Педиатр жана алып баруучу Евгений Комаровский. Архив

Сыздоок тогуздап чыкпашы үчүн эмне кылуу керек. Дарыгердин кеңеши

253
(жаңыланган 10:01 08.02.2021)
Адистин айтымында, сыздооктун чыгышына стафилококк инфекциясы себепкер. Ал организмге иммунитет түшүп кеткенде же гормоналдык фон өзгөргөндө кирип кетет.

БИШКЕК, 8-фев. — Sputnik. Педиатр жана алып баруучу Евгений Комаровский сыздоок тогуздап чыкпашы үчүн эмне кылуу керектигин түшүндүрдү. Бул тууралуу анын Instagram баракчасына шилтеме берип РИА Новости жазды.

Дарыгердин айтымында, сыздооктун чыгышына стафилококк инфекциясы себепкер. Ал организмге иммунитет түшүп кеткенде же гормоналдык фон өзгөргөндө кирип кетет.

Андыктан адис чыйкан чыгары менен сыртынан бактерияга каршы дары-дармектерди сүйкөп, ал эми стафилококко каршы каражаттарды ичүү керектигин айтат.

Сыздоок — түк капчаларынын жана ага байланыштуу май бездерин ириңдетүүчү стафилококк микробу пайда кылган сезгенүү.

Сыздоокко теринин кичинекей болсо дагы жаракат пайда болгон жеринин булганышы, кийимдин өйкөшү, анын химиялык заттар менен дүүлүгүшү, ошондой эле тер менен майдын көп бөлүнүшү, витаминдин жетишсиздиги, зат алмашуунун бузулушу себеп болот.

253
Белгилер:
сыздоок, кеңеш, дарыгер, ден соолук
Тема боюнча
Интеллектуал адамдар кайсы ооруга көп кабылат? Дарыгердин пикири
Организмге D витамини жетишпей жатканын кайсы симптомдор билдирип турат
Pfizer вакцинасы. Архив

Австрияда Pfizer жана BioNTech вакцинасын алган соң 41 адам каза тапты

5
(жаңыланган 11:06 03.03.2021)
Дарыгерлер бейтаптардын өлүмү менен препаратты колдонуунун ортосундагы байланышты аныкташкан эмес.

БИШКЕК, 3-мар. — Sputnik. Австрияда 41 бейтап Pfizer жана BioNtech вакцинасын алгандан кийин көз жумду. Бул тууралуу РИА Новости кабарлады.

Ага ылайык, ошол эле маалда дарыгерлер бейтаптардын өлүмү менен препараттын ортосундагы байланышты аныкташкан эмес.

Отчетте белгиленгендей, үч бейтаптын эмдөөдөн кийин дароо эле көз жумганы сөөктү сойгон соң билинген. Дагы 11 адам эмдөөнү коронавирустун инкубациялык маалында алып каза тапкан. Калган 19 кишинин оорусу өлүмгө алып келди деп боолголонсо, сегизинин өлүмүнүн себеби учурда такталып жатканы айтылды.

Декабрь айынын башында америкалык Pfizer жана германиялык BioNTech компаниялары биргелешип чыгарган вакцина COVID-19га каршы АКШда жана Европа өлкөлөрүндө эмдөөгө колдонула баштаган.

5
Белгилер:
бейтап, вакцина, коронавирус, Австрия
Тема:
Дүйнөгө жайылган коронавирус
Тема боюнча
Роспотребнадзор коронавирустун "британиялык" штаммын аныктоочу тест жасады
Жер жашоочуларынын 10%ында гана COVID-19га каршы антитело бар
Рим шаарынын тургундары. Архив

Италияда коронавирустун "нигериялык" штаммы табылды

13
(жаңыланган 10:46 03.03.2021)
Бул штамм улам-улам мутацияланып турат, учурда коронавируска каршы чыгарылган вакциналар таасир этпеши мүмкүн.

БИШКЕК, 3-мар. — Sputnik. Коронавирустун "нигериялык" штаммы Италиянын түндүгүндөгү Ломбардия провинциясынын Брешия шаарында табылды. Бул тууралуу ANSA агенттиги Италиянын вирусологдор коомунун президенти, микробиологиялык лабораториянын директору Арнальдо Карузого таянып билдиргенин РИА Новости жазды.

Адистин билдиришинче, бул штамм улам-улам мутацияланып турат, учурдагы вакциналар натыйжасыз болушу мүмкүн.

Карузо коронавирустун табылган түрүнүн өзгөчөлүктөрү жөнүндө башка эч кандай маалымат берген эмес.

Нигерияда коронавирустун жаңы штаммы табылганы декабрь айында маалым болгон. Африкалык ооруларды көзөмөлдөө жана алдын алуу борборунун (CDC) маалыматы боюнча, жаңы вариант Нигериянын Осун штатында чогултулган үлгүлөрдүн арасында эки бейтаптын анализин изилдөөдө табылган.

Буга чейин декабрдын орто ченинде Улуу Британияда коронавирус — VUI-202012/01 мутациясы табылган. Кийинчерээк ал мурунку вируска салыштырмалуу 56-70 пайызга тезирээк тарай турганы маалым болгон. Ошондой эле бул штамм бейтаптарды өлүмгө алып келиши мүмкүн экени айтылган болчу.

13
Белгилер:
Италия, Нигерия, коронавирус
Тема:
Дүйнөгө жайылган коронавирус
Тема боюнча
ДССУ: коронавирустун ыңгайлашып, көнүшүп кетүүсүнө жол бербейли!
Роспотребнадзор коронавирустун "британиялык" штаммын аныктоочу тест жасады
Жогорку Кеңештин депутаты Жанар Акаев. Архив

ЖКда Конституциянын автору делген депутаттардын атын ачыктоо талап кылынды

0
Өткөн жылдын 17-ноябрында Жогорку Кеңештин 80 депутаты Конституциянын жаңы долбоорун жана референдум өткөрүү боюнча мыйзам долбоорун коомдук талкууга алып чыккан.

БИШКЕК, 3-мар. — Sputnik. Жогорку Кеңештин депутаты Жанар Акаев жаңы Конституциянын долбоорунун автору делген депутаттардын аты-жөнүн жарыялоону талап кылды.

Бүгүн парламенттин жалпы жыйынында Баш мыйзамдын долбоору каралып, референдум дайындоо маселеси күн тартибине киргизилди.

"Ушул долбоордун авторлору ким экени белгисиз. Компьютерде да, кагаз түрүндө таратканында дагы жок, жазылбаптыр. Азыр талкуу башталганга чейин жаңы Конституциянын долбоорунун автору делген депутаттардын аты-жөнүн таратып койсоңуздар. Эл билип алсын", — деди Акаев.

Эске салсак, өткөн жылдын 17-ноябрында Жогорку Кеңештин 80 депутаты Конституциянын жаңы долбоорун жана референдум өткөрүү боюнча мыйзам долбоорун коомдук талкууга алып чыккан. Парламентарийлердин демилгеси коомчулуктун катуу сынына кабылды. Эл өкүлдөрүнүн айрымдары автор экенин четке каккан.

Мындан улам ошол кездеги президенттин милдетин аткаруучу Талант Мамытовдун жарлыгы менен Баш мыйзамдын долбоорун талкуулоо үчүн 20-ноябрда Конституциялык кеңешме түзүлгөн. Алар 27-январда өз ишин жыйынтыктаган.

Ал эми 17-февралда жаңы Баш мыйзамды демилгечи делген 80 депутат жана Конституциялык кеңешменин мүчөлөрү талкуулаган.

0
Белгилер:
Жогорку Кеңеш, Жанар Акаев, долбоор, кароо, конституция
Тема боюнча
ЖКнын тармактык комитети жаңы Конституциянын долбоорун жактырды
Абдылдаев: Конституцияны эринбей Испания, Португалиядан алып жазышыптыр