Жаңы үйдүн батирин карап жаткан үй-бүлө. Архив

Өкмөт беш жылда 7 500гө жакын кишини үй менен камсыздоону пландап жатат

51
(жаңыланган 10:47 10.02.2021)
Марипов тийиштүү мамлекеттик органдарга өнөктөш-банктар, донорлор менен биргеликте мамлекеттик ипотека боюнча пайыздык ченди кыскартуу маселесин иштеп чыгууну тапшырган.

БИШКЕК, 10-фев. — Sputnik. Кыргызстанда өкмөт 2026-жылга чейин 7 500дөн кем эмес үй-бүлөнү турак жай менен камсыздоо, жалпы аянты 150 000 чарчы метрден кем эмес турак жай сатып алууну жана курууну каржылоо каралууда. Бул туурасында өкмөттөн маалымдашты.

Билдирүүдө "Менин үйүм — 2021-2026" деп аталган программанын концепциясы талкууланып, анын концепциясынын долбоорун жактыруу чечими кабыл алынганы айтылат. Аталган программа Экономика министрлиги жана Мамлекеттик ипотекалык компания менен биргеликте иштелип чыккан.

"Программа аркылуу 2021-2026-жылдары 7 500дөн кем эмес үй-бүлөнү турак жай менен камсыздоо, жалпы аянты 150 000 чарчы метрден кем эмес турак жай сатып алып, курууну каржылоо, жалпы суммасы 5 миллиард сомдон кем эмес инвестиция тартуу каралган. Андан сырткары, 1 миллиард сомдон кем эмес суммадагы ипотекалык баалуу кагаздарды чыгаруу жана жайгаштыруу пландалууда", — деп айтылат маалыматта.

Жыйында премьер-министр Улукбек Марипов тийиштүү мамлекеттик органдарга өнөктөш-банктар, донорлор менен биргеликте мамлекеттик ипотека боюнча пайыздык ченди кыскартуу жөнүндө маселени иштеп чыгууну тапшырган.

51
Белгилер:
турак-жай, өкмөт, ипотекалык насыя, Кыргызстан
Тема боюнча
Ипотеканы мөөнөтүнөн эрте кайтаруу: артыкчылыгы, кыйынчылыгы жана кеңештер
Кыргызстанда ислам принциптери менен ипотека берүү пландалууда
Абжапарова: мамлекеттик ипотеканы активдүү кардарлар биринчи алып кете берет
Бишкек — Ош жолундагы Төө Ашуусу. Архивдик сүрөт

Эскертүү! Бүгүн кечинде Бишкек Ош жолу дагы жабылат

28
(жаңыланган 18:02 25.02.2021)
Жеңил машиналардын да, жүк ташуучу автоунаалардын да "Сосновка" жана "Арал" постторунан өтүүсүнө тыюу салынат.

БИШКЕК, 25-фев. — Sputnik. Кар көчкү түшүү коркунучунан улам бүгүн кечинде Бишкек — Ош жолу толугу менен жабылат. Бул тууралуу Транспорт, архитектура жана коммуникациялар министрлиги кабарлады.

Маалыматка ылайык, бүгүн, 25-февралда, саат 22:00дөн таңкы саат 6:00гө чейин чектөө киргизилет. Бул аралыкта жеңил машиналардын да, жүк ташуучу автоунаалардын да түндүк тарабынан "Сосновка", түштүк жагынан "Арал" постунан өтүүсүнө тыюу салынат.

Транспорт министрлиги катаал аба ырайы, кар көчкү түшүү коркунучу жаралып жаткандыктан узак жолго чыкпай турууга чакырат.

Белгилей кетсек, кечээ дагы Бишкек — Ош жолу жабылып, таңкы саат 6:00дө жеңил автоунаалардын каттамына уруксат берилген.

28
Белгилер:
автоунаа, чектөө, жол, унаа, көчкү
Тема боюнча
Көчкү түшүп, Бишкек — Ош жолу убактылуу жабылды
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков. Архив

Сазыков: учурда 230 миңден ашуун адам салыкты онлайт төлөп жатат

22
(жаңыланган 16:26 25.02.2021)
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков бирдиктүү салык декларациясын юридикалык жактар 1-мартка чейин тапшырышы зарыл деди.

Салык төлөөдөгү, декларация толтуруудагы электрондук кызматтарды онлайн колдонуу ыңгайлуу жана акысыз. Бул тууралуу Эркин Сазыков Sputnik Кыргызстан радиосуна маек куруп жатып билдирди.

Сазыков: учурда 230 миңден ашуун адам салыкты онлайт төлөп жатат

Анын айтымында, быйыл жеке жактар салык декларациясын 2019-2020-жылдарга тапшырат.

"Азыркы убакта 230 миңден ашык салык төлөөчү электрондук форматка өткөн. Бул жарандардын өзү үчүн эле ыңгайлуу болот. Биринчиден, убактысы үнөмдөлөт жана 24 саат ичинде өзү каалаган учурда кызматтан пайдалануу мүмкүнчүлүгү түзүлөт. Экинчиден, азыркы эпидемиологиялык абалда коопсуздукту камсыздайт. Ошондой эле бул таптакыр акысыз көрсөтүлүүчү кызмат. Анан да анда электрондук эсептегичтер болуп, программа өзү жардам берет. Электрондук кызматтардан колдонуу үчүн болгону бир ирет тиешелүү мекемеге келип, логин алып, сыр сөзүн бекитип, https://salyk.kg/ сайтынан жеке кабинетке ээ болот", — деди Сазыков.

Ал жеке жактар бирдиктүү салык декларациясын 1-апрелге чейин тапшыруу зарылдыгын кошумчалады.

22
Белгилер:
онлайн, салык, декларация, Эркин Сазыков
Тема боюнча
Бирдиктүү салык декларациясы түн ортосуна чейин кабыл алына баштады

АКШ Кыргызстандан үйрөнсүн. Мамдума төрагасы Жапаров менен жолуккан видео

0
Президент Садыр Жапаров Россиянын Мамлекеттик Думасынын төрагасы Вячеслав Володин менен жолугуп, парламент аралык мамилени талкуулады.

Володин бүгүнкү жолугушуу эки өлкөнүн мамилелеринин жаңы барактарын ачууга өбөлгө болоруна ишеним артты.

"Сиздин келишиңиз жана бүгүнкү жолугушуу өнүгүүнүн жаңы бийиктиктерине чыгууга, анын ичинде парламенттер аралык мамилелерди арттырат деген ниеттемин. Биз парламенттик кызматташуунун алкагындагы маселелерди талкуулап, сүйлөшөбүз", — деди Мамдума спикери.

Ошондой эле ал Садыр Жапаровду президент болуп шайланышы менен куттуктады.

"Биздин байкоочулар шайлоодо атаандаштык, ачыктык жана легитимдүүлүк жогорку деңгээлде болду деген пикирге келишти. Кыргызстандагы шайлоо АКШга караганда ачык өттү. Кошмо Штаттары ар дайым алардан үйрөнүү керектигин айтып келген, эми өздөрү сиздерден үйрөнүшү керек. АКШга караганда Кыргызстандагы шайлоого ишенсе болот", — деди Володин.

Аны менен катар Мамдуманын төрагасы март айынын аягында Жогорку Кеңештин төрагасы Талант Мамытов менен Душанбеде ЖККУнун Парламенттик ассамблеясынын кеңешинин алкагында жолугушаары пландалып жатканын кошумчалады.

Ал эми Жапаров жаңы чакырыктар менен коркунучтарга, анын ичинде вирус коркунучуна, ошондой эле эл аралык терроризм менен экстремизмге каршы күрөшүүдө жана коопсуздукту камсыз кылууда эки өлкөнүн парламенттеринин күч-аракетин бириктирүү маанилүү экенин белгиледи.

0
Белгилер:
Вячеслав Володин, Мамлекеттик Дума, Садыр Жапаров, Кыргызстан, Россия
Тема:
Садыр Жапаровдун Россияга сапары
Тема боюнча
Путиндин маалымат катчысы: Жапаровдун иш сапары мазмуну жагынан көлөмдүү
Президент Садыр Жапаровду Москва кантип тосуп алды. Видео