Көчөт отургузуу иштери Ош шаарында башталды

Ош шаарында көчөт отургузуу иштери башталды. Сүрөттөр

807
Ош шаарына быйыл 650 түп ийне жалбырактуу, 450 түп жазы жалбырактуу жана 72 миң түп бадал көчөттөрүн отургузуу пландалууда.

БИШКЕК, 13-фев. - Sputnik. Ош шаарында бүгүндөн тарта көчөт отургузуу иштери башталып, Бахапов көчөсүн бойлой бактар тигилди. Бул тууралуу шаар мэриясынан кабарлашты.

Ишембиликке катышкан Ош шаарынын мэри Таалайбек Сарыбашов шаардыктарды айланага аяр мамиле кылууга чакырды.

  • Ош шаарында бүгүндөн тарта көчөт отургузуу иштери башталып, Бахапов көчөсүн бойлой бактар тигилди
    Ош шаарында бүгүндөн тарта көчөт отургузуу иштери башталып, Бахапов көчөсүн бойлой бактар тигилди
    © Фото / пресс-служба мэрии города Ош
  • Ишембиликке катышкан Ош шаарынын мэри Таалайбек Сарыбашов шаардыктарды айланага аяр мамиле кылууга чакырды
    Ишембиликке катышкан Ош шаарынын мэри Таалайбек Сарыбашов шаардыктарды айланага аяр мамиле кылууга чакырды
    © Фото / пресс-служба мэрии города Ош
  • 2021-жылы Оштогу көрктөндүрүү жана жашылдандыруу чарба комбинаты муниципалдык ишканасы тарабынан жалпысынан 650 түп ийне жалбырактуу, 450 түп жазы жалбырактуу жана 72 миң түп бадал көчөттөрүн отургузуу пландалууда.
    2021-жылы "Оштогу көрктөндүрүү жана жашылдандыруу чарба комбинаты" муниципалдык ишканасы тарабынан жалпысынан 650 түп ийне жалбырактуу, 450 түп жазы жалбырактуу жана 72 миң түп бадал көчөттөрүн отургузуу пландалууда.
    © Фото / пресс-служба мэрии города Ош
1 / 3
© Фото / пресс-служба мэрии города Ош
Ош шаарында бүгүндөн тарта көчөт отургузуу иштери башталып, Бахапов көчөсүн бойлой бактар тигилди
"Шаардыктарды жана келген конокторду жасалып жаткан көрктөндүрүү иштерине көмөк көрсөтүп, тебелеп, жулуп кетип жаткан айрым бир терс көрүнүштөргө жол бербөөгө чакырам. Бул иш-аракеттердин максаты шаарга көрк берип, жашыл зоналарды көбөйтүү болуп саналат", — деди Сарыбашов.

Баткенде жазгы айдап себүү жумуштары
© Фото / пресс-служба полпредства правительства в Баткенской области
2021-жылы "Оштогу көрктөндүрүү жана жашылдандыруу чарба комбинаты" муниципалдык ишканасы тарабынан жалпысынан 650 түп ийне жалбырактуу, 450 түп жазы жалбырактуу жана 72 миң түп бадал көчөттөрүн отургузуу пландалууда.

Ал эми эрте жазда шаар көчөлөрүнө 7 миңге жакын жоогазын гүлү жана жалпысынан 2 миллиондой ар түрдүү гүлдөр отургузулат.

Мындан сырткары, муниципалдык аймактык башкармалыктар тарабынан шаар аймактарына 20 миң түп дарактын көчөттөрү отургузулат.

807
Белгилер:
Таалайбек Сарыбашев, жашылдандыруу, көчөт, Ош шаары
Тема боюнча
Жаздан тарта кытай грантына оңдоло турган Бишкектин көчөлөрү. Тизме
Эл аралык аэропорттогу жүргүнчү. Архив

Кыргызстандын жарандары Россияга негиздемеси жок кириши мүмкүн

9
(жаңыланган 17:24 02.03.2021)
Биринчи вице-премьер Артём Новиков РФ өкмөтүнүн төрагасынын орун басары Алексей Оверчук менен "COVID жок саякатта" программасын талкуулашкан.

БИШКЕК, 2-мар. — Sputnik. Кыргызстандыктар Россиянын аймагына негиздемеси жок кириши мүмкүн. Бул тууралуу өкмөттүн маалымат кызматы кабарлады.

Президент Садыр Жапаровдун 26-февралда Россияга жасаган иш сапарынын жыйынтыгы боюнча биринчи вице-премьер Артём Новиков РФ өкмөтүнүн төрагасынын орун басары Алексей Оверчук менен жолугушкан.

Тараптар Россиянын "COVID жок саякатта" программасына Кыргызстандын катышуусун талкуулашкан. Ага катышууга өлкөнүн медициналык лабораторияларынын Россиянын керектөөчүлөр көзөмөлүнүн талаптарына шайкештигин баалоону макулдашкан.

"Бул чечим кыргыз жарандарынын Россия Федерациясынын аймагына кирүүсү үчүн негиздеме алуу зарылчылыгын жокко чыгарууга мүмкүндүк берери күтүлүүдө", — деп айтылат маалыматта.

Тараптар билим берүү жаатында кызматташууну тереңдетүү маанилүү экендигин айтышкан. Буга байланыштуу кыргызстандык студенттердин Россиянын ЖОЖдорунда билим алуусуна акысыз квоталарды көбөйтүү жана "Россиянын мугалими чет өлкөдө" программасы боюнча РФтин мугалимдеринин санын жогорулатуу жөнүндө макулдашылган.

Кечээ Саламаттык сактоо жана социалдык өнүктүрүү министрлиги Кыргызстан "COVID-19 жок саякатта" санариптик платформага кошулганын билдирген.

9
Тема боюнча
20 жылга кесилет! ИИМдин РФтеги өкүлчүлүгү курьер кызматына жамынгандарга кайрылды
Аэропорттогу учак. Архив

Авиабилеттер качан арзандайт? Учурдагы абалга жана келечекке саресеп

178
(жаңыланган 16:58 02.03.2021)
Бүгүнкү күндө аба каттамдарына билет баасы мурункуга салыштырмалуу бир кыйла арзандап калган. Дагы бир нече рейстин кошулушу күтүлүүдө.

Sputnik Кыргызстан агенттиги учурдагы кырдаалга сереп салып, авиабилеттердин наркына кызыгып көрдү.

Пандемиядагы чектөөлөрдөн кийин Россия, Түркия, Бириккен Араб Эмирлиги, Казакстан, Өзбекстан өлкөлөрү Кыргызстан менен аба байланышын жарым-жартылай жандантты. Жарандык авиация агенттигинин каттамдарды жөнгө салуу боюнча ага инспектору Азис Уметалиев республикадагы абал тууралуу маалымат берди. Анын айтымында, Кыргызстандан азыр беш мамлекетке каттам жолго салынган.

"Азыркы учурда график боюнча Россияга, Түркияга, Араб Эмирлигине, Казакстанга жана Өзбекстанга үзгүлтүксүз рейстер бар. Россияга жумасына алты жолу учуп жатышат. "Авиатрафик" компаниясы үч жолу жана "Аэрофлоттун" учагы үч жолу учат. Ошондой эле Түркияга да жумасына үч жолу каттам жүрүүдө. Мында Pegasus Airlines, "Авиатрафик" жана Turkish Airlines компаниялары каттап жатышат. Ал эми Дубайга Flydubai аптасына үч ирет учууда", — деди Уметалиев.

Анын айтымында, "Авиатрафик" компаниясынын Россияга бирдиктүү баасы 335 еврону (болжол менен 34 116,77 сом) түзөт.

"Учурда Кыргызстандан Россияга билет тартыш болуп жатат. Ал эми, тескерисинче, ал жактан учак жарым-жартылай бош келүүдө", — деди ал.

Билет баасын билүү үчүн редакция "Авиатрафик" компаниясы менен байланышты. Оператор аталган компания учурда Бишкек — Москва жана Бишкек — Стамбул каттамы менен иш алып барып жаткандыгын билдирди. Анын айтымында, Москвага билет наркы 335 еврону (болжол менен 34 116,77 сом) түзсө, Түркияга март айы ичинде 13 628 сомдон 34 220 сомго чейин турат.

Ошондой эле атын атагысы келбеген авиабилет сатуучу кыз Россиянын жаранына үч күн мурда эле 43 миң сомго билет сатканын айтты.

"Мен өзүм "Аэрофлот" компаниясынан билет алып, Бишкек — Москва, Бишкек — Ош каттамы боюнча алып сатар катары иштейм. Азыр эң арзан билет чартердик каттамдарга 30 миң сом болуп жатат. 48 миң сомго чыгып кеткен учурлар бар. Москвадан Бишкек менен Ошко билеттердин айырмасы 2000 сомду түзөт. Ал эми Россиядан Кыргызстанга билет баасы 10-12 миң рубль. Мурда эки тараптуу каттамдын баасы бирдей эле болсо, азыр ортосунда асман менен жердей айырма бар", — деди ал.

Алдын ала билет алууга буюртма берсе, авиакомпаниялардын сайтынан арзаныраак билет алууга мүмкүн экендигин көрө алабыз. Билетке канчалык эрте буюртма берсе, ошончолук арзан учуу мүмкүнчүлүгү бар.

Бүгүнкү күндө Россияга Кыргызстандан чартердик каттам менен учуу үчүн негиздеме талап кылынып, анын бар-жогун авиакомпания текшерет. Бул документти үч жагдайда гана алууга болот:

  • ден соолугуна байланыштуу дарылануу үчүн;
  • атайын тизмеге кирген уюмдун адиси болсо:
  • ата-энеси же жакыны ошол баруучу мамлекетте жашаса.

Кыргызстандагы Туризм ассоциациясынын негиздөөчүлөрүнүн бири жана мурдагы төрагасы, ошондой эле билет сатуу менен алектенген авиакассанын жетекчиси Талант Токталиев негиздемени көзөмөлдөө функциясы эмне себептен авиакомпанияларга берилгендигин түшүндүрүп берди.

"Негиздемеси барларга жакын туугандарынын бири Россиянын жараны болгондор же чакыруу кагазы менен келишими бар атайын тизмеге кирген уюмдардын адистери кирет. Эгер Россиянын клиникаларына дарыланууга чакыруусу болсо да негиздеме ала алат. Негиздемени авиакомпаниялар эле текшергендигинин себеби, жарандар чет мамлекетке учуп баргандан кийин документи дал келбей калса, аны кайра депорт кылууга туура келип калат. Кеткен чыгымдын баарын авиакомпания өзүнүн мойнуна алат. Ошондой түшүнбөстүктөр болбошу үчүн негиздемени текшерүү иши Россиянын Чек ара кызматына эмес, учууга уруксат берилген авиакомпанияларга жүктөлгөн. Муну көпчүлүк түшүнбөй эле "Россиядан негиздемени сурабайт экен" деп нааразы болушууда. Бизге эле эмес бардык мамлекеттерге талап ушундай. Тескерисинче, биздин жарандар Өзбекстан менен Тажикстандын жарандарына караганда негиздемеден улам авиакаттам менен түз кирүү мүмкүнчүлүгүн алышкан", — деди Токталиев.

Ал мурункуга караганда билет баасы алда канча арзандап калгандыгын кошумчалады.

"Мурда билет наркы 60-80 миң сомго чейин барса, азыр 30-40 миң сомдун тегерегинде. Кээде 60 миң сомго чейин барууда. Бирок төмөнкү чектеги баа арзандап калды. Кошумча каттамдар да ачылып, үзгүлтүксүз учкан рейстердин саны көбөйдү. "Авиатрафик", "Аэрофлот", S7 компанияларына уруксат берилди. Оштон да Уфага жана Самарага негиздемеси бар рейстер коюлду. Кошумча каттам ачылганына байланыштуу билет баасы түшүп жатат", — деди Токталиев.

Ал билеттердин баасы мындан да арзандашы күтүлүп жаткандыгын белгиледи.

Ал эми борбордогу авиакассалардын биринде эмгектенген кызматкердин берген маалыматына караганда, Turkish Airlines компаниясы аркылуу ушу аралыкта 13 910 сомдон 23 835 сомго чейин Түркияга билет алууга болот. Ал эми эконом-класска эң кымбат билет баасы 90 826 миң сомду түзсө, бизнес-класстын эң кымбаты 120 066 сом болот.

Ошол эле учурда Дубайга Flydubai компаниясы аркылуу билет баасы 304,40 доллардан (болжолдуу түрдө 25 808,10 сом ) 1135,40 долларга (болжол менен 96 263,19 сом) чейин болуп жатат.

178
Белгилер:
Дубай, Түркия, Россия, Бишкек, билет, аба каттам
Тема боюнча
Алматы – Ош – Алматы чартердик каттамы ачылды
Эми учактар Бишкектен Москвага жумасына алты ирет каттай баштайт