Ара-Көл көлү. Архив

Reuters Кыргызстандагы тоңуп калган Ара-Көл көлүнүн видеосун жарыялады

378
Кыш мезгилинде Ара-Көл Кыргызстандагы эң кооз жерлердин бирине айланат. Ал жерге күнүнө үч миңдей адам барып турат.

БИШКЕК, 10-фев. — Sputnik. Reuters эл аралык агенттиги тоңуп калган Ара-Көл көлүнүн видеосун жарыялады. Бул жер кыргызстандыктар арасында туризмдин популярдуу тармагы болуп эсептелинет.

​Маалыматта көл кыш мезгилинде тоңуп чана тебүүчү аянтка айланары айтылат.

"Бул Кыргызстандагы эң чоң муз тебүүчү аянт. Ал Ара-Көл көлүндөгү суунун тоңуп калышынан пайда болот. Күн сайын бул жердин кооздугуна суктануу үчүн үч миңге жакын адам келип кетет", - деп видеого жазылган.

Ара-Көл Кочкор районунда, райборбордон 30 чакырым алыстыкта жайгашкан. Кышында көл толугу менен тоңуп калат. Муздун калыңдыгы 60 сантиметрге чейин жетери айтылып келет.

378
Белгилер:
туризм, көл, Кочкор, Нарын облусу
Тема боюнча
Лыжа, сноуборд тебүүдө эмнени эске алуу керек? Пайдалуу кеңештер
Референдум деген жазуусу бар бюллетендердин кутучасы. Архив

ЖК комитетинде референдумду 11-апрелге дайындоо сунушталды

15
(жаңыланган 16:09 02.03.2021)
Депутат Бактыбек Турусбеков референдумду жергиликтүү кеңештердин шайлоосуна кошуп өткөрүүнү демилгеледи.

БИШКЕК, 2-мар. — Sputnik. Жаңы Конституцияны кабыл алуу боюнча референдумду 11-апрелге дайындоо сунушталды.

Азыркы тапта Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитет жаңы Конституциянын долбоорун карап жатат.

Жыйында ЖК депутаты, Конституциялык кеңешменин мүчөсү Бактыбек Турусбеков баяндама жасап, референдумду жергиликтүү кеңештердин шайлоосуна кошуп, 11-апрелде өткөрүүнү колдоп берүүнү өтүндү.

Эске салсак, өткөн жылдын 17-ноябрында Жогорку Кеңештин 80 депутаты Конституциянын жаңы долбоорун жана референдум өткөрүү боюнча мыйзам долбоорун коомдук талкууга алып чыккан. Парламентарийлердин демилгеси коомчулуктун катуу сынына кабылды. Мындан улам ошол кездеги президенттин милдетин аткаруучу Талант Мамытовдун жарлыгы менен Баш мыйзамдын долбоорун талкуулоо үчүн 20-ноябрда Конституциялык кеңешме түзүлгөн. Алар 27-январда өз ишин жыйынтыктаган. 

Ал эми 17-февралда жаңы Баш мыйзамды демилгечи делген 80 депутат жана Конституциялык кеңешменин мүчөлөрү талкуулаган.

15
Белгилер:
кароо, комитет, Жогорку Кеңеш, конституция
Тема:
Жаңы Конституциянын долбоору жана референдум
Тема боюнча
Касымалиева: жаңы Конституцияда президентке импичмент жасоо такыр мүмкүн эмес
Киберспорт федерациясынын башкы катчысы Баяман Саймасаев

Саймасаев: акчага кызыгып киберспортко келгендер адашат

9
Киберспорт федерациясынын башкы катчысы Баяман Саймасаев көп өспүрүмдөр киберспорт мелдештеринин байге фондуна көз артып келерин белгиледи.

Акча табуу киберспортто акыркы орунда каралышы керек. Адамдар алгач максатын, миссиясын, каалоосун аныктап, жоопкерчиликтүү мамиле кылышы зарыл. Мындай пикирин Баяман Саймасаев Sputnik Кыргызстан радиосунун эфиринде маек учурунда айтты.

Саймасаев: акчага кызыгып киберспортко келгендер адашат

Анын айтымында, көп функционалдуулук, ой жүгүртүү, интеллект жагынан алганда киберспорттун пайдасы көп.

"Каражат жагын көбү артыкчылык катары эсептейт. Киберспортто акчага кызыккандар адашат. Таланттуу бала акчага кызыкпай, өзүнүн чеберчилигин оюнда көрсөтөт. Мындай учурда акча өзү эле жеңиш артынан келет. Өспүрүмдөр арасында мелдештердин байге фондуна кызыгып келгендер көп. Акча үчүн ойносоң утуласың! Байге — ал мотивация. Бирок аны эң акыркы орунга коюу керек. Бул тармакка келгендер алгач максатын, миссиясын, каалоосун аныктап, жоопкерчиликтүү мамиле кылышы керек. Киберспорттун жакшы дагы, жаман жагы да бар. Аны туура түшүнүү керек. Ой жүгүртүү, интеллект жагынан алганда киберспорттун пайдалуу жактары көп" — деди Саймасаев.

Ошондой эле адис киберспорт боюнча акыркы эл аралык мелдеште 1-орунга 35 миллион доллар коюлганын, бирок андай деңгээлге чыгуу үчүн көп машыгуу керектигин кошумчалады.

Белгилей кетсек, киберспорт видео оюндардан турган жекелик жана командалык мелдеш. Кыргызстанда расмий түрдө спорттун түрү катары катталган.

9
Белгилер:
Баяман Саймасаев, интеллект, киберспорт
Тема боюнча
Кыргызстанда Counter Strike жана Dota оюндары боюнча федерация пайда болду