"Кыргыз алтын" ишканасынын жетекчиси Элмырза Үкүбаев кармалды
(жаңыланган 21:16 12.02.2021)
Үкүбаев Жазык-процессуалдык кодекстин 98-беренесинин негизинде Улуттук коопсуздук мамлекеттик комитетинин убактылуу кармоочу жайына киргизилген.БИШКЕК, 12-фев. — Sputnik. УКМКнын Коррупцияга каршы күрөшүү кызматы "Кыргыз алтын" ААК башкаруучулугунун төрагасы Элмырза Үкүбаевди кармады. Бул тууралуу мекеменин маалымат кызматы кабарлады.
©
Фото / пресс-служба ГКНБ
УКМКнын Коррупцияга каршы күрөш кызматы "Кыргызалтын" ААК башкаруучулугунун төрагасы Элмырза Үкүбаевди кармады
Ага ылайык, Үкүбаев алтын казуучу ишканалардын айрым жетекчилеринен пара талап кылган деп шектелүүдө.
"Ал алтын өндүрүүчү компаниялардын биринин директорлор кеңешинин мүчөсүн кызматтан алам деген коркутуу менен эмгек акысынын бир бөлүгүн ага өткөрүп берүүсүн талап кылган. 12-февралда жүргүзүлгөн ыкчам-тергөө иш-чараларынын натыйжасында Үкүбаев 100 миң сом өлчөмүндө пара алып жаткан учурунда кармалды", — деп жазылат маалыматта.
©
Фото / пресс-служба ГКНБ
Үкүбаев алтын казуучу ишканалардын айрым жетекчилеринен пара талап кылган деп шектелүүдө
Учурда сотко чейинки өндүрүштүн алкагында кармалган аткаминердин опузалап пара алуу фактыларын аныктоо боюнча иш-чаралар жүргүзүлүп жатканы кошумчаланды.
Үкүбаев Жазык-процессуалдык кодекстин 98-беренесинин негизинде Улуттук коопсуздук мамлекеттик комитетинин убактылуу кармоочу жайына киргизилген.
Белгилер:
- Тема боюнча
- Муфтияттын бухгалтери камакка алынды
Ашказан-ичеги оорусу барлар вакцина алса болобу? Адистин жообу
(жаңыланган 23:14 07.03.2021)
Буга чейин ашказан, тамак сиңирүү органдары ооругандар эмдөөдөн өтсө болобу деген маселе коомчулукта кайра-кайра көтөрүлгөн.БИШКЕК, 7-мар. — Sputnik. Ашказан, ичеги-карын оорулары менен жабыркаган адамдар коронавируска каршы вакцина ала алышат. Бул тууралуу РИА Новости агенттиги жазды.
Москванын Саламаттык сактоо департаментинин штаттан тышкаркы башкы гастроэнтеролог адиси Дмитрий Бординдин айтымында, тамак сиңирүүсү начар бейтаптар SARS-CoV-2ге каршы эмдөөдөн өтө алат.
"Буга чейин ичегиси сезгенип, ашказаны ооругандар эмдөөдөн өтсө болобу деген маселе коомчулукта кайра-кайра көтөрүлгөн. Январь айында ал боюнча эл аралык сунуштама чыкты, февралда аталган илдет боюнча иш алып барган бүткүл россиялык коом да бир пикирге келди. Ичеги-карыны жакшы иштебегендер коронавируска каршы вакцина алышы керек", — деди Бордин.
Буга чейин адистер эмдөөнүн кыйыр таасири туурасында кеп кылып, анын иммунитеттен көз каранды эместигин айтышкан эле.
8-мартка карата аба ырайы
БИШКЕК, 7-мар. — Sputnik. 8-мартка караган түнү өлкөнүн тоолуу жана тоо этектериндеги аймактарында кар жаайт. Дыйканчылык өрөөндөрдө жаан-чачындын болушу болжолдонгон жок. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет маалымдады.
Абанын температурсы Чүй облусунда +10...+15, Таласта +9...+14, Ош, Жалал-Абад жана Баткен жергесинде +12...+17, Ысык-Көлдө +6...+11, Нарын аймагында +4...+9 градус болору айтылды.
Синоптиктер Ош жана Бишкек шаарларында күн ачык болуп, борбор калаада термометр +10...+12, ал эми экинчи борбор Ошто +15...+17 градусту көрсөтүп турарын билдиришти.
Белгилер:
Кыргызстандык жеңил атлетчилер Беларуста бир нече медаль алышты
(жаңыланган 00:16 08.03.2021)
Аталган спорттук иш-чарада кыргызстандык спортчулар баш-аягы эки алтын, бир күмүш жана үч коло медаль алышты.БИШКЕК, 8-мар. — Sputnik. Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды. Бул тууралуу КРдин Жеңил атлетика федерациясынан билдиришти.
©
Фото / пресс-служба федерации легкая атлетика КР
Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды
Дагы бир жөө күлүк Калыс Таштанов 1500 метр аралыкта марага биринчи жетип алтын, 800 метр аралыкта үчүнчү келип коло медалды байге куржунуна салган.
Аталган спорттук иш-чарада кыргызстандык спортчулар жалпы эки алтын, бир күмүш жана үч коло медаль алышты.