Дайыма чарчап жүрөсүзбү? Невролог абалдан чыгуунун жолун айтты
БИШКЕК, 9-фев. — Sputnik. Россияда жогорку категориядагы дарыгер, невролог Инесса Колчу aif.ru сайтына маек берип жатып, өнөкөткө айланып калган чарчаңкы абалдан чыгуунун жолдорун айтып берди. Бул тууралуу "Известия" басылмасы жазды.
Адис белгилегендей, чарчап-чаалыккан абал өнөкөткө айланып калганда дары-дармекти дарыгер жазып берген учурда гана колдонуу керек. Кадимки, дени сак абалга кайтуу үчүн башка ыкмаларды деле колдонсо болот.
"Абалды жөнгө салуу үчүн жумуштан кийин эс алууга көбүрөөк убакыт калтыруу керек. Дем алыш күндөрдү да унутуп калбаңыз. Жумуш учурунда 1-1,5 саат сайын бир аздан тыныгуу жасап турган жакшы. Эгер адам отуруп же мээге күч келген жумушта иштесе, эс алуу учурунда дене тарбия көнүгүүлөрүн жасаганы оң", — деди невролог.
Адис жаратылышка чыгып, эмгек өргүү учурунда саякаттоо дагы күчтү кайра калыбына келтирүүгө жакшы жардам берерин белгилеген. Ал спорт менен машыгуу да абдан пайдалуу экенин айтып, айрыкча адам өзүнө жаккан спорттун түрү менен алектенген учурда көп күч-кубат аларын кошумчалаган.
"Дайыма чарчап жүрсөңүз тамак рационуңузду дагы өзгөртүп, жашылча-жемишти көп жеш керек. Уйку кандыруу да маанилүү. Чоң киши сегиз сааттан кем уктабай, 23:00гө чейин жатып эс алганы туура", — деп сунуштаган адис.
Чарчоо өнөкөткө айланып калган учурда дарыгер колдон келишинче маанайды көтөрүүнү сунуштайт. Мисалы, балдары менен убакыт өткөрүп, театрга барып, теңтуштар менен кече өткөрүп же жакшы көргөн китебин окушу керек. Витаминдер да жардам берет, бирок аларды туура тандоо үчүн дарыгерден кеңеш алуу керектиги кошумчаланды.
Эскертүү! Бүгүн кечинде Бишкек — Ош жолу дагы жабылат
(жаңыланган 18:02 25.02.2021)
Жеңил машиналардын да, жүк ташуучу автоунаалардын да "Сосновка" жана "Арал" постторунан өтүүсүнө тыюу салынат.БИШКЕК, 25-фев. — Sputnik. Кар көчкү түшүү коркунучунан улам бүгүн кечинде Бишкек — Ош жолу толугу менен жабылат. Бул тууралуу Транспорт, архитектура жана коммуникациялар министрлиги кабарлады.
Маалыматка ылайык, бүгүн, 25-февралда, саат 22:00дөн таңкы саат 6:00гө чейин чектөө киргизилет. Бул аралыкта жеңил машиналардын да, жүк ташуучу автоунаалардын да түндүк тарабынан "Сосновка", түштүк жагынан "Арал" постунан өтүүсүнө тыюу салынат.
Транспорт министрлиги катаал аба ырайы, кар көчкү түшүү коркунучу жаралып жаткандыктан узак жолго чыкпай турууга чакырат.
Белгилей кетсек, кечээ дагы Бишкек — Ош жолу жабылып, таңкы саат 6:00дө жеңил автоунаалардын каттамына уруксат берилген.
Белгилер:
Сазыков: учурда 230 миңден ашуун адам салыкты онлайт төлөп жатат
(жаңыланган 16:26 25.02.2021)
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков бирдиктүү салык декларациясын юридикалык жактар 1-мартка чейин тапшырышы зарыл деди.Салык төлөөдөгү, декларация толтуруудагы электрондук кызматтарды онлайн колдонуу ыңгайлуу жана акысыз. Бул тууралуу Эркин Сазыков Sputnik Кыргызстан радиосуна маек куруп жатып билдирди.
Сазыков: учурда 230 миңден ашуун адам салыкты онлайт төлөп жатат
Анын айтымында, быйыл жеке жактар салык декларациясын 2019-2020-жылдарга тапшырат.
"Азыркы убакта 230 миңден ашык салык төлөөчү электрондук форматка өткөн. Бул жарандардын өзү үчүн эле ыңгайлуу болот. Биринчиден, убактысы үнөмдөлөт жана 24 саат ичинде өзү каалаган учурда кызматтан пайдалануу мүмкүнчүлүгү түзүлөт. Экинчиден, азыркы эпидемиологиялык абалда коопсуздукту камсыздайт. Ошондой эле бул таптакыр акысыз көрсөтүлүүчү кызмат. Анан да анда электрондук эсептегичтер болуп, программа өзү жардам берет. Электрондук кызматтардан колдонуу үчүн болгону бир ирет тиешелүү мекемеге келип, логин алып, сыр сөзүн бекитип, https://salyk.kg/ сайтынан жеке кабинетке ээ болот", — деди Сазыков.
Ал жеке жактар бирдиктүү салык декларациясын 1-апрелге чейин тапшыруу зарылдыгын кошумчалады.
Белгилер:
АКШ Кыргызстандан үйрөнсүн. Мамдума төрагасы Жапаров менен жолуккан видео
Володин бүгүнкү жолугушуу эки өлкөнүн мамилелеринин жаңы барактарын ачууга өбөлгө болоруна ишеним артты.
"Сиздин келишиңиз жана бүгүнкү жолугушуу өнүгүүнүн жаңы бийиктиктерине чыгууга, анын ичинде парламенттер аралык мамилелерди арттырат деген ниеттемин. Биз парламенттик кызматташуунун алкагындагы маселелерди талкуулап, сүйлөшөбүз", — деди Мамдума спикери.
Ошондой эле ал Садыр Жапаровду президент болуп шайланышы менен куттуктады.
"Биздин байкоочулар шайлоодо атаандаштык, ачыктык жана легитимдүүлүк жогорку деңгээлде болду деген пикирге келишти. Кыргызстандагы шайлоо АКШга караганда ачык өттү. Кошмо Штаттары ар дайым алардан үйрөнүү керектигин айтып келген, эми өздөрү сиздерден үйрөнүшү керек. АКШга караганда Кыргызстандагы шайлоого ишенсе болот", — деди Володин.
©
Sputnik / Владимир Астапкович
Ал эми Жапаров жаңы чакырыктар менен коркунучтарга, анын ичинде вирус коркунучуна, ошондой эле эл аралык терроризм менен экстремизмге каршы күрөшүүдө жана коопсуздукту камсыз кылууда эки өлкөнүн парламенттеринин күч-аракетин бириктирүү маанилүү экенин белгиледи.