Кыз арыктоодон кийин. Архив

Адис зыяндуу деген диеталар тууралуу кулак кагыш кылды

103
Адис азыр көп айтылып жүргөн, детокс-диетанын кооптуулугу туурасында да кеп кылган. Андан сырткары, организмге жакпай турган жашылча-жемиштерди да эске алып коюуга кеңеш берген.

БИШКЕК, 14-фев. — Sputnik. Диетолог Ирина Писарева эл арасында белгилүү болгону менен ден соолукка зыян келтирүү ыктымалдыгы бар делген диеталар боюнча айтып берди. Бул темада адис менен RT маектешкен.

Анын айтымына караганда, эң эле көп кездешкен катачылык — көпкө чейин ачка жүрө берүү.

"Кадимки тамактанууга өткөндөн соң алардын болжол менен 80 пайызы адаттагыдан көп жей баштайт. Мындан улам, албетте, киши көбүрөөк салмак кошот", — деп түшүндүргөн адис.

Писарева адам кандай гана диета кармабасын, алгач анализ тапшырып же жок дегенде терапевт дарыгер менен бир ирет сүйлөшүп коюу зарылдыгын белгилеген. Бул организмде өнөкөт ичеги-карын же башка оорулар болсо, диетага отуруу пайдасы эмес зыянын тийгизип жибербешин алдын алат дейт.

Эксперт монодиеталар да кооптуу болушу мүмкүндүгүн айткан. Мында организм тиешелүү витаминдер менен микроэлементтерди албай калат да, иммунитет түшүп кетип, адамдын абалы начарлайт.

Адис азыр көп айтылып жүргөн, аны кармаган учурда жашылча-жемиштерден жасалган шире, суюктуктар гана ичилген детокс-диетанын кооптуулугу туурасында да кеп кылган.

"Ичеги-карынга аралаштырылган нерсе түшөт да, аны иштетиш үчүн энергия жумшалбайт. Анын кесепетинен ичегилер иштөө, кыймылга келүү жөндөмдүүлүгүн жоготот, тагыраагы, атрофия жүрөт", — деп жыйынтыктаган дарыгер.

Писарева диета кармайм дегендерге организмге кайсы жашылча-жемиштердин жакпай турганын эске алып коюу зарылдыгын эскертип, маселен, апельсин ширеси ашказандагы кычкылдуулукту арттырып жиберерин кошумчалаган.

103
Белгилер:
кеңеш, дарыгер, жашылча-жемиш, шире, арыктоо, диета
Тема боюнча
Жүрөк оорусун алдын алып, ичеги-карындын иштөөсүн жакшырткан азык аталды
Дарыгерлер диетасыз арыктоонун жолун айтышты
Жолдогу жүк ташуучу унаа. Архив

Таңкы 6га чейин жабылды. Өлкөдөгү эки ири жолго чектөө киргизилди

44
(жаңыланган 00:53 25.02.2021)
Жолду көчкү кооптуулугунан улам жабууга Жарандык коргонуу башчысы-премьер министр бүгүн буйрук берген.

БИШКЕК, 25-фев. — Sputnik. Бишкек — Ош жолунда кар көчкү түшүү коркунучу бар болгондуктан Жайыл, Токтогул райондорундагы жана Суусамыр — Талас — Тараз унаа жолунун Талды-Булак айылындагы посттор 25-февраль таңкы саат 06:00гө чейин убактылуу жабылды. Бул тууралуу ӨКМдин маалымат кызматынан кабарлашты.

Бул премьер-министрдин буйругунун негизинде болгон.

"Бишкек — Ош жолунда кар көчкү түшүү коркунучу болгондуктан Жайыл районунун Сосновка, Токтогул районунун Арал постторунда жана  Суусамыр — Талас — Тараз жолунун Талды-Булак айылындагы постунда автоунаалардын бардык түрүнө таңкы саат 06:00гө чейин убактылуу чектөө киргизилди", — деп кабарлаган ӨКМ.

Эске салсак, Бишкек — Ош жолунун 132-чакырымында көлөмү болжол менен 1800 м3 кар көчкү түшкөндүктөн учурда жол жабылган.

44
Белгилер:
көчкү, Бишкек - Ош жолу, Жайыл району, Токтогул району, Кыргызстан
Тема боюнча
Көчкү түшүп, Бишкек — Ош жолу убактылуу жабылды
Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда

Жапаров Москвадагы кыргызстандыктарга жолукту. Сүрөт

72
(жаңыланган 23:22 24.02.2021)
Жапаров Путин менен болгон жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген.

БИШКЕК, 24-фев. — Sputnik. Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда. Бул тууралуу мамлекет башчынын маалымат кызматынан кабарлашты.

  • Кыргызстанцы проживающие в России на встрече с президентом КР в рамках его рабочего визита в РФ
    Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда
    © Пресс-служба президента КР / Султан Досалиев
  • Президент КР Садыр Жапаров на встрече с кыргызстанцами, проживающими в России в рамках рабочего визита в РФ
    Ал Россия президенти Владимир Путин менен жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген
    © Пресс-служба президента КР / Султан Досалиев
  • Кыргызстанцы проживающие в России на встрече с президентом КР в рамках его рабочего визита в РФ
    Жапаров сыртта иштеп жүргөн кыргызстандыктардын алдына сүйлөп жатып, эң биринчилерден болуп "Миграциялык кырдаалды жакшыртууга багытталган чараларды кабыл алуу жөнүндө" жарлыкка кол коюлганын билдирген.
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Россияга иш сапар менен барган президент Садыр Жапаров Москва шаарында Россияда жашаган кыргызстандыктар менен жолугушууда

Ал Россия президенти Владимир Путин менен жолугушуунун жыйынтыктары, анын ичинде Россияда эмгектенген кыргызстандыктардын маселеси дагы талкууланганы тууралуу маалымат берген.

Жапаров сыртта иштеп жүргөн кыргызстандыктардын алдында сүйлөп жатып, эң биринчилерден болуп "Миграциялык кырдаалды жакшыртууга багытталган чараларды кабыл алуу жөнүндө" жарлыкка кол коюлганын билдирген.

"Менин максатым — элибиздин көйгөйлөрүн чечүү, Кыргызстандын бардык жарандарын жумуш орундары менен камсыздап, татыктуу жашоого алып келүү. Ошондой эле чет өлкөлөрдө иштеп жүргөн мекендештердин Мекенге кайтып келүүсү үчүн жагымдуу шарттарды түзүү", — деген Жапаров.

Кыргызстан турак жай ээлери салык төлөөдөн качып, чет элдик жарандарды каттоого тургузуудан баш тартышкандыгынын натыйжасында келип чыккан мигранттарды каттоо көйгөйлөрүнө көңүл бурган.

"Казакстанда бул багытта "кабарлоо тартиби" деген жакшы тажрыйба бар: жарандар мамлекеттик органга келген жана иштеген жери жөнүндө билдирүү гана жөнөтөт, андан кийин ал каттоого турат. Ушундай эле жол-жобону ЕАЭБдин алкагында киргизүүнү сунуштайбыз", — деген Жапаров.

Эске салсак, бүгүн Жапаров Россияга иш сапары менен барып, Россия лидери Владимир Путин менен жолуккан.

72
Белгилер:
мигранттар, иш сапар, Садыр Жапаров, Россия, Кыргызстан
Тема:
Садыр Жапаровдун Россияга сапары
Тема боюнча
Путин: Россия Кыргызстанга мындан ары да колдоо көрсөтөт
Кызматташууну бекемдейбиз. Жапаров Путин менен жолукканда эмне деди