Мээнин сүрөтү. Архив

Невролог: байкалбай келген инсультту 7 белгиден улам билсе болот

924
(жаңыланган 13:22 10.02.2021)
Сырттан караган адамга эч бир белги бербей туруп, мээдеги кан айлануунун чукул бузулуусун медицинада "жымжырт инсульт" деп аташат. Аны компьютердик же магниттик-резонанстык томография гана аныктай алат.

БИШКЕК, 10-фев. — Sputnik. Невролог Аминат Долова байкалбай келген инсульттун белгилерин айтып берди. Бул тууралуу "АиФ" басылмасына шилтеме берип РИА Новости жазды.

"Сырттан караган адамга эч бир белги бербей туруп, мээдеги кан айлануунун чукул бузулуусун медицинада "жымжырт инсульт" деп аташат. Аны компьютердик же магниттик-резонанстык томография гана аныктай алат", — деди дарыгер.

Бирок ал өз саламаттыгына тыкыр көңүл бургандар инсульттун мындай түрүн дагы байкай аларын билдирди.

Ал үчүн киши өзүнөн төмөнкү белгилерге көңүл бурушу керек:

  • капылет баш айлануу;
  • адамдын басышынын бузулушу;
  • көздүн көрүүсү дароо начарлап кетиши;
  • каректердин кыйшайышы;
  • сөздөрдүн туура эмес айтыла башташы;
  • беттин симметриясынын бузулушу;
  • колу-буттун чымырашы.

Адис бул белгилерди өзүнөн байкаган адамдар тез арада дарыгерге кайрылуусу керектигин айтты.

924
Белгилер:
ден соолук, белги, инсульт, дарыгерлер
Тема боюнча
Рак болгондордун акыркы үмүтү эле... Линиялык тездеткичтер дагы деле иштей элек
Дайыма чарчап жүрөсүзбү? Невролог абалдан чыгуунун жолун айтты
Калиева: тамеки рактын 15 түрүн пайда кылат
Кишилер Facebook логотибине заметкаларды жазып жатышат. Архив

Facebook жүздү таануу технологиясын колдонгону үчүн 650 млн. доллар айыпка жыгылды

15
(жаңыланган 15:13 01.03.2021)
2015-жылы штат жашоочулары Facebook компаниясына каршы доо арыз жазышкан. Анда тургундар компанияны биометрикалык маалымат чогултуу үчүн жүзүнөн таануу технологияларын колдонууда мыйзам бузган деп айыпташкан.

БИШКЕК, 1-мар. — Sputnik. Американын Иллинойс штатынын тургундары Facebook компаниясы адамдын жүзүн таануу технологиясын колдонгондугу үчүн сотко берип 650 миллион доллар төлөттүрүп алды. Бул тууралуу Chicago Tribune гезити жазды.

2015-жылы штаттын жашоочулары Facebook компаниясына каршы доо арыз жазышкан. Анда тургундар компанияны биометрикалык маалымат чогултуу үчүн адамды жүзүнөн таануу технологияларын колдонууда мыйзам бузган деп айыпташкан. Facebook талашты жөнгө салуу үчүн 650 миллион доллар сунуштаган, андан мурда компания 550 миллион берерин айткан. Бирок Сан-Францисконун аймактык соту бул сумманын жетиштүү экенинен күмөн санаган.

Соттун чечимине ылайык, штаттагы 1,6 миллион тургундун сотко кайрылгандарынын ар бири компенсация катары 345 доллардан алмай болду. Каражаттын бир бөлүгү юристтин ишине жумшалат.

Маалыматта Facebook мындан ары жүздү таануу автоматтык технологиясын колдонбой турганы белгиленди. Компания колдонуучулар буга чейин деле жүздү таануу функциясын колдонуу же колдонбоону өздөрү чечип келгенин, бирок эми ал кызмат өчүк болорун, каалоочулар баракчанын тескөө бөлүмүнөн иштетип алса болорун айтышты.

15
Белгилер:
айып, Facebook, функция, сот, АКШ
Тема боюнча
Компьютерди талкалап кирген хакер эмнелерди көрө алат. Шок кылган видео
Анжелика, Асел, Самара. Instagram баракчасындагы "миллионер" жылдыздар
Ош шаарындагы шайлоо участкасында добуш берүү учурунда кишилер. Архив

УКМК Ошто облус башчысы Абдраимовдун партиясы шайлоого катышып жатканын сындады

147
(жаңыланган 14:32 01.03.2021)
Облус башчысы шайлоого катышып жаткан "Ишеним" саясий партиясынын негиздөөчүлөрүнүн бири катары катталган.

БИШКЕК, 1-мар. — Sputnik. УКМК өкмөттүн Ош облусундагы өкүлү Жарасул Абдраимовго таандык партия жергиликтүү кеңештерге шайлоого катышып жатканын сындады.

Атайын кызмат шайлоо процесстери ачык жана коопсуз өтүшүн камсыздоого, бийлик тарабынан административдик ресурстун колдонулушуна бөгөт коюуга өзгөчө көңүл бура турганын белгиледи.

"Деген менен өкмөттүн Ош облусундагы өкүлү Жарасул Абдраимовдун "Ишеним" саясий партиясынын жергиликтүү кеңештерге шайлоого аттанып жатканы тынчсыздандырат. Ал партиянын негиздөөчүлөрүнүн бири катары катталган. УКМК дал ушул сыяктуу административдик ресурс колдонуу, шайлоонун таза эмес өтүшү 2020-жылдагы октябрь окуяларынын негизги себеби болгон деп эсептейт", — деп айтылат маалыматта.

Ошондой эле УКМК бардык саясий күчтөргө шайлоо мыйзамдарын так сактоону эскертип, эгер жаза басуулар болсо, белгиленген тартипте чара көрүлөрүн билдирди.

147
Белгилер:
Жарасул Абдураимов, саясый партия, шайлоо, УКМК
Тема боюнча
Уюшкан кылмыштуу топтун мүчөлөрү бир да шайлоого катыша албайт. Мыйзам долбоору
Жергиликтүү кеңештердин шайлоосуна канча акча сарпталары белгилүү болду
Рабочий устанавливает турецкий, левый и китайский флаги перед встречей министра иностранных дел Турции Мевлюта Чавушоглу и министра иностранных дел Китая Ван И в Пекине в пятницу, 15 июня 2018 г.

Садыр Жапаров Каазкстандан кийин Кытай, Түркияга иш сапар менен барат

0
Жапаров президент болуп шайлангандан кийин аны биринчи болуп Касым-Жомарт Токаев чакырганын белгиледи.

БИШКЕК, 1-мар. — Sputnik. Президент Садыр Жапаров Казакстандын "Казинформ" маалымат агенттигине берген маегинде жакында Кытай жана Түркия мамлекеттерине иш сапар менен бара турганын билдирди.

Маек учурунда ал Астанага болгон сапары тууралуу айтып, андан соң Өзбекстанга баруусу 11-12-мартка белгиленгенин маалымдады.

"Мен президент болуп шайлангандан кийин мени биринчи болуп Касым-Жомарт Кемелович чакырган, мен келүүгө убада бергем. Орто Азия мамлекеттеринин ичинен Казакстанга биринчи келип жатканымдын себеби дагы ушул. Экинчиден биз, казактар жана кыргыздар — бир тууган, коңшу өлкөбүз. Андан кийин Өзбекстан, Кытай, Түркия өлкөлөрүнө барам. Биз бардык мамлекеттер менен мамилебизди жогорку деңгээлге жеткиргенге аракет кылышыбыз керек. Биздин саясатыбыз ушундай", — деди Жапаров.

Ал эми Казакстан менен Кыргызстандын ортосунда чечилбей турган чоң маселе барбы деген суроого андай жагдай жок экенин, майда көйгөйлөрдү сүйлөшүү жолу менен чечсе болорун айткан.

0