Кыш кете электе... Баткенде жазгы айдап себүү жумуштары башталды. Сүрөт
БИШКЕК, 10-фев. — Sputnik. Жаз эрте келген Баткен облусунун Лейлек районунун Кулунду айыл аймагында 500 гектар жерге арпа себилди. Бул тууралуу өкмөттүн облустагы өкүлчүлүгү билдирди.
Билдирмеде облустун башка аймактарында да жер айдоо жумуштары кызуу жүрүп жатканы белгиленди.
Жаз эрте келген Баткен облусунун Лейлек районунун Кулунду айыл аймагында 500 гектар жерге арпа себилди© Фото / пресс-служба полпредства правительства в Баткенской области
Билдирмеде облустун башка аймактарында да жер айдоо жумуштары кызуу жүрүп жатканы белгиленди© Фото / пресс-служба полпредства правительства в Баткенской области
©
Фото / пресс-служба полпредства правительства в Баткенской области
Быйыл жазында облуста 9 247 гектарга буудай, 11 495 гектарга арпа себүү пландалган. Ошондой эле 1 450 гектарга дан буурчак, 432 гектарга май өсүмдүктөрүн эгүү аракеттери көрүлүүдө.
"Негизи 2021-жылдын түшүмү үчүн жаздык жана күздүк себүүдө 30 501 гектар жерге кылкандуу дан эгиндерин себүү пландалган. Облуста жаздагы айдап себүүгө айыл чарба техникасы даяр. Күйүүчү жана майлоочу майлар жылдагыдай эле жетиштүү. Дыйкандарга мамлекет тарабынан арзандатылган баада сатуу уюштурулууда. Учурда жер семирткич, үрөн жергиликтүү базарларда сатылып жатат", — деп айтылат маалыматта.
Баткен облусунда 2021-жылы жазгы талаа жумуштарын өз убагында бүтүрүү максатында облус башчысынын буйругу чыккан. Анын алкагында пандемияга байланыштуу азык-түлүк коопсуздугун алдын алуу, бааларды турукташтыруу, айдоо аянттарын кеңейтүү, негизги керектелүүчү продукцияларды өндүрүү менен көлөмүн өстүрүүнү колго алуу, дыйкандарга түшүндүрүү иштерин жүргүзүү боюнча тапшырмалар берилген.
Белгилер:
Бейшембиге карата аба ырайы
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.
Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.
Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.
Белгилер:
Бизнесмен Жалил Атамбаев кармалып, камакка алынды
(жаңыланган 19:15 03.03.2021)
Шектүү мамлекеттик кызматта турганда мыйзамсыз негизде байыган деп УКМКнын тергөө абагына камакка алынды.БИШКЕК, 3-мар. — Sputnik. Мыйзамсыз баюу фактысы боюнча Жалил Атамбаев кармалды. Бул тууралуу УКМКдан билдиришти.
Маалыматка караганда, ички иштер органдарынын мурунку кызматкери Атамбаевге каршы козголгон бир катар кылмыш иштери боюнча, анын ичинде мамлекеттик кызматта турганда мыйзамсыз баюу фактысы тууралуу тергөө иштери жүрүп жатат.
"Ички иштер органдарынын мурдагы кызматкери болуп саналган Жалил Атамбаев олуттуу финансылык ресурстарга ээ болуп, кымбат баалуу кыймылсыз мүлктү өзүнүн жакын туугандарынын атына каттатып алган", — деп айтылат маалыматта.
Шектүү Кылмыш-жаза кодексинин 323-беренесинин 2-бөлүмүнүн 2-пункту ("Мыйзамсыз баюу") боюнча кармалып, УКМКнын тергөө абагына киргизилди.