Бейтаптын канын текшерип жаткан дарыгер. Архив

Ошто бир киши көз жумду. COVID боюнча жаңы статистика

146
(жаңыланган 09:59 11.02.2021)
Учурда стационарда дарыланууда 427 бейтап жатат. Алардын ичинен үчөө канааттандырарлык, 281и орточо оор, 117си оор, 26сы өтө оор абалда.

БИШКЕК, 11-фев. — Sputnik. Өткөн суткада Кыргызстанда COVID-19 вирусу 75 кишиден табылып, 83 бейтап айыкты. Бул тууралуу Республикалык штаб кабарлады.

Жуктургандар:

  • Бишкек шаары – 32;
  • Ош шаары – 1;
  • Чүй облусу – 17;
  • Ош облусу – 4;
  • Талас облусу – 2;
  • Нарын облусу – 2;
  • Ысык-Көл облусу – 11;
  • Жалал-Абад облусу – 4;
  • Баткен облусу – 2.

Ушуну менен өлкө боюнча коронавирус жуктургандардын саны 85 328ге жетти.

Айыккандар:

  • Бишкек шаары – 30;
  • Ош шаары – 3;
  • Чүй облусу – 32;
  • Ош облусу – 7;
  • Талас облусу – 1;
  • Нарын облусу – 2;
  • Ысык-Көл облусу – 2;
  • Жалал-Абад облусу – 6.

Айыккандардын жалпы саны 82 006 болду.

Өткөн суткада коронавирус бир адамдын өмүрүн алган. Ал Ош облусунун тургуну болчу. Коронавирустун курмандыгы болгондордун саны 1 437ге жетти.

Учурда стационарда дарыланууда 427 бейтап жатат. Алардын ичинен үчөө канааттандырарлык, 281и орточо оор, 117си оор, 26сы өтө оор абалда. 522 бейтап амбулатордук дарыланууда.

Бир сутка ичинде өлкө боюнча медицина кызматкерлери арасында коронавирус жуктуруп алган учурлар катталган жок. Эки медик вирустан сакайып чыкты.

146
Белгилер:
статистика, коронавирус, Кыргызстан
Тема:
Кыргызстандагы коронавирус жуктуруп алгандар (1548)
Тема боюнча
Дароо ооруканага кайрылгыла! Кавасаки синдрому тууралуу 5 суроого жооп
Президент Садыр Жапаров көрүнүктүү мамлекеттик жана коомдук ишмер Күлүйпа Кондучалованын 100 жылдыгына арналган салтанаттуу иш чарада

Жапаров Кыргызстанда "Манас" театрын ачуу пландалып жатканын айтты

14
(жаңыланган 22:03 27.02.2021)
Президент Садыр Жапаровдун айтымында, улуттук маданиятты өнүктүрмөйүн элдин жашоо-шартын жакшыртууга болбойт.

БИШКЕК, 27-фев. — Sputnik. Кыргызстанда "Манас" театрын ачуу пландалып жатат. Бул тууралуу президент Садыр Жапаров көрүнүктүү мамлекеттик жана коомдук ишмер Күлүйпа Кондучалованын 100 жылдыгына арналган салтанаттуу иш-чарада сүйлөп жатып айтты.

Мамлекет башчы алдыда "Манас" эпосун даңазалоо боюнча атайын программа иштеп чыгуу жана каржы булагын табуу милдети турганын белгиледи.

"Манас" театрын ачуу боюнча алгачкы кадамдар жасалууда. Анын жардамы менен мамлекет манасчыларга кам көрүп, аларды бириктирип, ушул өнөрдү жайылтат", — деди Жапаров.

Ал ошондой эле "Манас" эпосу темасы ар бир театрдын репертуарында болушу керектигин белгиледи.

Премьер-министр Улукбек Марипов IT тармакта иштеген ишкерлер менен жолугушту.
© Фото / Пресс-служба правительства / Алишер Алиев
"90-жылдары театр жана көңүл ачуучу мекемелеринин баары бош калган мезгил болгон. Азыркы тапта адамдарда руханий муктаждыктан улам театрга кызыкчылык бар. Биздин театрлар заманбап спектаклдерди, сахна концерттерин тартуулап, көрүүчүлөрдү өзүнө тартып туруусу учурдун талаптарынын бири болуп турат", — деди президент.

Өлкө башчы маданият тармагынын өкүлдөрүнө кайрылып, театрларды эффективдүү иштетүүнүн жолун таап, алардын чыгармачылыгын өстүрүү башкы милдет экенин айтты.

Жапаровдун белгилешинче, улуттук маданиятты өнүктүрмөйүн элдин жашоо-шартын жакшыртууга болбойт. Ал заманбап таланттуу акындардын, жазуучулардын жана композиторлордун жаңы чыгармалары элге керек болуп турганын белгиледи.

14
Белгилер:
театр, Манас, Садыр Жапаров, Кыргызстан
Тема боюнча
Дүйнөлүк театр искусствосунун улуу актрисасы. Сейдакматовага жазылган некролог
Москвадагы театралдык окуу жай кыргызстандыктарды кабыл алат. Талаптары
Кышкы ачык асман. Архивдик сүрөт

Жекшембиге карата аба ырайы

27
Жаап өткөн жаан-чачынга байланыштуу 27-февралдан 2-мартка чейин тоолуу райондордо жана айрым ашууларда кар көчкү түшүп, күрткү пайда болушу ыктымал. Унаалардын ортосундагы 500 метр аралык кыймыл чектелиши зарыл.

БИШКЕК, 27-фев. — Sputnik. Жекшемби күнү, 28-февралда, республика аймагында күн ачык болот. Бул тууралуу Кыргызгидромет маалымдады.

Маалыматка ылайык, тоолуу райондордо жолдор тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй өрөөнүндө +4...+9, Талас жергесинде +3...+8, Ош, Жалал-Абад, Баткен облустарында +5...+10, Ысык-Көл аймагында 0...+5, ал эми Нарында -1...-6 градус болору айтылды.

Күндүн табы Бишкек шаарында жана Ош калаасында +5...+7 градусту көрсөтөт.

27
Белгилер:
аба ырайы, Кыргызстан, февраль
Тема боюнча
Тоңуп калган. Кеминде мал айдап келем деп кайтпай калган аялдын сөөгү табылды