Ооруканадагы ымыркай. Архив

Пандемия маалында коронавирустан беш жаш бала көз жумду

183
(жаңыланган 20:27 10.02.2021)
Эпидемиологиялык кырдаалда COVID менен ооруган 1 085 бала ооруканага жаткырылган. Учурда 28 бала дарыланууда.

БИШКЕК, 10-фев. — Sputnik. Кыргызстанда пандемия башталгандан бери COVID-19 илдетинен беш бала көз жумду. Бул тууралуу Саламаттык сактоо жана социалдык өнүктүрүү министрлигинин маалымат кызматы билдирди.

Аталган министрлик өлкөдөгү Кавасаки синдромуна чалдыккандардын статистикасын жарыялады.

Ага ылайык, пандемия маалында COVID менен ооруган 1 085 бала ооруканага жаткырылган. Анын ичинен лабораториялык тастыкталганы 551, көз жумгандар экөө, клиникалык-эпидемиологиялык тастыкталганы 391, көз жумгандар үчөө.

Учурда Эне жана баланы коргоо улуттук борборунда 28 бала дарыланууда. Анын арасынан 15и Кавасаки синдромунун белгилерине окшош илдет жана 13ү мультисистемалык сезгенүү синдрому менен ооруйт.

Кардиоревматология бөлүмүнүн башчысы Гуля Саатованын айтымында, 15 бала соңку эки-үч жуманын ичинде жаткырылган.

"Бейтаптардын жаш курагы экиден 17 жашка чейин. Алардын абалы орточо оор деп бааланууда. Кавасаки синдромунан сырткары сезгенүүчү постковиддик синдром менен ооруган балдар бар. Аларда ооруканага келгенге чейин коронавирустун белгилери байкалган эмес. Оору симптомсуз өткөн. Кавасаки синдромун дарылоо жеңил өтөт, бирок сезгенүүчү постковиддик синдром оорусунан айыктыруу узакка созулат жана оор болот", — деди Саатова.

Аталган оорулардын төмөнкүдөй симптому болот:

  • дене табы көтөрүлөт;
  • дем алуусу кыйындайт;
  • денесинде майда кызыл тактар пайда болуп, денеси кызара баштайт;

Балдардан жогорудагы белгилер аныкталса тез арада медициналык мекемелерге кайрылуу керек.

Кавасаки — бул COVID-19 инфекциясынын күчөп кеткен бир түрү.

183
Белгилер:
коронавирус, оорукана, бала, оору, Кавасаки синдрому
Тема:
Коронавируска байланыштуу Кыргызстандагы кырдаал (2552)
Тема боюнча
Кыргызстанда 15 баладан Кавасаки синдрому аныкталды
Кыргызстандын президенти Садыр Жапаров. Архив

Мектеп куруп берүүнү өтүнгөн балбайлык окуучу Жапаров менен жолукту. Сүрөт

86
(жаңыланган 23:26 28.02.2021)
Сегиз жаштагы бала соцтармак аркылуу президентке кайрылып, мектеп куруп берүүнү өтүнгөн. Алгач өлкө башчынын аны менен жолуга албай турганы айтылып, кийин видео аркылуу сүйлөшкөнү белгилүү болгон.

БИШКЕК, 28-фев. — Sputnik. Балбайлык окуучу Бекболот Турдушев президент Садыр Жапаров менен жолукту. Ал Instagram баракчасына өлкө башчысы менен жолуккан учурда тартылган сүрөттөрүн жарыялаган. 

Посмотреть эту публикацию в Instagram

Публикация от turdushev (@bekbolotturduh)

Президенттин маалымат катчысы Галина Байтерек Sputnik Кыргызстан агенттигинин кабарчысына президент окуучу бала менен жолугууга убада бергенин белгилеп кетти.

Бекболот Турдушев мектебинин эскилиги жеткенин айтып, эки кабат мектеп салып бериңиз деп өлкө башчысына кайрылгандан кийин интернет жылдызына айланган.

Ошондон кийин Бекболоттун Жапаров менен жолуга турганы тууралуу маалымат тараган.

Президенттин маалымат кызматы Жапаров Россияга болчу сапарынын алдында окуучу бала менен жолугуу каралган эмес дешкен.

Көп өтпөй Жапаров видео байланыш аркылуу Бекболот Турдушев менен сүйлөшкөнүн өлкө башчысынын маалымат кызматы кабарлаган.

86
Белгилер:
Бекболот Турдушев, Садыр Жапаров, мектеп, президент, жолугушуу
Тема боюнча
Мектеп куруп берүүнү өтүнгөн балбайлык окуучу Жапаров менен жолукту. Сүрөт
 Жогорку Кеңештин депутаты Алмазбек Акматов. Архив

ЖК депутаты Алмазбек Акматов каза болду

186
(жаңыланган 23:51 28.02.2021)
Эл өкүлү узак убакыттан бери оору менен алышып келгени айтылды. Депутаттыкка чейин бир катар кызматтарды аркалаган.

БИШКЕК, 28-фев. — Sputnik. Жогорку Кеңештин депутаты Алмазбек Акматов 57 жашында каза болду. Кабарды парламенттин маалымат кызматы ырастады.

Анда Акматовдун узак убакыттан бери илдет менен күрөшүп келгени айтылат.

Ал 2015-жылы "Бир Бол" партиясынын тизмеси менен депутат болуп шайланган.

Алмазбек Акматов 1964-жылы 18-октябрда Нарын облусунун Ак-Талаа районундагы Дөрбөлжүн айылында төрөлгөн.

Депутаттыкка чейин СССРдин Коргоо министрлигинде аскердик-саясий кызматтарда, президенттин иш башкармалыгында, Эсеп палатасында иштеген.

186
Белгилер:
оору, депутат, Алмаз Акматов
Тема боюнча
СССРдин эл артисти Токтоналы Сейталиев 84 жаш курагында дүйнө салды