Мектеп окуучулары. Архив

Бишкектеги мектептердин 1-класстары каникулга тарайбы? Расмий жооп

260
(жаңыланган 21:13 12.02.2021)
Билим берүү жана илим министрлигинин маалымат кызматы аймактарда кошумча каникулдарды ар бир облус, райондун жетекчилери өз алдынча чече турганын белгиледи.

БИШКЕК, 12-фев. — Sputnik. Бишкектин мектептеринде билим алган 1-класстын окуучулары 15-февралдан 22-февралга чейин каникулга тарашат. Бул тууралуу Sputnik Кыргызстан агенттигине ордо калаадагы Билим берүү башкармалыгынын маалымат катчысы Мээрим Халиалдаева билдирди.

Анын айтымында, бир жумалык каникулга 1-класстын окуучулары гана тарайт.

"Мындай каникул жылда эле болчу. Бөбөктөр бир жумага каникулга чыгып, кайра 22-февралда окуу башталат. Ал эми 23-февраль майрам болгондуктан, бир күн эс алып, эртеси окушат", — деди Халиалдаева.

Билим берүү жана илим министрлигинин маалымат кызматы аймактарда кошумча каникулдарды ар бир облус, райондун жетекчилери өз алдынча чече турганын белгиледи.

Эске салсак, Бишкекте 18-январдан бери оффлайн режиминде 1, 5, 9 жана 11-класстын окуучулары гана билим алып жатышкан. Калган класстар аралыктан окушууда.

260
Белгилер:
1-класс, окуучулар, каникул, Бишкек
Тема боюнча
Окуу жылы башталгандан бери канча окуучу COVID жугузду. Министрликтин жообу
Кыргызстандын президенти Садыр Жапаров. Архив

Мектеп куруп берүүнү өтүнгөн балбайлык окуучу Жапаров менен жолукту. Сүрөт

95
(жаңыланган 23:26 28.02.2021)
Сегиз жаштагы бала соцтармак аркылуу президентке кайрылып, мектеп куруп берүүнү өтүнгөн. Алгач өлкө башчынын аны менен жолуга албай турганы айтылып, кийин видео аркылуу сүйлөшкөнү белгилүү болгон.

БИШКЕК, 28-фев. — Sputnik. Балбайлык окуучу Бекболот Турдушев президент Садыр Жапаров менен жолукту. Ал Instagram баракчасына өлкө башчысы менен жолуккан учурда тартылган сүрөттөрүн жарыялаган. 

Посмотреть эту публикацию в Instagram

Публикация от turdushev (@bekbolotturduh)

Президенттин маалымат катчысы Галина Байтерек Sputnik Кыргызстан агенттигинин кабарчысына президент окуучу бала менен жолугууга убада бергенин белгилеп кетти.

Бекболот Турдушев мектебинин эскилиги жеткенин айтып, эки кабат мектеп салып бериңиз деп өлкө башчысына кайрылгандан кийин интернет жылдызына айланган.

Ошондон кийин Бекболоттун Жапаров менен жолуга турганы тууралуу маалымат тараган.

Президенттин маалымат кызматы Жапаров Россияга болчу сапарынын алдында окуучу бала менен жолугуу каралган эмес дешкен.

Көп өтпөй Жапаров видео байланыш аркылуу Бекболот Турдушев менен сүйлөшкөнүн өлкө башчысынын маалымат кызматы кабарлаган.

95
Белгилер:
Бекболот Турдушев, Садыр Жапаров, мектеп, президент, жолугушуу
Тема боюнча
Мектеп куруп берүүнү өтүнгөн балбайлык окуучу Жапаров менен жолукту. Сүрөт
 Жогорку Кеңештин депутаты Алмазбек Акматов. Архив

ЖК депутаты Алмазбек Акматов каза болду

194
(жаңыланган 23:51 28.02.2021)
Эл өкүлү узак убакыттан бери оору менен алышып келгени айтылды. Депутаттыкка чейин бир катар кызматтарды аркалаган.

БИШКЕК, 28-фев. — Sputnik. Жогорку Кеңештин депутаты Алмазбек Акматов 57 жашында каза болду. Кабарды парламенттин маалымат кызматы ырастады.

Анда Акматовдун узак убакыттан бери илдет менен күрөшүп келгени айтылат.

Ал 2015-жылы "Бир Бол" партиясынын тизмеси менен депутат болуп шайланган.

Алмазбек Акматов 1964-жылы 18-октябрда Нарын облусунун Ак-Талаа районундагы Дөрбөлжүн айылында төрөлгөн.

Депутаттыкка чейин СССРдин Коргоо министрлигинде аскердик-саясий кызматтарда, президенттин иш башкармалыгында, Эсеп палатасында иштеген.

194
Белгилер:
оору, депутат, Алмаз Акматов
Тема боюнча
СССРдин эл артисти Токтоналы Сейталиев 84 жаш курагында дүйнө салды