Баткен облусунун аймагында төрт ири суу чарба объектилеринин курулушу жүрүп жатат

Баткен облусунда төрт жерде ири канал курулууда. Сүрөттөр

210
(жаңыланган 17:02 08.02.2021)
Каналдын экөө Кадамжай районунда, дагы экөө Баткен жана Лейлек райондорунда курулуп жатат. Долбоорлор ишке ашса миңдеген гектар жерге суу жетет.

БИШКЕК, 8-фев. — Sputnik. Баткен облусунун аймагында төрт ири суу чарба объектилеринин курулушу жүрүп жатат. Бул тууралуу өкмөттүн облустагы өкүлчүлүгүнүн маалымат кызматы билдирди.

  • Рабочие во время строительных работ ирригационных каналов в Баткенской области
    Баткен облусунун аймагында төрт ири суу чарба объектилеринин курулушу жүрүп жатат
    © Фото / пресс-служба полпредства правительства в Баткенской области
  • Рабочие во время строительных работ ирригационных каналов в Баткенской области
    Каналдын экөө Кадамжай районунда, дагы экөө Баткен жана Лейлек райондорунда салынууда
    © Фото / пресс-служба полпредства правительства в Баткенской области
  • Рабочие во время строительных работ ирригационных каналов в Баткенской области
    Бул курулуштар 2026-жылга чейинки узак мөөнөттүү стратегиялык мамлекеттик программа боюнча аткарылып жаткан ирригациялык объектилер болуп саналат
    © Фото / пресс-служба полпредства правительства в Баткенской области
  • Рабочие во время строительных работ ирригационных каналов в Баткенской области
    Бул программага облустан жалпы 8 ирригациялык курулма кирген.
    © Фото / пресс-служба полпредства правительства в Баткенской области
1 / 4
© Фото / пресс-служба полпредства правительства в Баткенской области
Баткен облусунун аймагында төрт ири суу чарба объектилеринин курулушу жүрүп жатат

Каналдын экөө Кадамжай районунда, дагы экөө Баткен жана Лейлек райондорунда салынууда.

"Бул курулуштар 2026-жылга чейинки узак мөөнөттүү стратегиялык мамлекеттик программа боюнча аткарылып жаткан ирригациялык объектилер болуп саналат. Бул программага облустан жалпы 8 ирригациялык курулма кирген. Учурда аткарылып жаткан 4 сугат каналынын курулушуна республикалык бюджеттен жана инвесторлордон этап-этабы менен каражат бөлүнүп, курулуштары жүрүүдө", — деп айтылат маалыматта.

Молдо-Нияз каналы

Кадамжай районунун Көтөрмө айыл аймагында Молдо-Нияз каналы курулууда. Узундугу 7,3 чакырым болгон каналдын жалпы сметалык баасы 280,0 миллион сомду түзөт.

Бүгүнкү күндө 224,0 миллион сомдук курулуш иштери аткарылды. Учурда 538 метр тоннель казылып, аны бетондоо иштери аткарылууда. Аталган сугат канал аяктаса 300 гектар жаңы жер өздөштүрүлүп, 410 гектар жерге суу берүү жакшырат.

"Кара-Кыштак Боз" каналы

Кадамжай районунун Үч-Коргон айыл аймагында сметалык баасы 401,0 миллион сомдук "Кара-Кыштак Боз" каналы курулуп жатат. Бүгүнкү күндө аталган каналга кошумча дагы 1,5 чакырым ички чарбалык канал куруу иштери жүрүүдө. Бул сугат каналынын курулушу менен 568 гектар жер өздөштүрүлүп, 700 гектар жерге суу берүү жакшырат. Каналдын узундугу 14,5 чакырымды түзөт.

"Р-4" каналы

Баткен облустук үй-бүлөлүк дарыгерлер борборуна тогуз тез жардам унаасы берилди
© Фото / пресс-служба полпредства правительства в Баткенской области
Облустун Баткен районундагы "Р-4" каналын куруу жана сыйымдуулугун көбөйтүү долбоору ишке ашууда. Курулуштун жалпы сметалык баасы 500,0 миллион сом. Бүгүнкү күндө аткарылган жумуштардын болжолдуу суммасы 347,0 миллион сомду түздү. Каналдын жалпы узундугу 46 чакырым болсо, анын 12,4 чакырым аралыктагы негизги бөлүк болгон эскиси толук бүткөрүлүп, жаңы каналдын 3 950 метрин бетондоо иштери, жаңы ички чарбалык каналдын 24 600 метр курулушу бүткөрүлдү. Натыйжада долбоордун биринчи этабы аяктады. Долбоор ишке ашса аймакта 1 500 гектар жаңы жер өздөштүрүлөт.

Арка массивине дюкер

Лейлек районунун Арка массивине өз нугу менен суу жеткирүү, дюкер куруу үчүн республикалык бюджеттен 100 миллион сом акча каралган. Бүгүнкү күндө дюкердин суу алуучу курулмасында жана кум топтолуучу жайында курулуш жүрүп жатат. Долбоор аяктаса жалпысынан 2 500 гектар жер өздөштүрүлүп, сугат суу берүү жакшырат. Эң негизгиси суу таңкыс болгон, чек арадагы, эң алыскы Максат айылына суу жетет.

210
Белгилер:
долбоорлор, канал, суу, сугат, Баткен облусу
Тема боюнча
Кадамжайда ашар жолу менен суу каналы курулуп жатат
Баткенде элдин күчү менен Ак-Гоорум каналы курулуп, суу жиберилди. Сүрөт, видео
Автосалонда киши. Архив

Жаңы автоунаа сатып алууда айдоочулар беш нерсени эске алышы керек

34
Автоунаа чыгарган компания жана заводдор менен келишими жок иштеген сатуучулар жоопкерчилик албай турганы эскертилди.

БИШКЕК, 26-фев. — Sputnik. Айдоочулар жаңы автоунаа сатып алууда беш нерсени эске алышы керектигин РИА Новости жазды.

Адистердин айтымында, биринчи кезекте унаа чыгарган компания жана заводдор менен келишими жок иштеген сатуучулардан (дилер) качуу керек. Себеби кийин көйгөйлөр болсо аларды жоопкерчиликке тартууга мүмкүн эмес.

Экинчиден, компанияда токтоп турган жаңы унаалардан албай эле, өзүңүздүн атыңызга буюртма кылып күтө турган оң. Себеби ашыкча эле опцияларга каражат кетиши мүмкүн.

Документтерди толтурууда майда-чүйдөсүнө чейин көңүл бурууга чакырды.

Ошондой эле адистер автоунаанын баасы, алып кетүү убактысы жана дилердин жоопкерчилиги тууралуу кенен маалымат алууга кеңеш берген.

Мындан тышкары, автокөлүктү сатып алууда арзандатуулар тууралуу сурап, машинанын алды-артын кылдат текшерүүнү эскертишкен.

34
Белгилер:
кеңеш, сатуу-сатып алуу, айдоочу, унаа
Тема боюнча
Бишкектеги автомектептердин тизмеги. Шарты жана баалары
Кышында унаадагы күйүүчү майды үнөмдөөнүн жолу айтылды
Кыз төшөктө уктап жатат. Архив

Косметолог уйкунун сулуулук менен байланышын айтып берди

35
Дарыгер белгилегендей, жакшы уктоо үчүн жаздыкты туура тандоо зарыл. Эгер жаздык туура тандалса, уйку учурунда моюнда кан айлануу жакшы жүрүп, эртең менен адам шишибей, башы оорлошпой ойгонот.

БИШКЕК, 26-фев. — Sputnik. Медицина илимдеринин доктору, дарыгер, дерматолог-косметолог Светлана Жабоева теринин эрте картайып кетүүсүн алдын алуу үчүн толук кандуу уйку маанилүү экенин, канча саат, кандай абалда уктоо керектигин айтып берди. Бул тууралуу "Известия" басылмасы жазды.

Дарыгер белгилегендей, жакшы уктоо үчүн жаздыкты туура тандаш керек. Эгер жаздык туура тандалса, уйку учурунда моюнда кан айлануу жүрүп, эртең менен адам шишибей, башы оорлошпой ойгонот.

Косметологдун айтымында, жаздыктын баары эле жарай берет. Болгону анын бийиктиги ийиндин көлөмүнүн жарымынан кичине болбошу керек. Ал адамдын кандай абалда уктаганы, алсак, чалкасынан, көмкөрөсүнөн, капталынан жатканы да өтө маанилүү экенине токтолгон.

"Ыңгайлуу жатып уктоо абдан маанилүү. Эң башкысы — көмкөрөңөр менен бетти жаздыкка коюп жатпагыла! Эгер моюнда остеохондроз болсо, анда сөзсүз түрдө туура абалда жатууга көңүл буруңуз", — деген адис.

Косметолог сулуулукту сактап, теринин жакшы абалда болушу үчүн уйку дагы маанилүү экенин белгилеген. Эгер уйку канбай калса, анда ал организмдеги зат алмашуу процесстерине таасирин тийгизет. Ошол себептен уйку жети сааттан кем болбошу керектигин айткан.

Дерматолог ошондой эле жатарда суусундукту көп ичпөөнү эскерткен. 

35
Белгилер:
бет, сулуулук, тери, уйку, кеңеш, косметолог, дерматолог
Тема боюнча
Марипов: уйкунун бир цикли 90 мүнөттү түзүп, таң аткыча беш ирет кайталанат
Тай бокс боюнча мелдеш. Архив

Тай бокс чебери атаандашын санга тээп нокаутка кетирди. Видео

0
Бул кармаш эки мушкер үчүн да дебюттук беттеш болгон. Алардын бири таймашта баштан-аяк кубаттуу тепки жасап, атаандашын бүк түшүргөн.

БИШКЕК, 26-фев. — Sputnik. Таиландда муай-тай мушкери атаандашын жоон санына катуу тээп нокаутка кетирди. Бангкоктогу мелдеште болгон окуянын видеосу интернетке чыкты.

"Президент" каймана аты бар тай бокс чебери Роберт Сор Танабавон беттеште баштан-аяк атаандашына кубаттуу соккуларды уруп, чабуул жасаган. Үчүнчү раунддун орто ченинде анын атаандашы Саклека Киатфетчедыга бир катар соккуларды уруп, жоон санына катуу тепкен. Ал кулап, ордунан тура албай калган. Калыс муну нокаут деп эсептеп, беттешти дароо токтоткон.

Жергиликтүү ЖМКлар бул беттеш эки мушкер үчүн да дебюттук экенин жазышты.

0
Белгилер:
нокаут, сокку, беттешүү, тай боксу
Тема боюнча
Жыга чапты. Мушкер Абдыкааровдун OPEN FC беттешинде уткан учурунун видеосу