"Учурда стационарда жаткандардын ичинен 118 адам оор, 31 киши өтө оор абалда жатат", — деп айтылат маалыматта.
Ал эми 572 адам амбулатордук дарыланууда экени кабарланды.
Бир сутка ичинде коронавирус инфекциясын жуктуруп алгандардын саны:
- Бишкек - 32;
- Ош - 2;
- Чүй облусу – 4;
- Жалал-Абад- 2;
- Нарын облусу - 1 ;
- Талас облусу - 1.
Бир сутка ичинде коронавирустан айыгып чыккандар:
- Бишкек – 33;
- Ош шаары – 2;
- Чүй облусу – 21;
- Ош облусу – 1;
- Нарын облусу – 3;
- Ысык-Көл облусу – 14;
- Жалал-Абад облусу – 5;
Ашказан-ичеги оорусу барлар вакцина алса болобу? Адистин жообу
(жаңыланган 23:14 07.03.2021)
Буга чейин ашказан, тамак сиңирүү органдары ооругандар эмдөөдөн өтсө болобу деген маселе коомчулукта кайра-кайра көтөрүлгөн.БИШКЕК, 7-мар. — Sputnik. Ашказан, ичеги-карын оорулары менен жабыркаган адамдар коронавируска каршы вакцина ала алышат. Бул тууралуу РИА Новости агенттиги жазды.
Москванын Саламаттык сактоо департаментинин штаттан тышкаркы башкы гастроэнтеролог адиси Дмитрий Бординдин айтымында, тамак сиңирүүсү начар бейтаптар SARS-CoV-2ге каршы эмдөөдөн өтө алат.
"Буга чейин ичегиси сезгенип, ашказаны ооругандар эмдөөдөн өтсө болобу деген маселе коомчулукта кайра-кайра көтөрүлгөн. Январь айында ал боюнча эл аралык сунуштама чыкты, февралда аталган илдет боюнча иш алып барган бүткүл россиялык коом да бир пикирге келди. Ичеги-карыны жакшы иштебегендер коронавируска каршы вакцина алышы керек", — деди Бордин.
Буга чейин адистер эмдөөнүн кыйыр таасири туурасында кеп кылып, анын иммунитеттен көз каранды эместигин айтышкан эле.
8-мартка карата аба ырайы
БИШКЕК, 7-мар. — Sputnik. 8-мартка караган түнү өлкөнүн тоолуу жана тоо этектериндеги аймактарында кар жаайт. Дыйканчылык өрөөндөрдө жаан-чачындын болушу болжолдонгон жок. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет маалымдады.
Абанын температурсы Чүй облусунда +10...+15, Таласта +9...+14, Ош, Жалал-Абад жана Баткен жергесинде +12...+17, Ысык-Көлдө +6...+11, Нарын аймагында +4...+9 градус болору айтылды.
Синоптиктер Ош жана Бишкек шаарларында күн ачык болуп, борбор калаада термометр +10...+12, ал эми экинчи борбор Ошто +15...+17 градусту көрсөтүп турарын билдиришти.
Белгилер:
Кыргызстандык жеңил атлетчилер Беларуста бир нече медаль алышты
(жаңыланган 00:16 08.03.2021)
Аталган спорттук иш-чарада кыргызстандык спортчулар баш-аягы эки алтын, бир күмүш жана үч коло медаль алышты.БИШКЕК, 8-мар. — Sputnik. Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды. Бул тууралуу КРдин Жеңил атлетика федерациясынан билдиришти.
©
Фото / пресс-служба федерации легкая атлетика КР
Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды
Дагы бир жөө күлүк Калыс Таштанов 1500 метр аралыкта марага биринчи жетип алтын, 800 метр аралыкта үчүнчү келип коло медалды байге куржунуна салган.
Аталган спорттук иш-чарада кыргызстандык спортчулар жалпы эки алтын, бир күмүш жана үч коло медаль алышты.