Кишинин колундагы фитнес-браслет. Архив

Бишкек мэриясы 500 миң сомго фитнес-браслет сатып алуу себебин түшүндүрдү

298
(жаңыланган 17:20 13.02.2021)
Муниципалитет фитнес-браслеттер кызматкерлер үчүн эмес экенин айтып, алар кимдерге берилерин билдиришти.

БИШКЕК, 13-фев. — Sputnik. Бишкек мэриясы эмне себептен 500 миң сомго 250 фитнес-браслет сатып алганы жатканын түшүндүрдү.

Свердлов райондук администрациясынын тендер боюнча кулактандыруусу мамлекеттик сатып алуулар порталына жайгаштырылган.

Мэриядан билдиришкендей, тендер 8-март — Эл аралык аялдар күнүн утурлай жарыяланган. Майрамга карата райондун ардактуу жашоочуларына жана активист кыз-келиндерге белекке берилет.

Муниципалитеттен билдиришкендей, 2020-жылы пандемия күч маалында мындай иш-чара өткөрүлбөй, аялдарга жетишерлик көңүл бурулбай калган.

"Белек сергек жашоо образын эске салуу менен тандалган. Өзгөчө улгайып калган адамдарга керектүү буюм. Тендердин шарттары боюнча браслетте кан басымын, пульсту, уйкуну, кыймылды көзөмөлдөө функциялары бар болушу керектиги айтылган", — деп жазылган билдирүүдө.

Тендерде талапка жооп бергендердин арасында эң төмөнкү бааны сунуштаган тарап жеңүүчү деп табылат.

Мэриядан кошумчалашкандай, акимчиликтин бюджетинде белек алууга же кызматкерлерге башка сыйлыктарды берүүгө каражат каралган эмес.

298
Белгилер:
тендер, Бишкек мэриясы
Тема боюнча
Мэрдин милдетин аткаруучу Кудайбергеновдун бишкектиктерге берген 10 убадасы
Бишкек мэриясы жер берүүгө коюлган мораторийди жоюп салууну сунуштап жатат
Партктагы гүлдөр. Архив

Бейшембиге карата аба ырайы

71
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

71
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео
Кишенчен киши. Архив

Бизнесмен Жалил Атамбаев кармалып, камакка алынды

1031
(жаңыланган 19:15 03.03.2021)
Шектүү мамлекеттик кызматта турганда мыйзамсыз негизде байыган деп УКМКнын тергөө абагына камакка алынды.

БИШКЕК, 3-мар. — Sputnik. Мыйзамсыз баюу фактысы боюнча Жалил Атамбаев кармалды. Бул тууралуу УКМКдан билдиришти.

Маалыматка караганда, ички иштер органдарынын мурунку кызматкери Атамбаевге каршы козголгон бир катар кылмыш иштери боюнча, анын ичинде мамлекеттик кызматта турганда мыйзамсыз баюу фактысы тууралуу тергөө иштери жүрүп жатат.

"Ички иштер органдарынын мурдагы кызматкери болуп саналган Жалил Атамбаев олуттуу финансылык ресурстарга ээ болуп, кымбат баалуу кыймылсыз мүлктү өзүнүн жакын туугандарынын атына каттатып алган", — деп айтылат маалыматта.

Шектүү Кылмыш-жаза кодексинин 323-беренесинин 2-бөлүмүнүн 2-пункту ("Мыйзамсыз баюу") боюнча кармалып, УКМКнын тергөө абагына киргизилди.

1031
Белгилер:
бизнесмен, камак, мыйзамсыз, Жалил Атамбаев
Тема боюнча
Жеке клиниканын башкы дарыгери Матраимовдун абалы начар экенин айтты
УКМК ЖК депутаты Абжалиевди мыйзамсыз байыган деп иш козгоду