Тооктун жумурткасынын коопсуздугуна лабораториялык анализдер жүргүзүү. Архив

Окумуштуулар өлүм тобокелчилигин жогорулаткан азыкты аташты

327
Жумуртканын курамында май менен холестерин өтө көп экени айтылды. Булар инфаркт жана башка ооруларга кептеши толук мүмкүн.

БИШКЕК, 12-фев. — Sputnik. Кытайдын окумуштуулары жумуртканы көп колдонуу өлүм тобокелчилигин жогорулатышы мүмкүн экенин аныкташты. Бул тууралуу РИА Новости жазды.

Билдирмеге караганда, илимпоздор 1990-жылдан берки сурамжылоонун жыйынтыгын анализдеп чыгышкан. Анда Американын 500 000 тургуну тамактануусу тууралуу айтып берген. Кийин алардын ичинен 129,3 миңи көз жумганы кабарланган. Адистердин маалыматында көз жумгандардын басымдуу бөлүгү жумуртканы көп жеген.

Маалым болгондой, аталган азыктын курамында май менен холестерин өтө көп. Булар инфаркт жана башка ооруларга алып келип, өлүм тобокелчилигин жогорулатышы ыктымал.

Мындан улам изилдөөнүн авторлору калкты жумуртканы көп колдонуудан баш тартууга чакырып кетишкен.

327
Белгилер:
сурамжылоо, өлүм, оору, изилдөө, жумуртка
Тема боюнча
Невролог: байкалбай келген инсультту 7 белгиден улам билсе болот
Сыздоок тогуздап чыкпашы үчүн эмне кылуу керек. Дарыгердин кеңеши
Кыргызстандын президенти Садыр Жапаров Российская газета гезитине маек учурунда

Жапаров: Кыргызстанга кайтып келген эмгек мигранттарына кам көрүлөт

8
(жаңыланган 13:22 26.02.2021)
Мамлекет башчы "Мигранттар үчүн "1+1" схемасы менен бизнес ачууну каржылоо/аны өнүктүрүүгө" жеңилдетилген насыя берүү схемасы тууралуу айтып берген.

БИШКЕК, 26-фев. — Sputnik. Өлкөгө кайтып келген эмгек мигранттарын адаптациялоо жана реинтеграциялоо боюнча чараларды иштеп чыгуу кийинки милдеттердин бири. Бул туурасында президент Садыр Жапаров "Российская газета" гезитине берген маегинде билдиргенин мамлекет башчынын маалымат кызматы жазды.

"Кийинки милдет Кыргызстанга кайтып келген эмгек мигранттарын адаптациялоо жана реинтеграциялоо боюнча чараларды иштеп чыгуу болуп саналат. Мамлекет аларга жумушка орношууга өз убагында жардам көрсөтүп, өз Мекенине кайтып келгенден кийин жеке бизнесин ачууга, балдарына татыктуу билим берүүгө, алардын келечеги үчүн кам санабай тургандай кылып шарт түзүп бериши керек", — деген Жапаров.

Ал иштеп тапкан акчасын узак мөөнөттүү инвестицияга, аманатка жумшоону каалаган эмгек мигранттарын, алардын үй-бүлөлөрүн колдоого багытталган программа 2021-жылдын биринчи жарым жылдыгынын аягына чейин иштелип чыгып, кабыл алынарын айткан.

Программада алардын топтогон каражатынын бир бөлүгүн бизнес ачууга/өнүктүрүүгө же "мигранттар үчүн "1+1" схемасы менен бизнес ачууну каржылоо/аны өнүктүрүүгө" жеңилдетилген насыя берүү схемасы боюнча инвестициялоого мамлекет колдоо көрсөткөн инструменттерди түзүү каралган.

"Албетте, чет жакта иштеп жаткан жарандарыбыз мамлекеттен кандай жардамга үмүт арта аларын так билиши үчүн чет өлкөлөрдөгү эмгек мигранттарынын укуктарын жана кызыкчылыктарын коргоо иштерин күчөтүү кажет", — деген президент.

Ушул эле маегинде Жапаров Россиянын лидери Владимир Путинге кечээ аяктаган иш сапарында эмне белек кылгандыгын айтып берген.

8
Белгилер:
эмгек, мигранттар, Владимир Путин, Садыр Жапаров
Тема боюнча
Садыр Жапаровдун чет өлкөгө жасаган биринчи сапарынын жыйынтыгы. Сереп
Өз дүйнөсү менен жашап калган. Жапаров Жээнбековдун эмнеден жазганын айтты
Жапаров Путинге эмне тартуу кылганы белгилүү болду
Солдаттар кытай желегинин жанынан өтүп жатышат. Архив

Жапаров үй-бүлөсүнүн Кытай менен эмне байланышы бар экенин айтып берди

70
(жаңыланган 13:13 26.02.2021)
Мамлекет башчысы атасы Нуркожо Жапаров 30 жашында, 1960-жылдары, бабаларынын жери — Ысык-Көл облусуна кайтып келгенин айтты.

БИШКЕК, 26-фев. — Sputnik. 1916-жылдагы трагедиялуу окуяларда чоң атам Жапар үй-бүлөсү менен Кытайга көчүп кетүүүгө аргасыз болгон. Бул тууралуу президент Садыр Жапаров "Российская газета" гезитине берген маегинде билдирди.

Журналист мамлекет башчысына "Сиздин атаңыз Кытайда узак убакыт жашаган деп окудум, ушул чынбы? Сиз өзүңүз кытай тилин үйрөнүүгө аракет кылган жоксузбу?" деген суроо узаткан.

"1916-жылдагы трагедиялуу окуяларда менин чоң атам Жапар үй-бүлөсү менен Кытайга көчүп кетүүгө аргасыз болгон. 1932-жылы менин атам ошол жакта төрөлгөн. Балалыгы менен жаштыгы Кытайда өткөн. Андан кийин 30 жашында, 1960-жылдары, атам ата-бабаларыбыздын жерине — Ысык-Көл облусуна кайтып келген. Кытайда көптөгөн этникалык кыргыздар жашайт. Менин чоң атам көчүп барган аймакта этникалык кыргыздар гана болгон. Ошондуктан атам кытай тилин билген эмес, анткени бардык сабактар араб алфавити менен кыргыз тилинде жүргүзүлгөн. Башкача айтканда, атам менен чоң атамдын кытай тилин үйрөнүүгө мүмкүнчүлүгү болгон эмес", — деди Жапаров.

Ошондой эле ал бүгүнкү күнгө чейин Кытайда миңдеген этникалык кыргыз жашап жаткандыгын, алардын арасында өз мекенине кайтып келе албай калгандар бар экендигин белгиледи.

Мамлекет башчысы жубайы Айгүл Асанбаева тууралуу дагы эки ооз сөз айткан.

Президент Садыр Жапаров
© Пресс-служба президента КР / Султан Досалиев
"Жубайым биздин өлкөнүн көптөгөн жарандары сыяктуу эле орус тилинде эркин сүйлөйт. Бирок үй-бүлөбүз менен салттуу түрдө эне тилибизде — кыргыз тилинде сүйлөшөбүз", — деди Жапаров.

Эске салсак, Кыргызстандын президенти Садыр Жапаров эки күндүк иш сапары менен Москвага барган. Анын жыйынтыгын материалдан окуңуздар.

70
Тема боюнча
Өз дүйнөсү менен жашап калган. Жапаров Жээнбековдун эмнеден жазганын айтты
Кучактап, сыймыктанып... Белгилүү саясатчылардын атасы менен түшкөн сүрөттөрү