Жолдогу люк. Архив

Убалга калбагыла! Бишкектин вице-мэри люк капкактарын уурдагандарга кайрылды

390
(жаңыланган 11:42 08.02.2021)
Соңку кезде ордо калаада люктун капкагы менен жаандын суусун өткөргөн жердеги торчолор жоголуп жатканы байкалууда.

БИШКЕК, 8-фев. — Sputnik. Бишкек мэриясынын турак жай-коммуналдык чарба иштери боюнча вице-мэри Жамалбек Ырсалиев люктун капкактарын уурдап кетип жаткандарга кайрылып, алардын кесепетинен көйгөйлөр жаралып жатканын айтты.

Акыркы учурда ордо калаада люктун капкагы менен жаандын суусун өткөргөн жердеги торчолор жоголуп жатканы байкалууда. Мындай арыздануулар шаардын ар кайсы жеринен түшүп жатат.

"Уурулар тажатты. Люктар менен арыктардын үстүндөгү жабылган капкактарды тынбай уурдап жатышат. Айлабыз кеткенде ширетип отурабыз. Жамгыр жааганда арыктын ичине ыргытылган таштандылар толуп, жолго суу атырылып агат. Анан шашылышта сварканы сүйрөп чуркамай. Жабдык чөнтөккө батпайт же колго көтөрүп алганга жеңил эмес", — деди мэрдин орун басары.

Ошондой эле Ырсалиев уурулар элдин убалына калып жатканын айтты.

"Айланайын уурулар! Кудай силерге ыйман берсин. Ушул люктар менен темир торду уурдап торго түшүп, элдин каргышына, үй-бүлөңөрдүн убалына калбагылачы. Силер уурдап кеткенден кийин люктарга кишилер, жолдогу арыкка машиналар түшүп жатат. Жалпак тил менен айтканда, акмак болуп элдин да убалына калбагылачы", — деди вице-мэр.

Ошондой эле Ырсалиев темир алгандарга капкак өткөргөндөрдү кармоого жардам берүүнү өтүнгөн.

Ал шаардык милициянын башчысы Канат Жумагазиев мындай уурулар менен күрөшүү үчүн райондун начальниктери менен жыйын өткөрөрүн айтканын кошумчалаган.

"Буюрса, жакшы жыйынтык күтүп отурам. Баарылап капкак уурдагандар менен күрөшөлү, достор. Ачылып калган аңды эле эмес, уурдап бараткан адамды же сатып алып жаткандарды да социалдык тармактарга чыгаралы", — деген Ырсалиев.

2019-жылы Бишкекте жаңы оңдолгон жолдорго орнотулган 800 люк жана темир торчо уурдалганы белгилүү болгон.

390
Белгилер:
кайрылуу, уурулук, вице-мэр, люк, Жамалбек Ырсалиев, Бишкек
Тема боюнча
Жаздан тарта кытай грантына оңдоло турган Бишкектин көчөлөрү. Тизме
Арыз жиберсең, отчётун аласың. Шаардыктар үчүн жаңы система ишке кирди
Кишилер Facebook логотибине заметкаларды жазып жатышат. Архив

Facebook жүздү таануу технологиясын колдонгону үчүн 650 млн. доллар айыпка жыгылды

30
(жаңыланган 15:13 01.03.2021)
2015-жылы штат жашоочулары Facebook компаниясына каршы доо арыз жазышкан. Анда тургундар компанияны биометрикалык маалымат чогултуу үчүн жүзүнөн таануу технологияларын колдонууда мыйзам бузган деп айыпташкан.

БИШКЕК, 1-мар. — Sputnik. Американын Иллинойс штатынын тургундары Facebook компаниясы адамдын жүзүн таануу технологиясын колдонгондугу үчүн сотко берип 650 миллион доллар төлөттүрүп алды. Бул тууралуу Chicago Tribune гезити жазды.

2015-жылы штаттын жашоочулары Facebook компаниясына каршы доо арыз жазышкан. Анда тургундар компанияны биометрикалык маалымат чогултуу үчүн адамды жүзүнөн таануу технологияларын колдонууда мыйзам бузган деп айыпташкан. Facebook талашты жөнгө салуу үчүн 650 миллион доллар сунуштаган, андан мурда компания 550 миллион берерин айткан. Бирок Сан-Францисконун аймактык соту бул сумманын жетиштүү экенинен күмөн санаган.

Соттун чечимине ылайык, штаттагы 1,6 миллион тургундун сотко кайрылгандарынын ар бири компенсация катары 345 доллардан алмай болду. Каражаттын бир бөлүгү юристтин ишине жумшалат.

Маалыматта Facebook мындан ары жүздү таануу автоматтык технологиясын колдонбой турганы белгиленди. Компания колдонуучулар буга чейин деле жүздү таануу функциясын колдонуу же колдонбоону өздөрү чечип келгенин, бирок эми ал кызмат өчүк болорун, каалоочулар баракчанын тескөө бөлүмүнөн иштетип алса болорун айтышты.

30
Белгилер:
айып, Facebook, функция, сот, АКШ
Тема боюнча
Компьютерди талкалап кирген хакер эмнелерди көрө алат. Шок кылган видео
Анжелика, Асел, Самара. Instagram баракчасындагы "миллионер" жылдыздар
Ош шаарындагы шайлоо участкасында добуш берүү учурунда кишилер. Архив

УКМК Ошто облус башчысы Абдраимовдун партиясы шайлоого катышып жатканын сындады

163
(жаңыланган 14:32 01.03.2021)
Облус башчысы шайлоого катышып жаткан "Ишеним" саясий партиясынын негиздөөчүлөрүнүн бири катары катталган.

БИШКЕК, 1-мар. — Sputnik. УКМК өкмөттүн Ош облусундагы өкүлү Жарасул Абдраимовго таандык партия жергиликтүү кеңештерге шайлоого катышып жатканын сындады.

Атайын кызмат шайлоо процесстери ачык жана коопсуз өтүшүн камсыздоого, бийлик тарабынан административдик ресурстун колдонулушуна бөгөт коюуга өзгөчө көңүл бура турганын белгиледи.

"Деген менен өкмөттүн Ош облусундагы өкүлү Жарасул Абдраимовдун "Ишеним" саясий партиясынын жергиликтүү кеңештерге шайлоого аттанып жатканы тынчсыздандырат. Ал партиянын негиздөөчүлөрүнүн бири катары катталган. УКМК дал ушул сыяктуу административдик ресурс колдонуу, шайлоонун таза эмес өтүшү 2020-жылдагы октябрь окуяларынын негизги себеби болгон деп эсептейт", — деп айтылат маалыматта.

Ошондой эле УКМК бардык саясий күчтөргө шайлоо мыйзамдарын так сактоону эскертип, эгер жаза басуулар болсо, белгиленген тартипте чара көрүлөрүн билдирди.

163
Белгилер:
Жарасул Абдураимов, саясый партия, шайлоо, УКМК
Тема боюнча
Уюшкан кылмыштуу топтун мүчөлөрү бир да шайлоого катыша албайт. Мыйзам долбоору
Жергиликтүү кеңештердин шайлоосуна канча акча сарпталары белгилүү болду

Казакстандык жана украиналык футболчулар мушташа кетип, оюн токтоду. Видео

0
(жаңыланган 16:09 01.03.2021)
Казакстандык "Окжетпес" жана украиналык "Верес" футбол клубдарынын беттеши массалык мушташтан улам токтотулду.

Жолдоштук беттеш Түркиянын Белек аймагындагы машыгуу базасында өткөн.

Оюн достук маанайда башталып, казакстандыктар эсепти ачкан. Биринчи бөлүктүн 29-мүнөтүндө украиналыктардын коргоочусу Дмитрий Немчанинов орой ойноп, казакстандык оюнчу ага каршы атырылган. Чырды токтотуунун ордуна алмашууда турган оюнчулар, машыктыруучулар штабы оюн талаасына чуркап чыгып, мушташа кетишкен.

Калыстар оюнду токтотууга аргасыз болушкан. Эсеп 1:1 болчу.

Кийинчерээк "Окжетпес" клубу бул ички чемпионатка карата даярдык иретинде өткөрүлгөн беттеш экенин билдирген.

"Матч бейрасмий экенине карабай орой жана кооптуу өттү. Мындай оюндан кийин жаракат алган оюнчу футболго жараксыз болуп калышы да толук мүмкүн. Беттеш токтотулуп, командалар тарап кетти", — деген казакстандык команда.

Өз кезегинде "Верестин" башкы машыктыруучусу Юрий Вирт мындай чырдын чыкканына казакстандыктардын ашкере орой ойногону себеп болгонун айтты.

0
Белгилер:
мушташ, беттешүү, Түркия, Украина, Казакстан, футбол
Тема боюнча
Бразилия чемпионатынын финалында футболчулар массалык мушташ чыгарышты. Видео