Мурдагы муфтий Максатбек ажы Токтомушевдин бошотулушун талап кылгандар УКМКнын алдына митингге чыкты

Максатбек ажы Токтомушевдин тарапташтары митингге чыкты. Сүрөттөр

387
(жаңыланган 15:41 11.02.2021)
Максатбек ажы Токтомушев кечээ муфтияттагы каржы маселесине байланышкан жаңжалдан кийин кызматтан баш тарткан. Ушул эле күнү бул ишке байланыштуу камакка алынган.

БИШКЕК, 11-фев. — Sputnik. Мурдагы муфтий Максатбек ажы Токтомушевдин бошотулушун талап кылгандар УКМКнын алдына митингге чыкты.

  • Митинг сторонников задержанного экс-муфтия Максатбека Токтомушева возле здания ГКНБ в Бишкеке
    Мурдагы муфтий Максатбек ажы Токтомушевдин бошотулушун талап кылгандар УКМКнын алдына митингге чыкты
    © Sputnik / Эркин Садыков
  • Митинг сторонников задержанного экс-муфтия Максатбека Токтомушева возле здания ГКНБ в Бишкеке
    Атайын кызматтын имаратынын алдына чогулган 40ка чукул адам колдоруна "Максат ажыга боштондук" деп жазылган баракчаларды кармап алышкан
    © Sputnik / Эркин Садыков
  • Митинг сторонников задержанного экс-муфтия Максатбека Токтомушева возле здания ГКНБ в Бишкеке
    Митинчилер мурдагы муфтийди абакта кармоо туура эместигин айтып, сот чечим чыгарганга чейин ал үй камагында болушу керектигин жана иш калыс иликтенишин талап кылышууда
    © Sputnik / Эркин Садыков
  • Митинг сторонников задержанного экс-муфтия Максатбека Токтомушева возле здания ГКНБ в Бишкеке
    Максатбек ажы Токтомушев 10-февраль күнү мфтияттагы каржы маселелерине байланышкан жаңжалдан кийин кызматтан баш тарткан. Ошол эле күнү кечинде УКМК тарабынан кармалып, эки айга камакка алынды.
    © Sputnik / Эркин Садыков
1 / 4
© Sputnik / Эркин Садыков
Мурдагы муфтий Максатбек ажы Токтомушевдин бошотулушун талап кылгандар УКМКнын алдына митингге чыкты

Атайын кызматтын имаратынын алдына чогулган 50-60ка чукул адам колдоруна "Максат ажыга боштондук" деп жазылган баракчаларды кармап алышкан.

Митингчилер мурдагы муфтийди абакта кармоо туура эместигин айтып, сот чечим чыгарганга чейин ал үй камагында болушу керектигин жана иш калыс иликтенишин талап кылышууда.

Максатбек ажы Токтомушев 10-февраль күнү муфтияттагы каржы маселесине байланышкан жаңжалдан кийин кызматтан баш тарткан. Ошол эле күнү кечинде УКМК тарабынан кармалган.

387
Белгилер:
УКМК, Максатбек ажы Токтомушев, Муфтият, талап
Тема:
Муфтияттагы чуулуу иш (17)
Тема боюнча
Муфтий Максатбек ажы Токтомушев кызматтан кетти
УКМК Максат ажы Токтомушевди кармады
COVID-19 менен ооругандарды дарылоо үчүн оорукананын жандандыруу бөлүмүндөгү палатасы. Архив

Коронавирус сифилис, сарык, бруцеллез, ичеги-карын ооруларын азайтты. Статистика

17
(жаңыланган 16:55 01.03.2021)
Былтыр кыргызстандыктар коронавирус инфекциясынан коргоном деп тазалыкты сактоо менен башка жугуштуу оорулардын санын азайта алды.

Саламаттык сактоо жана социалдык өнүктүрүү министрлигинин Ооруларды алдын алуу мамлекеттик санитардык эпидемиологиялык көзөмөлдөө департаменти Sputnik Кыргызстан маалымат агенттигинин сурамына жооп берип, 2019-2020-жылдардагы жугуштуу оорулардын статистикалык айырмачылыгын айтып берди.

2020-жылы республикада жалпысынан 313 576 жугуштуу жана паразитардык оору катталган. Анын ичинен 60,7 пайызын сасык тумоо жана курч респиратордук вирустук инфекциялар түзөт. Былтыр 2019-жылга салыштырмалуу 22 оорунун түрүнүн төмөндөшү байкалган.

Маселен, курч кармаган ичеги-карын оорулары үч эсеге аз катталган. Тагыраагы, 2019-жылы көрсөткүч 32 866 болсо, 2020-жылы 11 041 болгон.

Сарык оорусу (вирустук гепатиттин түрлөрү) жалпысынан 55,4 пайызга төмөндөгөн. 2019-жылы 10 579 кишиде оору аныкталса, 2019-жылы 4 805 учур катталган. Вирустук гепатиттин 96,8 пайызын А түрү түзөт.

Жугуштуу жана паразитардык оорулар, анын ичинен курч ичеги-карын илдеттери, вирустук гепатиттин А түрү колду таза жуубагандыктан, кир буюмдардан, жашылча-жемиштерден жугары белгиленет. Ал эми сасык тумоо жана курч респиратордук вирустук инфекциялар коронавирус сыяктуу аба тамчысы аркылуу жугат.

"2020-жылы коронавирус пандемиясына байланыштуу киргизилген карантиндик чаралар, ошондой эле калк арасында санитардык-гигиеналык талаптардын так аткарылышы, башкача айтканда, бет кап тагынуу, социалдык аралыкты сактоо, колду жууп туруу, антисептик колдонуу жана онлайн окуу жугуштуу оорулардын төмөндөшүнүн бирден-бир себеби болуп саналат", — деп билдирди департамент.

Мекеме жугуштуу ооруларды алдын алуу жана жайылтпоо үчүн иш-чаралар уланып жатканын белгиледи.

Мындан тышкары, коронавирустун фонунда азайган жугуштуу жана паразитардык оорулардын катарында бруцеллез (34,8 пайызга төмөндөгөн), эхинококкоз (34 пайыз), туберкулез (31,4 пайыз), сифилис (31,2 пайыз), котур (27,8), ВИЧ-инфекция (22 пайыз), гонорея (16,6 пайыз) бар.

Ошондой эле паротит (свинка) 11,5 эсеге, сальмонеллез 3,9 эсеге, көк жөтөл 4,5 эсеге, кызылча 3,3 эсеге, менингит 3 эсеге азайган.

Ал эми былтыр кара келте (паратиф), кептөөр (дифтерия), кутурма, кызамык, безгек (малярия) вирустук гепатиттин Е жана Д түрлөрү дээрлик катталган эмес.

17
Белгилер:
гепатит, сасык тумоо, жугуштуу инфекция, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Спираль койдуруу рак оорусун чакырабы? Акушер-гинеколог менен маек
Уролог: сүннөттөн жабыркаган баланын интимдик жашоосу трагедияга айланышы мүмкүн
Уролог Усупбаев: жыныс оорулары күчөдү, генофонд коркунучта!
Кишилер Facebook логотибине заметкаларды жазып жатышат. Архив

Facebook жүздү таануу технологиясын колдонгону үчүн 650 млн. доллар айыпка жыгылды

48
(жаңыланган 15:13 01.03.2021)
2015-жылы штат жашоочулары Facebook компаниясына каршы доо арыз жазышкан. Анда тургундар компанияны биометрикалык маалымат чогултуу үчүн жүзүнөн таануу технологияларын колдонууда мыйзам бузган деп айыпташкан.

БИШКЕК, 1-мар. — Sputnik. Американын Иллинойс штатынын тургундары Facebook компаниясы адамдын жүзүн таануу технологиясын колдонгондугу үчүн сотко берип 650 миллион доллар төлөттүрүп алды. Бул тууралуу Chicago Tribune гезити жазды.

2015-жылы штаттын жашоочулары Facebook компаниясына каршы доо арыз жазышкан. Анда тургундар компанияны биометрикалык маалымат чогултуу үчүн адамды жүзүнөн таануу технологияларын колдонууда мыйзам бузган деп айыпташкан. Facebook талашты жөнгө салуу үчүн 650 миллион доллар сунуштаган, андан мурда компания 550 миллион берерин айткан. Бирок Сан-Францисконун аймактык соту бул сумманын жетиштүү экенинен күмөн санаган.

Соттун чечимине ылайык, штаттагы 1,6 миллион тургундун сотко кайрылгандарынын ар бири компенсация катары 345 доллардан алмай болду. Каражаттын бир бөлүгү юристтин ишине жумшалат.

Маалыматта Facebook мындан ары жүздү таануу автоматтык технологиясын колдонбой турганы белгиленди. Компания колдонуучулар буга чейин деле жүздү таануу функциясын колдонуу же колдонбоону өздөрү чечип келгенин, бирок эми ал кызмат өчүк болорун, каалоочулар баракчанын тескөө бөлүмүнөн иштетип алса болорун айтышты.

48
Белгилер:
айып, Facebook, функция, сот, АКШ
Тема боюнча
Компьютерди талкалап кирген хакер эмнелерди көрө алат. Шок кылган видео
Анжелика, Асел, Самара. Instagram баракчасындагы "миллионер" жылдыздар