Медициналык кызматкерлер ооруканада бала менен. Архив

Дароо ооруканага кайрылгыла! Кавасаки синдрому тууралуу 5 суроого жооп

9482
(жаңыланган 15:44 11.02.2021)
Кыргызстанда 15 баладан Кавасаки синдромуна окшош оорунун белгилери аныкталганы айтылды. Организмдин мультисистемалык сезгениши деп аталып жаткан бул илдеттин белгилери Кавасаки оорусуна окшош.

Учурда Кыргызстанда бул ооруга шектелип 28 бала ооруканага жаткырылып, 13ү учурда диагностикадан өтүп, текшерилип жатат. Экөөнүн абалы оорураак болгону менен ушу тапта турукташып калды.

Кавасаки жана азыркы аталып жаткан кавасакиге окшош оорунун белгилерин берген кандай оору жана ата-эне бул синдром тууралуу кандай маалыматты билиши керек?

Sputnik Кыргызстан агенттиги Биринчи май райондук Бириккен үй-бүлөлүк дарыгерлер борборунун директорунун орун басары, педиатр Диляра Искакова менен биргеликте керектүү материал даярдады.

Заместитель директора ЦСМ Первомайского районного, педиатр Диляра Искакова
© Фото / предоставлено Дилярой Искаковой
Биринчи май райондук Бириккен үй-бүлөлүк дарыгерлер борборунун директорунун орун басары, педиатр Диляра Искакова

Кавасаки синдрому жана ага окшош илдет тууралуу эмне билүү керек?

Кавасаки синдрому — учурда COVID-19 инфекциясынын күчөп кеткен бир түрү катары белгиленүүдө. Бирок бул оору коронавируска чейин эле белгилүү болгон. Бул илдет сепсис оорусунан жана ушул сыяктуу балдарда кездешкен оор илдеттен кийин да пайда болот. Ал көбүнчө кан тамырлардын, борбордук нерв системасынын жабыркашына алып келет. Кан оорулары менен жабыркагандар үчүн өтө кооптуу. Мында майда кан тамырлар сезгенип, кан айлануу системасы бузулат. Анын натыйжасында тромб пайда болот. Вирустук инфекция болгондуктан ооруган адамдын дене табы көтөрүлөт.

Врач с пациентом Национального медицинского исследовательского центра здоровья детей Министерства здравоохранения РФ, где проходят лечение дети с коронавирусной инфекцией COVID-19.
© Sputnik / Илья Питалев
Бизде азыр Кавасакиге окшош синдром менен ооруп жаткан балдардын көбү эки жаштан он жашка чейинки балдар

Кавасаки оорусу менен балдар эле ооруйбу?

Кавасаки синдрому негизинен балдардын арасында кезиге турган оору. Мында көбүнчө бир жаштан сегиз жашка чейинки балдар жабыркайт. Бизде азыр Кавасакиге окшош синдром менен ооруп жаткан балдардын көбү эки жаштан он жашка чейинки балдар. Айрым 16 жашка чейинки жеткинчектерде да ушул оорунун белгилери байкалууда. Бул васкулиттик дарт, башкача айтканда, көбүнесе кан тамырлар жабыркайт. Кан ооруларына тушуккан балдар ансыз да анемия менен жабыркашат, мындан улам иммунитети алсыз. Өнөкөт оорусу бар балдарга жана ар кандай операцияны баштан өткөргөн наристелерге да коркунуч күч. Коронавирус негизинен иммунитети начар балдарда кабылдап кетет. Айрым учурда коронавирус менен жеңил же оорунун белгиси жок ооруган балдар деле реабилитация толук кандуу жүрбөсө, режимди сактабаса, Кавасаки синдромуна окшош илдетке кабылышы мүмкүн.

Кандай белгилери бар?

Азыркы учурда балдар коронавирус менен ооруп айыккандан бир-эки жума өткөн соң оору кайра козголуп же күчөп кеткенден улам Кавасаки синдромуна окшош оорунун белгилери пайда болууда. Бул илдет адамдын терисинен да байкалат. Кичинекей баланын таманы, алаканы шишип, денеде кызыл тактар пайда болуп, бала шалдырап, тамакка табити жоголот. Өзгөчө алгачкы үч-төрт күндө дене табы түшпөй көпкө кармалышы мүмкүн. Башы ооруйт. Бул көп кырдуу белгилери бар оору. Ошондой эле медиктер ата-энелерди паникага алдырбоого жана дароо ооруканага кайрылууга чакырат. Кавасаки синдромуна окшош белгилер менен жабыркаган балдар арасында ичи оору, кусуу жана ичи өтүү да байкалгандыгын англиялык окумуштуулар айтып чыккан. Бирок дарыгерлер инфекция менен күрөшүүдө организмдин чыңалышынан улам да ушундай белгилер болушу мүмкүндүгүн белгилеп жатышат.

Врач с пациентом Национального медицинского исследовательского центра здоровья детей Министерства здравоохранения РФ, где проходят лечение дети с коронавирусной инфекцией COVID-19.
© Sputnik / Илья Питалев
Белгилери байкалса медиктер ата-энелерди паникага алдырбоого жана дароо ооруканага кайрылууга чакырат

Кавасаки синдромунан айыгуу мүмкүнбү?

Кавасаки оорусунан толугу менен сакайып кетүүгө болот. Бирок ата-эне дарыгерге эрте кайрылуусу керек. Ошол себептен балада оорунун симптомдору байкалса үйдөн ар кайсы дарыны бергенге болбойт. Көп препарат бул синдромго туура келбейт. Биринчи коркунуч ушул. Туура эмес дары ичкен баланы бул оорудан айыктыруу оор. Эң кооптуусу — кан тамырлар жарылып кетиши ыктымал. Бул бейтапты инфаркт дартына кептеши мүмкүн экени кошумчаланды.

Кавасаки синдрому кайдан келип чыккан?

Кавасаки оорусу япониялик педиатр Томисаку Кавасакинин ысымынан аталган. Ал 1967-жылы бул оорунун алгачкы белгилерин айтып чыккан. Бирок бул илдеттин эмнеден келип чыгары белгисиз. Илимпоздор бул дартка вирус инфекциясы түрткү болушу мүмкүн деп болжолдоп келишет.

9482
Белгилер:
Диляра Искакова, бала, коронавирус, Кавасаки синдрому
Тема:
Кыргызстандагы коронавирус жуктуруп алгандар (1545)
Тема боюнча
Кыргызбаев: өлкөдө коронавируска каршы эмдөө ыктыярдуу жүргүзүлөт
Киши өзүндөгү байкалбаган COVID-19ду кантип билсе болот
Жолдогу жүк ташуучу унаа. Архив

Таңкы 6га чейин жабылды. Өлкөдөгү эки ири жолго чектөө киргизилди

44
(жаңыланган 00:53 25.02.2021)
Жолду көчкү кооптуулугунан улам жабууга Жарандык коргонуу башчысы-премьер министр бүгүн буйрук берген.

БИШКЕК, 25-фев. — Sputnik. Бишкек — Ош жолунда кар көчкү түшүү коркунучу бар болгондуктан Жайыл, Токтогул райондорундагы жана Суусамыр — Талас — Тараз унаа жолунун Талды-Булак айылындагы посттор 25-февраль таңкы саат 06:00гө чейин убактылуу жабылды. Бул тууралуу ӨКМдин маалымат кызматынан кабарлашты.

Бул премьер-министрдин буйругунун негизинде болгон.

"Бишкек — Ош жолунда кар көчкү түшүү коркунучу болгондуктан Жайыл районунун Сосновка, Токтогул районунун Арал постторунда жана  Суусамыр — Талас — Тараз жолунун Талды-Булак айылындагы постунда автоунаалардын бардык түрүнө таңкы саат 06:00гө чейин убактылуу чектөө киргизилди", — деп кабарлаган ӨКМ.

Эске салсак, Бишкек — Ош жолунун 132-чакырымында көлөмү болжол менен 1800 м3 кар көчкү түшкөндүктөн учурда жол жабылган.

44
Белгилер:
көчкү, Бишкек - Ош жолу, Жайыл району, Токтогул району, Кыргызстан
Тема боюнча
Көчкү түшүп, Бишкек — Ош жолу убактылуу жабылды
Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда

Жапаров Москвадагы кыргызстандыктарга жолукту. Сүрөт

72
(жаңыланган 23:22 24.02.2021)
Жапаров Путин менен болгон жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген.

БИШКЕК, 24-фев. — Sputnik. Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда. Бул тууралуу мамлекет башчынын маалымат кызматынан кабарлашты.

  • Кыргызстанцы проживающие в России на встрече с президентом КР в рамках его рабочего визита в РФ
    Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда
    © Пресс-служба президента КР / Султан Досалиев
  • Президент КР Садыр Жапаров на встрече с кыргызстанцами, проживающими в России в рамках рабочего визита в РФ
    Ал Россия президенти Владимир Путин менен жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген
    © Пресс-служба президента КР / Султан Досалиев
  • Кыргызстанцы проживающие в России на встрече с президентом КР в рамках его рабочего визита в РФ
    Жапаров сыртта иштеп жүргөн кыргызстандыктардын алдына сүйлөп жатып, эң биринчилерден болуп "Миграциялык кырдаалды жакшыртууга багытталган чараларды кабыл алуу жөнүндө" жарлыкка кол коюлганын билдирген.
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда

Ал Россия президенти Владимир Путин менен жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген.

Жапаров сыртта иштеп жүргөн кыргызстандыктардын алдында сүйлөп жатып, эң биринчилерден болуп "Миграциялык кырдаалды жакшыртууга багытталган чараларды кабыл алуу жөнүндө" жарлыкка кол коюлганын билдирген.

"Менин максатым — элибиздин көйгөйлөрүн чечүү, Кыргызстандын бардык жарандарын жумуш орундары менен камсыздап, татыктуу жашоого алып келүү. Ошондой эле чет өлкөлөрдө иштеп жүргөн мекендештердин Мекенге кайтып келүүсү үчүн жагымдуу шарттарды түзүү", — деген Жапаров.

Кыргызстан турак жай ээлери салык төлөөдөн качып, чет элдик жарандарды каттоого тургузуудан баш тартышкандыгынын натыйжасында келип чыккан мигранттарды каттоо көйгөйлөрүнө көңүл бурган.

"Казакстанда бул багытта "кабарлоо тартиби" деген жакшы тажрыйба бар: жарандар мамлекеттик органга келген жана иштеген жери жөнүндө билдирүү гана жөнөтөт, андан кийин ал каттоого турат. Ушундай эле жол-жобону ЕАЭБдин алкагында киргизүүнү сунуштайбыз", — деген Жапаров.

Эске салсак, бүгүн Жапаров Россияга иш сапары менен барып, Россия лидери Владимир Путин менен жолуккан.

72
Белгилер:
мигранттар, иш сапар, Садыр Жапаров, Россия, Кыргызстан
Тема:
Садыр Жапаровдун Россияга сапары
Тема боюнча
Путин: Россия Кыргызстанга мындан ары да колдоо көрсөтөт
Кызматташууну бекемдейбиз. Жапаров Путин менен жолукканда эмне деди